الحلقه196
ناديه بفرحه:امبدري جوك خطاب🥰
سولار ارتبكت و وجهها تغير😳
سولا:شن تقولي ياماما بعد منذر ماتفكروش تزوجوني😡
ناديه:غر شن تقولي انتي خلي نقولك من الخطاب بالأول☺️
سولار:منو
ناديه:فادي🥰
سولار:شنوو😳شن تقولي ياماما متاگده بإن الكلام هدا تقولي فيه وعقلك في راسك😳
ناديه:لا الحمدلله عقلي في راسي .. وبعدين الراجل قاعد يحبك ويبيك وخلاص الحياة مابتوقف
سولار:تي شن تقولي ياماما حسي فيا اني مانبيش خلاص افهموني بالله عليكم وبدات المخلوق هدا اني مانحباش😭
ناديه:نسيتي روحك نسيتي لما رفضتي سند علي شانه نسيتي كيف كنتي تحبيه نسيتي ولانفكرك
سولار صرخت:خلااااص خلاص اني مانبيش اني مرت منذر دبلته قاعده في صبعي اني لمنذر ياماما
ناديه:خلاص عااد منذر مات وجف ترابه وانتي مزلتي صغيره فكري في حياتك ومستقبلك خير ماقاعده عايشه الماضي
سولار بألم:ماما حطي روحك في مكاني اني نحبه ياماما اني نعشقه وحتا لو هوا ميت ولو كان متت حتبقى الحاجه الوحيده ياللي حيا فيا هيا عشقي ليه ياماما .. ماما اني مانقدرش حتا نتخيل حدتاني في مكانه مانقدرش نسمعهم يقولو سولار مرت فلان اخر .. اني مرت منذر ياماما .. ومشت تجري لدارها
عند زوبير
وصل لحوش اهله
زوبير:هاايام وينك😍
امه:روحت انست انست😍😍
زوبير:الله يأنسك هاا شن اخباركم
امه:بخير الحمدلله .. توا كيف طلع الحاج كنت ندوي اني وياه علي عرسك
زوبير:واي شن صار
امه:بعد شهر العرس😊🥰
زوبير:بجديات تتكلمي😍
امه:والله بجديات
زوبير:واخيرا يام بنفتح حوشي😍
امه:اي الحمدلله ياوليدي انشالله نشوف ضناك ياربي
عند فادي
فادي:شن صار معاك
فطيمه:سولار بدريه مهناكش في الحوش قالو ماسكه لمستشفى لاكن عمتك الباين عليها موافقه😊
فادي:اخخ يام ادعيلي ناخد ياللي نبيها ونفتح حوشي وتشوفي صغاري ادعيلي
فطيمه:انشالله ياربي غير امتا بطلت دعا طول الوقت ندعيلكم
فادي:ربي يخليك لينا ياحاجه
الساعه2:30الليل
عند سولار
طق طق طق
سولار:نعم
محمد:افتحيلي الباب
سولار فتحت الباب:نعم بابا تفضل
محمد:تعالي نبي ندويلك
سولار:شنو
محمد:امك قالتلي علي فادي واني رايي من رايها
سولار:شنو مش علي اساس حالف عالاقارب لاتعطي ولاتاخد منهم😕
محمد:وتوا غيرت رايي راهو فادي شاب كويس واني عاجبني وامك حتا هيا موافقه وسألت عمامك وكلهم يشكرو فيه توكلي على ربي سلم بنتي
سولار بألم:بابا ممكن تخلوني بروحي🥺
محمد:اني طالع وزي ماقتلك
سولار:انشاالله
_طلع بوها من حداها وهيا سكرت عليها الدار .. طاحت علي سريرها تبكي😭
فتحت نقالها وبدت تقلب في صور منذر وتراجع في فيدواته ورسائله معاها والدموع ينزلو مطر من عيونها
سولار:ياحبيبي شوف شن صايرفيا من بعدك ياعمري بيعطوني لغيرك ياريدي آآه يانور عيوني شوف فراقك شن دار فيا اخخخ ياربي صبرك نبيه😭😭💔
أنت تقرأ
قلوب تائهه
Teen Fictionروايتنا تتكلم علي 5 صديقات كلهم من عائلات راقيا ومعروفه لكل وحده منهم قصتها واحداثها الروايه هادي فيها هلبه حكايات وهلبه مواجع وألآآم هلبه حاجات غامضه وخيانات صايره بطلت القصه بنيه إسمها سولار سولار بنيه رزينه وعاقله شخصيتها قويه وكانت عالحق ديما...
