ما بعد الصبر🤍
ياناس اني تعبت نبي نشارككم شن صار معاي اني معاش نقدر نتحمل نعيش بعد ما بوي فركسلي خطبتي من ولد نحبه و درته حياتي كلها مانقدرش نتزوج غيره نقول يا هوا يا المووت اني فديت نعامل في العيلة عادي لكن محروقة من داخل والعة فيا نار جايتني ندير حاجة في روحي و نفتك لكن نفكر في اللي صبر عليا سنين و في الاخير بوي قاله لا شن بيدير لو نموت و هوا لما ردوه و قالوله مافيش نصيب شوف غيرها وقف معاي راجل كان معاي في كل شي مافهمتش كيف نتصرف وقتها ضعفت هلبا وقفني هوا على حيلي بكلمة ربي معانا ماتخافيش ربي يشوف فينا و يعرفنا شني احمديه و ادعيله يجمعنا يقولي هكي بالحرف صوته يرن في وذني بالكلمات هادو للايف ياريت بوي يعرف انت شني و شن ناوي و كيف تعامل فيا و الله لو نظرة بوي ليك كيف نظرتي ماكان رفض السبب اللي قعدت ندعي ربي مايوقفش موضوعي على خاطره وقف بعد ما حددنا موعد جيانهم لا حول و لا قوة الا بالله و خلاص..
الدوة هادي 👆🏻 كاتبتها قبل يومين😔
نضت اليوم مخنوقة من بكي امس مضايقة مفكرة كويس في اللي بنديره و نادمة قبل ما انفذ و مقوية روحي قلت خلاص طفح الكيل بوي قايلي غاضب عليك و لازم مانتجهش جيهة غضب بوي عليا نزلت نجري من داري مبدلة و متجهة لباب الحوش قتلي امي تعالي افطري ياناري امي ما وقفتش و هيا تكلم في بوي عليا لان الام تحس ببنتها بدون ماتتكلم المهم و الاهم قتلها ماخاطريش و طلعت ولعت السيارة و مشيت للجامعة عندي محاضرة طبعاً الوقت كله و اني مش مركزة نفكر في اللي بنديره و قلبي و عقلي يتعاركو عقلي يقول نفذي و قلبي يقول حرام عليك الولد و جسدي تاعب مش متقبل كملت المحاضرة تسقدت مشيت للمكان اللي متفاهمة بنشوف فيه احمد(الولد اللي نحبه)وصلت درست ندكر لما كتبتله نبي نشوفك ضروري فرح يحساب بوي وافق قالي تمام جنب المقهى اللي نمشيله ديما قعدت نفكر شن بيرد على كلامي شن بيكون شعوره شن بيحس شن تعابير وجها شن اللي ندير فيه اني خلاص دموعي ماوقفوش ياربي كيف هكي ياربي ساعدني....
جي احمد ركب السيارة قالي شن فيه ان شاء الله خير😃 كان فرحان ماشافش دموعي خفت عليه قتله احمد انت صبرت عليا هلبا و انت ولد كويس قالي تي خيرك تتفلسفي عليا توا شن بتقولي غمضت عيوني نسمع في قلبي يقولي حرام هوا يحبك و عقلي قالي قوليله كل حد في طريق ترتاحي اني صمتت و فتحت عيوني قتله احمد نبيك تفهم كل حرف بنقوله احمد تعرف انك حياتي تعرف كل شي قالي اني وقفت معاك عمرك كله مانحترمش قرارك توا تفضلي يا مرام تكلمي شن فيه بدي جديات لما قالي ه الكلمات سكتت نزلو دموعي شبحت في عيونه قتله انت الوحيد اللي مانقدرش نقعد بدونك انت الوحيد اللي تفهم فيا و تصبر على كل شي نديره قتله احمد اليوم و اني نازلة بنمشي للجامعة قابلتني امي تقولي صباحك سرور و نور يابنيتي قتلها صباح النور
قتلي تعالي بنقولك امس فتحت موضوعك مع بوك قتلها باه قتلي و اوبيك وافق ♥️♥️♥️♥️😍و قالك قوليلهم يتفضلو قالي احمد ادوي الرسمي و الا فكيني من جوك تو بعد البكي كله تقوليلي قال باهي كلامك كان بتسيبيني قتله اقسم باللي خلقني و خلقك ان اني نصيبك و بوي وافق فرح فرحة 😍😍😍😃😃😃عمري ماشفته هكي الحمدلله ربي جبر بخاطرنا 🥰🤲🏻
كل انسان يوكل امره لربي و بإذن الله ما يرجع خايب🤲🏻♥️
✍🏻Hadeel Ahmed🥰🥰
