ترتيل الصخر

البارت الحادي عشر

ترتيل الصخر

#بقلمي ليان سعيد

🌼🌼🌼🌼

ترتيل

رفعت اصبعي وحجيت
دير باللك اتعيدهه مره ثانية

عفته ومشيت
شنو شايف روحه ماادري

بقو عمامي اشويه وراحو رحت لغرفتي حطيت راسي ونمت...

سهى

بيوم عزمونه عمامي برجعه صخر
انه ماردت اروح
لان ما اريد اشوف وجه قاسم بس لازم اروح
هاي اوامر ابوي

رحنه لبيت عمي محمد واجت مره عمي محمد وسلمت علينه حيل حبابه وتنحط بالكلب

رحت لجنه سلمت عليهه مشتاقتلهه كلش
وعاتبتني شي ما اجي الهم

جاي نحجي وكالت تدرين اخوي قاسم كمل الماستر وراح يتعين بالكليه مدرس جامعي

كتله اي الله يوفقه

كاعدين وصاح عليه امهه اتجيبلهه شغله من بيتهم

كالت سهى امشي وياي فدوه

كتله اي عادي امشي وياج جانن ابيوت عمامي واحد بصف الثاني
رحنه البيتهم كالت ابقي بالمطبخ راح اجيب الشغله لمي وارجع بسرعه
كتله اوكي

راحت صعدت فوك كاعد بالمطبخ اشويه وطفت لكهرباء

خفت كلش انه كلش اخاف من الضلمه
ضليت اصيح نجمههه وينج

ضليت اتلمس بلكت الكالي شي اضوي بيهه

جاي امشي اتلمست شي صلب جدامي

رفع ايديه اتلمس هذه وجه شخص ردت اميل ايدي وشتغلت الكهرباء

شفت قاسم جان مغمض اعيونه فتح اعيونهه ذبلانه وبيهن لمعه مكدرت افهمهه
انتبهت عليه اديه بعدهي عله وجهه يبوووي فزيت رجعت لي وره
طاح حضج يسهى

هوه جان صافن عليه ماحجه شي
حجيت شبيك غير تحجي غير اتكول انه هنا ها وشبيك صافت

اتحولت نضرته لغضب وجتف ايدي وكال

والله انه مجنت ادري انتي بالمطبخ جاي اطلع وانتي جلبتي بيهه وتتلمسين بوجهي

حسيت اخدودي اشتعلو نار من الفشله

شفته رافع جاجبه وعله وابتسامه بطرف شفته

خزرته ردت اجي واجت جنه

كالت ها سهى شبيج حبيبتي خو ماخفتي ادري بيج اتخافين من الضلمه

كتله ها لا مخفت
رحنه نمشي لبيت عمي محمد سرحت بخيالي هذه شبيه هيج وياي وانه طبعي هادئه بس يمه تطله خبالاتي

اوو خي روح

وصلنه للبيت واجه صخر متغيرر هوااي
سلمت عليه وكال اشلونج سهئ شخبارج
كبرانه ولج

كتله الحمد لله زين محد يضل عله حاله
شفت نهى مسلمت عليه خلت وراحت كعدت

الي عرفته انو صخر واسد يشتغلون ضباط

بقينه وكملت العزيمه ورجعنه للبيت بس ترتيل ماكو مدري ويت راحت

وصلت لغرفتي لبست تراك ونمت كععدت  الصبح
نزلت جوه جان ابوي وترتيل جاي يرحون لبيت عمي محمد لان ترتيل مسلمت عله صخر
راحو ابوي وترتيل بقيت انه ونهى بالبيت كاعدين بلاستقبال انه ونهى نشوف فلم

وفجئه صار رمي قووي كلش ركضنه اريد نطلع من الاستقبال ونهى طاحت بالكاع اباول الدم ترس الكاع طالع من رجلهه
ماعرف اوصف هاي اللحضه ثوني انه ممستوعبه لصار شويه وكضت عليه اعاينلهه اتغمض وتفتح اعيونه وشوي وسدتهن انه متت بدمي ضليت اصرخ ماعرف شسويه اشويه
ودخلت ترتيل هيه ولد عمي وابوي وعمامي اجه اسد شالاههه واخذهه بسرعه
ردت اطلع وراح واحس احد كض ايدي

قاسم كال وين رايحه هيج بتراكج وبلا حجاب ها
امشي طبي جوه

نترت ايدي منه انته شبيك ها انه با حال هسه ماسمعني سحبني من ايد واخذني للغرفه كال اكعدي هنا ماكو داعي لروحتج مفهوم حجاهه بصياح وعصبيهه هذه شبي

عافني وطلع وركع الباب حيل
كعدت بالكاع ابجي اختي ربي احفضهه الي من كل شر

ضليت كاعده الى شويه واجت جنه وحضنتني كالت
لاتخافين مايصير بيهه شي نهى قويه

بقيت ساعات وخابرو كالو تعدت مرحله الخطر فرحت حيل

بقيت لثاني يوم ورحت الهه لمستشفى جانت كاعده حضنتهه وجييت الله لايحرمني منج حبيبتي نهى حفت عليج هوواي
بقت كم يوم بالمستشفى وطلعناهه للبيت وسوه ابوي عزيمه بمناسبه سلامتهه

جنت كاعده يم نهى حطينالهه سرير جوه لان متكدر تصعد فوك
اجه قاسم وسلم عليهه
وهيه ردت السلام  وتحمدلهه بسلامه وانه ولا عبرني شبي هذه حته مسلم
عابت اي والله.....

ترتيل

كعد الصبح لبست بنطرون كابوي  وقميص اسود لحد الركبه لفيت شالي
شفت جرح نهى ملتأم الحمد لله
رحت ركبت سيارتي وصلت للمستشفى جان عندي كم عمليه كملتهه صارت ب12الضهر كلت لازم اعزم عماد ميصير
رحت الغرفته وكتله اليوم عازمتك عله الغده الوعدتك بيه
رحت انه وياه جاي نمشي وشفت صخر جاي يمشي باتجاهنه
هذه شجابه
اجه وصل سمنه وعيونه حمر من يعصب ايصيرن حمر نفس عادته متغيرت
معقوله ترتيل بعدج هيج تذكريت تفاصيله

كال السلام عليكم
ردينه
كتله شعندك بالمستشفى
كال جاي اشوف صديقي وانتي وين رايحه
كتله
رايحه انه وعماد نتغده عازمته
كال ها
عافنه ومشه رحنه اتغدينه وكملنه
حجه عماد

ترتيل انه اريد احجي وياج بموضوع
حجيت
كول عماد
انه اريد اتزوجج ترتيل اتقبلين اتصيرين مرتي

ترتيل.....

مع السلامه
واعذروني ع التاخيرر