كبرياء شيخ

الجزء ٢٢

كمره:انصدم احمد من قرأ الرساله باوع على ابوه وأخوه بأستغراب سأله اخوه
عادل: احمد شبيك ليش وجهك انعقش
احمد: هاك اقرأ بنفسك
الشيخ: شنهي هاي بويه فهموني شصاير
احمد:ما اعرف يابه مدري يا كلب ابن كلب دز هاي الرساله
عادل: هما نفسهم الرموا على السياره
الشيخ: بس لازم اكو سبب اخاف ذوله الطكوا اخوك بغداد
احمد: لا يابه ذوله جبانيه ما يكدرون يسون شي ولا تنسى بعدهم بالسجن
ما خليت عمار يتنازل
الشيخه: يمه هسه اتكفوا الشر خل نكمل عرسك ونوصل سلامات وبعدين يحلها الف حلال
عادل: عدل كلام امي خلي يعدي اليوم على خير وداعتك نطلعهم من جوا الكاع شو احنا نشتري الشر شرايه
كمره:تحركت السياره وتحركت الزفه ورجع كلشي طبيعي ما عدا احمد الي ظل معصب بحيث الي يطخه ينفجر بوجها انه جان ودي بس اخلص من الخنكه يمكن اذا ما متت بجيله راح اموت من هذا الكبوس والجادر الي على وجهي وصلنا لبيت الشيخ نزلنا احمد كاضني من ايدي والشيخه من الايد الثانيه ذبحوا خروف جوا رجلينا همزين مغطايه ما اشوف شي ولو ما اقرف  من الدم بس انقهر على الخروف خطيه روحه تفرفح كدامي واشتغل الرمي خفت ضغطت على ايد احمد بقوه يمكن حتى جرحته من الخوف دخلنا للصاله كعدني وراح عاد اجت خالتي نزعتني الجادر والكبوس شهكت
وكتلها رحم والله والديج خاله روحي طلعت شافت وجهي احتقن صاير احمر
لطمت على وجها
فهيمه: عزااا شبي وجهج خاله صاير بي كلش متحسس
كمره: خاله اختنكت ردت اموت احس الهوا انكطع علي فدوه خاله جيبيلي ماي
فهيمه: صار خاله
كمره: جابتلي خالتي ماي شربته عبالك سنه ما شاربه ماي شافتني الشيخه اجتلي
الشيخه: يمه شبيج متخربطه مو على بعضج حقج يمه الصار بعرسج موهين بس شنسوي هاي عيشتنا كل يوم تطلعنا مصيبه ارتاحي هسه جا صعدتج لغرفتج بس عيب من النسوان ما اريدهن يحجن عليج ويذمنج
كمره:عادي شيحه ما صار شي بس امي وين ما جاي اشوفها
الشيخه:شفتها بره تحاجي واحد من خوانج هسه تجيج
هاج هذا لبسي هاي عين وما صلت على النبي
كمره: انطتني الشيخه محبس بي شذره زركه على اساس من العين لبسته بس انه كلي ارجف مو بس ارجف لا ارعش اجتلي امي جانت خايفه خطيه علي من سمعت بالصار واخواني هم سامعين وظال بالهم علي صبوا عشه للنسوان تعشوا وانه كاعده على اعصابي اريد هاي المسرحيه شوكت تخلص
كلش تعبت ما احسه زواج احسه انتقام صار ومن اسمع النسوان وحده تحجي ويه الثانيه تكلها جرفتها فكر ومن هذا الحجي بدي اكوم املخهن وشفت هاي سلمى بس تخوزر بيه ما عاجبها العجب هي وامها ثنينهن حياة
اشرت لخالتي اجتلي
فهيمه: ها حبيبه رايده شي
كمره: خاله فدوه خل اصعد تعبت راح يغمى علي كلي للشيخه النسوان وتعشن شمتانيه بعد
فهيمه: رايحه اكللها واجيج
كمره: راحت خالتي واجتلي الحيه سلمى
سلمى: هااا سويتي الي براسج واخذتي ابن عمي
كمره: وشتردين هسه
سلمى: ما راح اخليج تتهنين بي
كمره: شايفه هاي الحيطان ترى هواي هنا طكي راسج بيهن
سلمى: اذا ما خليت احمد يشمرج شمرة الجلب ما اتسمى سلمى
كمره: هههه ترى احمد صار رجلي تقبلي هذا الشي جرعي غصبن عليج
سلمى: انشوف شراح يصير والأيام تثبتلج كلامي
كمره: نشوف خبيثه حقيره عبالج انطيج مجال تلعبين بعقلي مره ثانيه لا تحلمين
سمعت الحجي واحس ذاناتها كام يطلع منهن شرار اجت امها جرتها من يمي وراحت شويه واجت الشيخه كالت اصعدي لغرفتج ارتاحي صعدت وصعدت امي وخالتي وياي دخلت للغرفه ماشاء اللهُ تجنن ودافيه لأن الجو جان شتا واجت وراي خالتي وامي ظلت يحجن وياي ويعلمني انه خجلت منهن عاد حجت خالتي
فهيمه : عليمن تخجلين كلنا مرينا بهل شي بس صيري سباعيه وبيضي وجهنا
ام كمره: يمه ما تردين شي انه رايحه للبيت بعد ما اوصيج ٲℓانــتيہ عاقله لا تصرفين بطيش وزلمتج سايري وما اريد اسمع كلمه مو زينه بحقج
كمره: سمعت امي وغوركن عيوني بالدموع شبكتها وظليت ابجي كوه خلصت روحها مني سمعت صوت رمي وهوسات عرفت احمد زفوا طلعت امي وخالتي ورى شويه انفتح الباب ودخل احمد بهيبته ولبسه والضحكه المرسومه على وجها بنزاكه صفنت بوجها لأول مره شافني وحجى
احمد: شبيج صفنتي اول مره تشوفيني
كمره: هاااا لا بس احسك فرحان من كلبك
احمد: ترديني اعبس بيوم عرسي وليش ما افرح
كمره: .....
احمد:كومي بدلي راح تظلين هيج
كمره: كايمه
دخلت للحمام نزعت البدله وسبحت ولبست برنص الحمام وطلعت لأن استر من السيتات الخالتهن خالتي استحيت البسهن جان طويل نازل جوه الركبه وردان
ولفيت شعري بالخاولي وطلعت شافني احمد وانصدم
احمد: لو لابسه جفن وطالعه مو احسن من هذا
كمره: والله ما لكيت استر منه
احمد:انه داخل اسبح اطلع ويصير خير
كمره: دخل سبح كعدت مشطت شعري ونشفته تالي باوعت لروحي جم دوب ابقى بالبرنص خل اكوم البس شي جاي اكوم وطلع احمد لاف الخاولي على خصره والثاني ينشف شعره تقدم على المرايه جاي اروح للكنتور لزم ايدي وكال
احمد: وين رايحه
كمره: البس ملابس
احمد:ماكو داعي تلبسين شي
كمره: ليش قابل اظل هيج
جرني علي وظل يباوعلي برود وبجرائه انه خفت من نظراته دفعته من صدره وشفته تعصب
احمد: ولج دفعيمن ٲℓانــتيہ
كمره: مو قصدي
احمد:لهل درجه كارهتني
كمره: ما كارهتك
احمد: عبالج انه غبي صارلج ١٥ يوم كالبه خلقتج علي ٲℓانــتيہ شنو من مله حاولت اكثر من مره اتقرب عليج واكسر حاجز الخوف والرهبة العندج بس انتي شنو حايط لا والحايط ارحم منج
كمره: جان لازم ايدي وضاغط عليها عتيتها منه
عوفني اذيتني
احمد: واذا ما عفتج شتسوين
كمره: كل شي ما اسوي حضرتك الامر الناهي هنا قابل انه شنو
احمد: كمره اتكفي الشر وخلي الليله تعدي على خير ترى انه روحي صايره بخشمي
كمره: شتريد اسويلك عوفني اريد البس ملابسي
جاي يحجي وسمعنا دكة الباب
احمد: منو
الشيخه: انه يمه هذا العشه
احمد: دخلي يمه
كمره: شلون تدخل واحنا هيج
احمد: ٲℓانــتيہ معليج
كمره: دخلت الشيخه جايبه صينية العشه باوعت النه بنظره ما عاجبها وضعنا حست اكو مشاحنات بينا
الشيخه:ولو مو من حقي ادخل بس الظاهر انتو وضعكم مخربط ووجوهكم ما تبشر بخير
احمد: ماكو شي يمه شغله بينا وهسه تنحل
الشيخه: • ﺂنٰ شۨـِﺂءۙ ﺂللـِه۫ہ ٰ يمه انه طالعه واريد البشارة
احمد: مو اليوم يمه البشاره
الشيخه: ليش شصاير
احمد: يمه كمره معذوره
باوعتلها وخزرتها
الشيخه: صدك بنيتي شو امج ما كالتلي
كمره: عمه هسه عرفت قبل شويه
الشيخه: يمكن من الخوف والرهبة يله ما صار شي ايام وتكضي
انه طالعه اخذوا راحتكم
كمره: باوعتله بغضب شلون خلاني بموقف محرج كدام الشيخه
انت شلون تكول هيج ما استحيت
احمد: تستاهلين هذا اقل عقاب الج راح انطيج مهله كم يوم تراجعين نفسج بيها وبعدها لو اعرف اخذج غصب
كمره: ٲٳٲسـ๛ۖــۖـتغفـر اللهہ
احمد: بلا حجي زايد روحي صلي وتعالي تعشي ونامي
كمره: وين انام
احمد: بغرفة امي
كمره: هاااا
احمد: وسما بلا لا تصيرين ثوله ًوٌَيــن تنامين غير يمي
كمره: اوووووففف
احمد: هاي عليمن الاوففف ولج
كمره: على عمري
احمد: شلون بالله اليوم تسكتين عني ترى فيوزاتي طكن لا والله اطلعهن عليج
كمره: سكتت عنه
عفته ورحت اخذتلي دشداشه قصيره لونها وردي بدلت بالحمام طلعت لكيته مبدل لابس تراكسود نيلي شافني وكال تعالي تعشي جاي اكله ما اريد انوب سكتت شو هو صاير بارود رحت كعدت يمه اكلت جنت جوعانه والخوف قل مني من سمعت كال انطيج مهله خلص قبلي راح غسل وتمدد على الجربايه يكلب بتليفونه وانه عزلت المكان وردت انام تعبت كال تعالي نامي
كتله ما جايني نوم هو انه • جـۧـۧـِٰ̲جذُبٌ اريده ينام حتى انام ورى ما يغفى
احمد: مو بكيفج تعالي بسرعه
كمره: رحت من الطرف الثاني للجربايه كعدت بالطارف كلش جاي اتمدد وما حسيت الا ايد جرتني
احمد شبيك جاي تسوي
احمد: مرتي وجريتها علي عندج مانع
كمره: ظليت متفاجأه حضني من خصري بأيد والايد الثانيه خلاها جوه ظهري ودفعني حيل علي بحيث صار راسي على صدره
ضايقته القراصه الي بشعري سحبها منه وشمرها نزل شعري شافه وكال
احمد: شعجب شعرج كصير
كمره: ما احب الشعر الطويل
احمد: منا وهيج تحبي ما مسموحلج تكصي واذا شفتج كاصته اكص ايدج وياه
كمره: انت ليش كلامك كله أوامر
احمد: هاي طبيعتي تعودي عليها
كمره: واذا ما تعودت
احمد: غصبن عليج
وهسه نامي ما تعبانه بس تلغين
كمره: كتلك ما جايني نوم
احمد: انه هسه اخليج تنامين
سديت الضوه اليمي ورجعت حضنتها بقوه وخليت راسها على صدري وظليت اشم بشعرها واتلمس بي لحد ما حسيت انفاسها انتظمت رجعت فتحت الضوه وظليت اباوع لوجها يرد الروح وبستها من عيونها وخشمها وخدودها ونزلت لركبتها بستها وتالي صعدت لشفايفها بستها بهدوء
جنت كادر اخذها بنفس اليوم بس ما حبيت افرض نفسي عليها ادري بيها خايفه مني بعـٌـــِد الموقف الاخير ما حبيت تزيد الفجوه بينا بس وين تروح مني ما دام صارت يمي كله يهون رجعت طفيت الضوه ونمت على ريحة عطرها السطرني سطر
كمره:فزيت الصبح لكيت روحي نايمه بحضن احمد وهو حاضني حيل ما كدرت اتحرك عبالك رايحه اشرد منه درت للجهه الثانيه اشوف الساعه بالتلفون جانت الساعه بالسبعه ونص وشفت رسائل كومه من هبه الخبله ضحكت عليها ولو جنت زعلانه منها لأن ما اجت بعرسي كعدت أراسل بيها
كمره: هلو خبله شلونج
هبه: والج عين تردين
كمره: المفروض انه ازعل ولج ليش ما اجيتي
هبه: عذريني والله الطريق طويل ومحد رضى يجيبني
كمره: :هذا مو عذر
هبه: لا تصيرين حماره وبعدين شعدج كاعده من الصبح وين رجلج عنج
كمره: والله الحماره انتي
رجلي نايم
هبه: نايم بالعسل هااااا
كمره: اكلي تبن
هبه: ههههه حبيبتي الف مبروك تستاهلين كل خير تعالي كليلي شلونه العرس حلووو
كمره: مو ‹ حلـِۈۋ‏ۏۿ ولاتسألين اسأله سخيفه مثل وجهج روحي وراج دوام
هبه: بعدني متانيه الخط والله الكليه ممله من غيرج احس روحي وحيده تعودت عليج
كمره: ما ظل شي ايام واداوم
هبه: ⊱# تـُـٰـُــَدࢪِٰٰي ولج شصار
كمره: شصار
هبه: مو اجى سجاد سأل عليج
كمره: لا تجيبيلي سيرة لطام ما اريد اسمع شي
هبه: ما تردين تعرفين شكال
كمره: لا ابد
هبه: براحتج يله انه رايحه اجى ابو الخط رجعي للعسل
كمره: سخيفه ولي روحي .....
جاي اكمل الرساله وشفت احمد صار فوكي ورأسا اخذ التلفون وانه شهكت
شجاي تسوي
احمد: تراسلين منو من الصبح
كمره: معليك انطيني التلفون وخر عني حباب
احمد: اشششش ولا كلمه
كمره: اخذ التلفون وظل يقرا بالرسائل بيني وبين هبه خفت لا يقرا رسائل الخاصه بسجاد شفت وجهه انكلب باوعلي وكال
احمد: العرس مو ‹ حلـِۈۋ‏ۏۿ ، هاااا
كمره: اي مو حلوووو انت شلون تاخذ تلفوني مو عيب تقبل انبش بتلفونك
احمد: انه مو انتي وهسه راح اخليج تحبين العرس
كمره: شكلت....
احمد: بعدها ما مكمله حجي اخذت شفايفها العسل بوسه طويله ظلت تضرب على صدري بأيديها كضيتهن ما اريد اوخر عنها ما اكدر مثل المغناطيس تجذبك مو بأرادتك انه امس كوه صبرت روحي عنه حسيت بيها اختنكت بعدت عنها وخليت كصتي على كصتها وهي كوه تجر النفس وما تكدر تتحرك رجعت بست كصتها وعيونها الي تدوخ اكبر واحد ونزلت للخدودها وركبتها اطبع بيهن بوسات خفيفه حسيتها ذبلت بين احضاني نزلت على صدرها بس هل مره هي حست وكالت بخدر
كمره: احمد فدوه كافي نسيت امس شكلت لأمك
احمد: ليش كطعتي اللحظه علينا نعله على ابليسج
كمره: هذا عقاب الك لا تنسى هاي سوايتك
احمد: احترك احمد هو وعشيرته يله كومي ننزل امري لله
حضريلي ملابسي منا وهيج بدون ما اكلج بس تشوفيني ادخل للحمام اطلع الكاهن حاضرات
كمره: راح دخل للحمام كمت فتحت الكنتور واحتاريت شطلعله تالي فكرت كلت لازم دشداشه لأن هو عريس عشتوا حضرت ملابسه وخليتهن على الجربايه وانه هم حضرت ملابس الي قفطان مغربي لونه ابيض على كريمي  حلو مرتب باللبس وحضرت شال طلع هو وانه ادخلت سبحت وبدلت وطلعت شافني وعقج وجها
احمد: راح تنزلين هيج
كمره: اي شبي مو ‹ حلـِۈۋ‏ۏۿ
احمد: هو ضيك لو انتي سمنانه
كمره:لا هيج ولا هيج هو هيج موديله
احمد: شوفي هاي لأن عروس وبس هل الايام بس تخلص السبعه مالتج لبسج كله عريض والشال ما ينزل من شعرج واخواني خلي حدود وياهم مـآشٰ̲ي كلامي ما اعيده وأي شي تطلبه منج امي تنفذي وما اريد اسمع ٲℓانــتيہ مسمعته كلمه ترى يا ويلج هاي امي خط احمر ماشي هااا نسيت
سلمى بت عمي تجنبيها والأفضل ما تحاجيها ابد ما اريد مشاكل بينكم
كمره: أوامر ثانيه دكتور احمد
احمد: زينب جاي احجي جديات وجاي احاجيج بأحترام مو بصياح ولا بعصبيه اذا نفذتي كلامي اخليج على راسي واذا عاندتي لا اراويج احمد ثاني مفهوم
كمره: مفهوم
كملت تبديل نزلنا تلكتنا امه بهلهوله واخوانه تسالموا وياه وباركوله ورحنا للصاله سلمنا على الشيخ وبست راسه وانوب رحنا نتريك كلنا على سفره وحده شعور الخجل ابد ما فاركني وانه بينهم تحسين العيون كلها عليج كعدت يم احمد استحيت اكل هو شافني وهمس
احمد: ليش ما تاكلين
كمره: اكلت شبعت
الشيخه: يمه كموره آكلي لا تستحين احنا اهلج وهذوله اخوانج
كمره: عمه والله اكلت شبعت هذا آكلي
وسام: خويه آكلي لا تخافين من احمد ما يخوف
كمره: ههههه
احمد: انت بالذات اسكت لا تتخليني اكوملك واشوفك الما يخوف شلونه
وسام: شيخ مو ﻋﻠﻴﻚ هاي على عادل شبيك انت تسمع صفح
عادل: ايااا حمار على هاي الدكه كومله احمد
عمار: همزين مو علي
وسام: خويه انت فقير ما تستاهل بس هذوله الثنين ملوتين
الشيخ: ولكم احترموا الكاعدين عاد شبيكم جنكم ملايجه
الشيخه: خليهم على راحتهم شيخ هما حلاتهم بنكرتهم
الشيخ:محد مدللهم غيرج
الشيخه: شعندي غيرهم هما الروح والريه
الشيخ: وانه بيه كخه هسه هااا
الشيخه :انت الهوا الاتنفسه
الولد: نحن هنا
وسام: اخاف تردون تجددون عرسكم
الشيخه: اسكت ولك
وسام: ههههه ها يمه خجلتي صار وجهج احمر فدوه اروحلج انه
الشيخه : اكوم من يمكم احسن الي
وسام: هااا حمودي بشر شلونه العرس
احمد: انجب ولك
وسام: هاي علي لو على عمار
احمد: ﻋﻠﻴﻚ
عمار: انه هسه يمك ليش صير ملطلط
وسام: غير انت اخوي وتتحمل خبالي
عمار : صدك مخبل مو جذب لحد ما اسافر مسودني
وسام: غير احنا رويسيه شفايتلك علي
احمد: صدك عمار شوكت تسافر
عمار: بعد يومين اريد اخلص هذا الكورس واتخرج حتى ارتاح بس من الروحه والجيه تعبت
احمد:• ﺂنٰ شۨـِﺂءۙ ﺂللـِه۫ہ ٰ ما ظل شي واحسب حسابك ماكو تعيين بغداد
تتعين هنا
عمار:• ﺂنٰ شۨـِﺂءۙ ﺂللـِه۫ہ ٰ يدلل الشيخ
الشيخه: يمه كمره اذا خلصتي تعالي اجو نسوان يتباركون الج
كمره: صار عمه جايه
رحت ويه الشيخه للأستقبال اجت النسوان تتباركلي وما فرغت لحد ما صار وكت الظهر تغديت وردت اشتغل وياهم ما قبلت الشيخه كالت بعدج عروس تخلص سبعتج ياله تشتغلين
الظاهر كلها متحلفتلي ورى السبعه خلصت الغدا وصعدت ارتاح نزعت القفطان وردت انام لبست تراك حتى ارتاح بالنومه احمد ما هو التهى بالمضيف يم الزلم هو واخوانه وابوه بعد ما شفته ولا اجى كلت خل استغلها فرصه حتى انام براحتي بدون ازعاج احمد ولو هو ازعاجه حلو وحتى عركنه حلو تمددت على الجربايه تغطيت ونمت
احمد: بعد ما تريكنا طلعنا للمضيف نستقبل العالم الاجت تتبارك النا وهم المصيبه الصارت امس لازم نعرف منو هما وشلون يتعدون علينا لا وبيوم العرس ما يعرفون بيمن ندكوا اجت الشيوخ وظلوا يتناقشون على المشكله الصارت وكتلهم على الرساله الوصلت الي كالوا الشخص المقصود هو انه لازم اخذ حذري بعد الصار خافوا علي من الغدر بس انه لازم اتصرف
لازم اعرف منو هذا العار الي يلعب علي وشنو غايته منو اله مصلحه يسوي هيج جنت صافن بالمضيف وفززني صوت شداد
شداد: شبيك يخوي صافن
احمد: والله راح يطير عقلي منو هذا وشنو غايته مني
شداد: ترى هاي السالفه ما ينسكت عنها انت هسه مهدد دير بالك ولا تطلع وحدك لازم حرس وياك
احمد: لا يخوي مو مال حرس ولا تنسى دوامي شلون الحرس ياخذوني ويجيبوني ما ترهم هذا مو حل
شداد: جا شلون انت هسه حياتك بخطر
احمد: انه ما خايف على روحي بس خايف على اهلي اذا صارلهم شي بسببي ما اكدر اعيش
شداد: انطيني الرقم الاجت منه الرساله انه عندي صاحبي يشتغل بشركه اتصالات
احمد: ما أتصور نحصل شي منه تلكى الرقم لو مبيوك لو بدون اوراق
شداد: ميخالف عسى ولعل نحصل ولو طرف خيط شبيك مأيس
احمد: والله ما ادري شكلك راح ادزه الك برساله وانت اتصرف واذا حصلت اي خبر كبل تكلي لا تضم علي شي
شداد: صار شيخ وداعتك ما اضم عليك شي تعلمت درس
احمد:ترخصت من العالم كتلهم اريد ارتاح صعدت حتى اسبح وأبدل لكيت كمرتي نايمه من شفتها كل همي راح هاي البنيه خبلتني لو بس ترضى علي شوي عنيده وحلوه ولسانها يخليني ااذيها وبعدين اندم ليش أذيتها بس احبها مو بيدي وكعتني هل كمره هاي دخلت سبحت وبدلت وتمددت يمها لا اراديا حضنتها وهي نايمه وشبعتها بوس وغفيت وهي على صدري ريحتها ترد الروح
كمره: كعدت العصر لكيت ثكل علي فتحت عيوني كالعاده احمد حاضني وهو غافي جكد حلو وهو نايم مسالم لا صياح ولا عصبيه ولا عاكد الحواجب ولا أوامر صفنت بوجها وهو كعد وكال
احمد: ملاحظه هل يومين هواي تباعيلي
كمره: ليش حرام اباوعلك
احمد: لا بالعكس حلالج كلي الج
كمره:اسألك سؤال وتجاوبني علي بصراحه وبدون زعل وما اريدك تتعصب
احمد: اذا سؤالج يزعل ويخليني ااذيج لا تسألين
كمره: بس لازم اسألك حتى لو زعلت
احمد:ما اعرف ليش ما مرتاح لسؤالج
كمره:ماشي براحتك بس لا تلومني بعدين لو صديتك
احمد: شتقصدين
كمره: ماكو شي هيج اعتبر روحك ما سمعت شي
احمد: سألي
كمره: متأكد
احمد: فضيها عاد
كمره:هند بعدك تحبها?
احمد: ..........
::::::::::::::::::::::::::::::::::::::::::::::::::::
لهنا ينتهي البارت ٢١