عشگ الضابط أمير

البارت الثالث والعشرين

گتلي غيري اختار گتلك ما احب
آنهَ مِرتاح أعلهَ شلعان الگلب.💙
🦋🦋🦋🦋🦋🦋🦋🦋🦋
نور؛ يله فطوم وينج يمعودة اتأخرنة اول تالي تتأخرين بالگعدة
فاطمة؛ شسوي غير ضليت اقرة للفجر ونعسانة موت والله 😴.. شنو وين ايه لعد
نور؛ متداوم تگول ماعندي شي واضل اعتني بأامير
فاطمة؛ ماشي يله امشي اتأخرنة
نور؛ طبعا اني مااتحمل زعل فطوم لان هيه الوحيدة لتتحملني وتتحمل خبالاتي للذلك رحتله وصاحبتة 😁المهم وصلنة كل وحدة راحت لقسمة وطبعا روئ صارت صديقتي المقربة حبابة كلش واكتشفت شخصيتة اكثر طلعت مرحة وتضحك وتشاقة بس ويه الولد ابد خجولة كلش وتنگلب شخصيتة وترتبك فه اليوم گلت لازم أسئلة ليش لهل الدرجة ترتبك من الشباب.... رئاوي
روئ؛ گولي حبي
نور؛ عادي أسئلج سؤال بس لاتعتبري تدخل بس انتي صرتي اختي وصديقتي وتشوفيني اني مااضم عليج شي
روئ؛ خوفتيني ولج شنو هل السؤال
نور؛ ليش هيج ترتبكين من الشباب وكلمة متطلع منج احسج عندج عقدة منهم
روئ؛ بحزن نور راح احجيلج لان صرتي صديقتي المقربة ومثل اختي ومااضم عليج بس فدوة مااريد هذا الشي يطلع بس ريم اختي تدري بي
نور؛ لا وداعتج بيناتنة اطمئني
روئ؛ قبل من جنت ب الاعدادية صف سادس جنت اشوف ولد بالباب شكلة مو راحة يباوع عله البنات وأرقام ومره شافني وبعد معتقني يمشي وراي ويذب حجي وأكثر من مره يذبلي رقمة بس اني جنت اركض للبيت ومره طلعت من الدوام شوية متأخرة لان المديرة اخذتنة اني وكم بنية نرتب المكتبة المهم مشيت وحدي بالطريق وماعندي صديقة عله طريقي فدخلت بشارع عريض ودنيا ظهر وحارة ومحد بالشارع فسمعت صوت وراي درت وجهي شفت هذا الولد ضليت امشي سريع بس هوه ضل يركض وراي ولزمني من ايدي وجرني وره السيارة بحيث اليفوت ميشوفنة حتى اني دموعي ضلت تجري واضرب بيده واتوسل يعوفني بس هوه حقير يگلي منتضر هاي الفرصة من زمان المهم حاول يتقرب يريد يبوسني مااعرف منين اجتني قووة ورفستة برجلي عله بطنة ودفعتة قووي وركضت ركضة عبالك سياره بدقيقتين وصلت لبيتنة گبل دخلت لغرفتي واني انفجرت بالدموع واناشغ كل مااتذكر شكلة القبيح وشلون خله ايده عله خدي ومن يومه كرهت المدرسة وطريق المدرسة وضليت اسبوع مااداوم منا لمن ريم شكت بالموضوع ومگدرت اضم وگتلة وهيه حاجت دانيال وگلتلة يسويلي خط لان ظهر واخاف امشي وحدي وهوه قبل هم گلي خل اسويلج خط بس اني رفضت لان قريبة ومن ساعتة كرهت كل الشباب وأخاف منهم وخاصة هذول ليصادقون بنات ويشمرون أرقام حتى الشباب الزينة وعدهم اخلاق اخاف منهم يعني بين قوسين كرهت جنس آدم وشگد تقدمولي من گرايبنة بس اني أرفض مااريد افكر هسة....
نور؛ اووف والله قصتج حزينة بس انتي لازم تغيرين هذا طبعج وتصيرين قووية ولازم تتخطين حاجز الخوف لان مو كل اصابيع ايدج سوه والشباب كذلك اكو منهم الزينين واكو الشينين فه انتي لازم تقو ينََنفسج وتعرفين شلون تتعاملين وياهم...
روئ؛ حاولت والله بس مااگدر ارفع عيني بعيونهم صارت مثل الحاله عندي حتى مرات يعجبني شاب من ناحية الشكل اگول خل يولي يطلع حقير مثل هذاك الولد يعني قفلت..
نور؛ ههههه لا حب ميصير تقفلين خو متردين تضلين عانس..
روئ؛ الله كريم.. يله خل ندخل للمحاضرة... خلصت المحاضرات ونور راحت واني دا اطلع الأستاذة گلتلي تعالي لمكتبي اريد اخذ معلومات عنج حتى اسوي السجل.... طلعت وراه وتقريبن طولت ربع ساعة وطلعت من مكتبة وصلت لباب القسم شو ابو الخط ماكو اني دانيال سوالي خط وحدي تكسي وابو الخط شايب رايحة روحة بس احسن من الشاب المهم خابرت علي.. الو عمو وينك شو ماكو
والله يعمي السيارة عطلت بالطريق واني بعيد عليج...
روئ؛ يعني متگدر تصلحة هسة
والله بنيتي صعب هسة
روئ؛ خلص عمو اخابر عله دانيال يجيني..... خابرت دانيال مغلق شلون هسة ضليت واگفة بالربع ساعة واحس معت من الشمس وعيوني مدمعة بس احد يگلي شبيج انفجر بالبجي وانوب الشباب يفوتون ويباوعون عليه ليگول مشايفين بنية مسموطة ومفحمة من الشمس... گلت خل امشي بلكت الگة خط مالت بنات لو تكسي بي رجال جبير وهذا الحجي وموبايلي عله اذني اخابر بدانيال وانوب خابرت امي دگلي دانيال طالع مموجود بالبيت وفوگاه تگلي صعدي تكسي وتعالي زعطوطة انتي (امي شوية متحررة ماخذة اطباع أهله من بغداد وعدهه ثقة بينة للذلك عدهه عادي) تهي بهي متدري بيه اخاف من ضلي وگفت عله جهة واني اشوف سيارات الأساتذة والطلاب تتحرك راح تفرغ الجامعة يربي انسدت بوجهي من ائيست ضليت ابجي..... وگفت سيارة يمي سودة انقبض گلبي وحتئ مرفعت راسي ونوب سمعت صوت جني سامعتة رفعت راسي واشوف شاب بس وين شايفتة يربي...
احمد؛ اختي ليش واگفة هنا
روئ؛ احجي ومنزلة راسي تذكرتة هذا اخو نور گتلة ابو الخط مااجاني ومااگدر اخذ تكسي اخاف
احمد؛ خرب شكلة يضحك وهيه تبجي وينگرط الخدود حمرة عبالك طفلة... خابرتي اهلج دانيال
روئ؛ خابرتة مغلق ومموجود بالبيت
احمد؛ تعاي اني اوصلج عله طريقي ميصير اعوفج بوحدج هنا
روئ؛ يمة انوب يريدني اصعد بسيارته هوه اني ماارفع عيوني بوجهه ودانيال ميقبل .. لا لا ماكو داعي هسة بلكي يجيني دانيال
احمد؛ تره دانيال صديقنه وجارنه وميزعل اذا وصلتج وياي وانتي محسوبة علينة يله تفضلي
روئ؛ يبوو هسة هذا شحجي ويا اگلة عندي عقدة منكم انتم الشباب گتلة مااگدر اعذرني
احمد؛ الصراحة نرفزتني شايفتني وحش.. وانوب تريد اعوفة هنا مخبل واعوفة... گتلة هسة اخابر دانيال خابرت طلع مغلق وخابرت مره ثانية يله جاوب.. الو دانو شلونك
دانيال؛ هلا حمودي بخير محتاج شي داگ عليه أكثر من مره
احمد؛ اي والله اني جنت بالجامعة واجيت عله صديقي بقسم اللغات وشفت المحروسة اختك ابو الخط مجايه وانته متجاوب عله موبايلك فه خابرتك حتى اخذ اذنك مو خشمك
دانيال؛ هههههه احجي بدون تحشيش
احمد؛ ههههه عادي اوصله بطريقي تره ماارضة وگفتة بنص الشارع والشباب جايه رايحة
دانيال؛ لازحم نفسك اني جايه
احمد؛ شسالفة يمعود هيه عله طريقي لو متأمن بيه
دانيال؛ لا والنعم منك بس تصير زحمة
احمد؛ لارحمة انته ائمن بحسبة اختي فد نص ساعة يمك
دانيال؛ مشكور حمودي انتضرك....
روئ؛ خرب حضي دانيال جاوب علي واني صارلي نص ساعة اخابر وماكو وانوب يگلة خل اوصله وياي ويضحك ويحشش انوب دار عليه وگلي.
احمد؛ يله خيتي خل اوصلج بطريقي دانيال ماعنده مشكلة..
روئ؛ بعد مااگدر اعترض رحت صعدت وگعدت وره وهوه رفع حاجبه اني نزلت راسي شبي هذا عليمن رفع حاجبة بس لا عل الگعده.. يوو خل اسكت احسلي وانوب احسة يراقبني من المراية اني طلعت موبايلي وضليت العب بي والهي نفسي عن نضراتة
احمد؛ اووف ربي شهل الخلقة بالگوة لازم نفسي ومااحجي لان مبينة خجولة كلش تنگرط والله.....
روئ؛ وأخير وصلنة گتلة شكرا تعبتك ونزلت بسرعة دخلت للبيت ودانيال طلعلة وبعدين اجاني گتلة دانيال هذا ابو الخط بعد مااريدة كل يومية عاطلة سيارتة لو يزغلط وميجي
دانيال؛ اني اشوفلج خط ثاني
روئ؛ خل اسجل بخط البنات
دانيال؛ يا بنات
روئ؛ بنات بيت ابو أمير
دانيال؛ ماشي اني اشوف ابو الخط....
..................
ايه؛ اليوم مداومت ماعندي شي والصراحة مينطيني گلبي اعوف أمير گعدت ب ٩ وأمير هم ساعدته بدل ونزل لان جايين ضيوف علي بالديوان واني التهيت بالشغل وهوه اجة وضل گاعد بالصالة وبعدين اجن البنات وره الغدا دخل احمد بس يصفن گتلة... ها حمود شو صافن مو عوايدك
احمد؛ هلا ضلعة لا ماكو شي بس دايخ
إيه؛ امممم ولو ماصدگت بس راح اعديه.. هوه گرصني من خشمي وگال ميفوتج شي وبهل الاثنا اجانة صوت أمير ومبين الغيرة عليه
أمير؛ شيل ايدك لك
احمد؛ هههههه غار الشيخ عمي عله عنادك
إيه؛ نوب حضني بأايدة من چتفي ويضحك
أمير؛ والله لو اگوملك اكسر ايدك شيله يله
احمد؛ ههههههه ضحكتني غير خيتي واحضنة شدخلك انته
أمير؛ تعاي انتي هنا
إيه؛ مبين انزعج رحت گعدت يمة وهذا احمد ضل يضحك ويداهر بي اخير شي شمر علي المخدة اليمه وهوه صعد.... باوعت ل أمير يباوع بخزرة گتلة شبيك عاگد حاجبك
أمير؛ سلامتج مااريد هذا الشي يتكرر وحتئ ويه علي فهمتي
إيه؛ شبيك تره عادي متعودة علي وهوه بحسبة علي والله
أمير؛ أدري للذلك حتى علي بعد متحضني
إيه؛ سكتت لان شكلة عصبي ضليت ساكتة وانوب طلعت موبايلي راسلت لين وهوه گاعد بصفي ويباوع عله المراسلة منا لمن سئلتني لين عله أمير وگلتلي.. شلونه الحب اني ضحكت وهوه ابتسم باوعت عله أمير وگتلة غيران الحب
أمير؛غير بنيتي واغار
إيه؛ اجة يدنگ يبوسني واجانة صوته... لزمتنة شيخلصنة بعد
زهرة؛ ولكم شسوون عيب استحو گاعدين انتم بالصالة مو بغرفتكم
أمير؛ هههه هله يمه وداعتج مجاي اسوي شي هيه بوسة عل الخفيف تعرفيني محروم حاليا
إيه؛ عزا فتحت عيوني فضحنة
زهرة؛ واذا محروم ولك هذيج غرفتك واخذ عل الخفيف عله گولتك
أمير؛ ههههههه مو اجة وكته هسة خو مااجلة
زهرة؛ يمه منك محد يگدرلك وانتي گومي ولج يله روحي للمطبخ
إيه؛ حاضر بيبي..گمت للمطبخ وأمير يضحك ويغمز وبيبي ترزل بي وهوه ولامهتم يضحك وياه.... دخلت للمطبخ سويت چاي لان جدي وعمامي اجتمعو بالصالة احنة هيج وكت العصر كله تگعد ونجمع بالصالة اخذت الچاي وكعك هم... گعدت بصف أمير ونزلن البنات هم.. اشوف جدي وجدتي يتهامسون اني ضحكت وطخيت ايد أمير عود شوفهم هوه ضل يضحك.... عاد اني مگدرت الزم لساني گتلة ها بيبي شعندج انتي وهل الصاك
زهرة؛ ولج ام لسان لزمي لسانج
إيه؛ هههههه غارت زهرة روح جدي بعدهي بيبي تغار عليك
رحيم؛ هههههه جا شلون بوية غير رويحتي هاي
إيه؛ هههههه اباوع لبيبي خجلت وتعض بشفتة لجدو عود اسكت متت من الضحك....هههههههه هاا زهرة خجلتي طلعت رويحتج خضرة 😂😂
زهرة؛ ولج اگوملج وانته حاجية خل تلزم لسانة
إيه؛ اباوع عله أمير خربان من الضحك... ونوب همس
أمير؛  كافي ولج  راح ترگعج واني اتبره منج من تصير بيه عوجية زهرة
إيه؛ ههههه متعودة عله عوجيته اني وياه عشرت عمر 😂................... داومت هذا الأسبوع وأمير حالته صارت أحسن ويگدر يمشي وحدهه...
نور؛ ايوشة تره باجر حنت ريم وعزمتنة كلنة
إيه؛ اي والله ضايجة نتونس
فاطمة؛ اي بس لازم نروح للسوگ
إيه؛ والله ضايجة اريد اروح لمول ونغير جو بس المشكلة منو ياخذنة
نور؛ ايوو انتي حاجي امير خل ياخذنة حبابة
إيه؛ مادري اشوفة اذا يگدر
نور؛ لج لحي علي والله ولايجون بالتوسل لازم ناكل رأسهم يله
إيه؛ هههه صح ماشي عود من ارجع احاجي... وفعلا الظهر هذني وگفلي بالباب رحت گعدت يمه.... احم احم
أمير؛ خير شو تحمحمين
إيه؛ ههههه غير ابلش بالخطاب
أمير؛ كولي ست ايه..
إيه؛ باجر حنة اخت دانيال ونريد نروح نجهز نفسنة
أمير؛ تردين فلوس
إيه؛ لا هل المره اريد الفلوس وصاحب الفلوس يروح ويانه😁
أمير؛ تردين اروح للسوك
إيه؛ لا مو للسوگ.. اريد تاخذنة للمول حباب والله ضايجين فدوة
أمير؛ ماشي العصر جهزن نفسجن
إيه؛ صدك وطفرت حضنتة فديت شيخ گلبي وبوستة من وجهه..
أمير؛تعاي يله هسة لازم نتحاسب وغمزله
إيه؛ هاا خل أبلغ البنات واگفات بره طفرت للبنات واني اگمز
نور؛ هلا هلا وافق موو
إيه؛ ههههه اي جهزن نفسجن العصر
فاطمة؛ يس يس وضليت اگمز
علي؛ خير ست فاطمة شنو هل الفرحة
فاطمة؛ سمعت صوتة وراي درت وجهي وهذن الحقيرات يضحكن عليه وعافني وراحن گتلة... أمير العصر ياخذنة للمول
علي؛ واني اخر من يعلم
فاطمة؛ هاا
علي؛ شنو هاا مأكو روحة
فاطمة؛ عافني ومشة واني دمعت عيوني متسوه الفرحة 🥺ما ما والله اله اروح... رحت وراه للغرفة.. دخلت لگيتة يبدل اني درت وجهي بسرعة 🙈ونوب حسيت ايده عله خصري ودارني علي يبوو بدون فانيلة ضليت مغمضة عيوني ومااحس اله شفتة عله شفتي نتهيت بيده وبعدين باس عيوني وقريب من شفتي... احم بعدين نتبهت لنفسي ودفعتة خفيف وخجلانة 🙈خرب شلون نسيت نفسي.. اجيت اطلع بسرعة بس هوه سحبني من أيدي ويضحك عليه خرب...
علي؛ ليش خجلانة هستوج جنتي حبابة وغمزلة
فاطمة؛ اجيت ابجي من الاحراج... كافي علي لاتخجلني
علي؛ ههههه تعاي ولج انتي فلم
فاطمة؛ سحبني لصدره وحضني واني صخنت من الخجل لان بدون فانيلة گتلة علي خل اروح حباب 😁
علي؛ يعني جاي تستغلين الفرصة وانتي بحضني
فاطمة؛ باوعت علي وگتلة والله مو قصدي مااگلك بس نسيت وبعدني ممتعودة اخر مره وعد..
علي؛ ماشي مااريده تنعاد
فاطمة؛ وعد وهسة خل اروح 😊
علي؛ ماشي واني اجي وياكم
فاطمة؛ فرحت لان حيجي ويانة اول مره راح نطلع سوه گتلة.. اوك اروح أبدل وفلتت قبل لايلزمني وشيخلصني.....
إيه؛ العصر سبحت وبدلت لبست فستان محجبات لون وردي فاتح وخليت مكياج خفيف لان السيطرة ويانه وطبعا العباية يعني هاي الكشخة مو حرامات تروح بالعباية 😭احجي ويه ونفسي گدام المراية واجاني صوتة وراي
أمير؛ لا مو حرامات الستر حلو
إيه؛ درت علي وگتلة ادري الستر حلو بس لبسنة مستور وطويل
أمير؛ وإذا.. يعني تردين الرايح والجاي يباوع عليج هيج ويفصلج تفصيل وهمه عيونهم قذرة وتفكيرهم وصخ....
إيه؛ سكتني بعد شحجي هوه هم بدل ونزلنة تجمعنة بالصالة وعلي هم راح يروح ويانة نزل احمد وصاح
احمد؛ ياخونه وين رايحين ومتعزموني وياكم
علي؛ للمول امشي ويانة
احمد؛ اي اروح ليش لا عله حساب الشيخ وهوه عازمني عيب ارده
أمير؛ امشي بس سوالفك بطله مو تفشلنة هناك
احمد؛ اهوووو هم جاب سيرت السوالف والله بطلت ياجماعة بطلت وعقلت ونويت اتزوج هم
أمير؛ نشوف بله
إيه؛ وصلنة للمول وافترينة وبعدين دخلنة محل فساتين اني والبنات واختارينة بعد معانات طويلة... طلعنة وره نص ساعة من المحل لگيناهم واگفين گبالنة شكلهم يضحك وهمه منتضرينة...
علي؛ صدگ جذب جان نمتن جوه
إيه؛ ههههه غير نختار ونقيس طبعا نطول
احمد؛ دمشن خل نتعشا جعت من وره الفره مالتجن... هسة عرفت ليش صحباني ميطلعون نسوانهم لو خواتهم لان مو وجهه نعمة
نور؛ طبعا اذا حضرتك شابع طلعات وونسات انته وصحبانك وين تفكرون بينة
علي ؛ كافي سدو الموضوع العالم تباوع علينة
إيه؛ دخلنة مطعم ونزلنة اكل أشكال واحمد خربنة ضحك يحشش عل البنات هذن لابخات وجوهن وجايات..
احمد؛ شوفو هاي غاطة راسة بالطحين وجاية بله هذن شيحسن عود حلوات
إيه؛ هههههه يحسن نفسهن ملكات جمال
نور؛ ويععع ملكات عله نفسهن دباوع عليه اني شوفو ممخلية مكياج واخبلل يمعودين اني هنا الملكة گدامكم😌رجاءا بدون صور....
إيه؛ هههههه متنة من الضحك عليه وترمش بعيونة واحمد صوره فديو وهيه تگلة رجاءا بدون صور 😂😂
احمد؛ بس هاي الصورة رجاءا حلمي اشوفج
نور؛ ماشي عيني بس بدون سناب احب اطلع عل الطبيعة 😪
إيه؛ ههههههه خرب كافي بطني خو فاطمة صارت حمرة من الضحك وعلي سحبة لحضنة علمود تسكت ولاتشوفة الناس 😂😂
أمير؛ كافي ولجن صوتجن...
فاطمة سكتت من نوبة الضحك گتلة علي كافي وخر خجلتني من ناس
علي؛ متأكدة سكتي الفطيرة
فاطمة؛ ههههه سكتت وخرت منه.... بعدين اتعشينة وسوالف نور واحمد متخلص ساعة يحششون ساعة ينتقدون ساعة يتناگرون صدگ رويسية 😂
إيه؛ بعد العشا رجعنة للمحلات نفتر وكملنة التجهيزات وبعدين توسلنة بيهم يله خلونه ندخل لمحل المكياج كل وحدة اشترت عله ذوقة وبعدين طلعنة وأخير شي ختمناه بمحل العطور كلنة دخلنة اني وأمير اخذنة صفحة ونتفرج عله العطور.. عجبني عطر.. أمير طيب هذا
أمير؛ اي بس قوي.. عوفي
إيه؛ اوف كله ميعجبك لعد شاخذ
أمير؛ اني هسه انطيج واحد
إيه؛ راح جابلي عطر شميتة طيب وهادء اخذتة وأخذت من عطري القديم هم.. وأمير گتلة ياخذ من عطرة القديم يجنن واعشقة.. وره مخلصنة والشباب حاسبو طلعنة اشترينة عصاير وموطة ورحنة للسيارات.. دخلنة للبيت هلكانين من الفرة همه صعدو واحنة بسطنة بالاغراض يم بيبي وماما وعماتي
إيه؛ يااي شگد تونسنة من العمر
فاطمة؛ اي والله اول مره نطلع هيج طلعة
نور؛ ولا اخر مره ناخذ فترة وهم نعيدة بله شناقصنة هذن ام عطوب احسن منه وأربعة وعشرين ساعة مطاعم ومولات
إيه؛ هههههه....... صعدت الأغراض للغرفة رتبتهن ودخلت سبحت وبعدين راجعت كم درس ورحت للفراش نعسانة وتعبانة.. أمير گاعد عله موبايلة سحبت ايدة ونمت عليه...
أمير؛ شبيج مقفلة بعد وكت
إيه؛ تعبانة كلش اول مره هيج أطول بالفرة بس تونست كلش 😊
أمير؛ بالعافية...
إيه؛ احم منو تراسل
أمير؛ بطلي هاي العادة
إيه؛ يعني هسة اني من اراسل انته مو تباوع وياي يعني وحد اني
أمير؛ يمعودة اراسل دانيال هاج شوفي
إيه؛ صدك مكتوب دانيال رفعت جسمي شوية علمود اقرة زين 😁باوعت جاي يضحكون عل الامر مالتهم گتلة حبيبي غيبة حرام
أمير؛ ههههه ليسمعج يگول ابد متاخد غيبة بعدين مجاي ناخذ غيبتة جاي يسولفلي شسوه من عرف بيه متصاوب
إيه؛ اهم ماشي كمل كمل واني خل انام احسن وراي دوام درت ضهري وهوه خلة ايدة عله خصري ويراسل واني ضليت اباوع منا لمن غفيت 😴..... داومنة ورجعنة تغدينة وبعدين رحت عله غرفت البنات بدلنة ومكيجت للبنات وفاطمة سووتلنة شعرنة لان شاطرة بالتسريحات اما نور اشتغلت مناكير وسوتلنة اضافيرنة لبست الكعب ورشيت عطر طلعنة فدشي......لبست فستان طويل مخصر عل الجسم وبي چاكة للركبة لون ماروني وشعري سويته عله طولة بس برمتة وكعب طويل بعدين رحت لغرفتي... دخلت أمير گاعد عله التلفزيون نتبهلي ضل صافن عليه وعيونة تتجول عله جسمي من فوگ لجوه گتلة واني افتر شلوني شيخ
أمير؛ احترگ الشيخ ولج شطالعة
إيه؛ بدلع ههه سم الله عليك وبستة بخدة وسويتله طبع حمرة 😁وهوه سحبني ووگعني فوگا ضليت اباوع بعيونة ضعت بعيونة الجوزية العشقة وهوه سحب شفتي وضل يتتفن بيه واني تفاعلت ويا ونسيت نفسي نزل لرگبتي باسه قوي اني اتذكرت الحفلة وطفرت بسرعة عل المراية بس لا صار أثر.. اووف الحمدللة تلاحگت نفسي اخذت العباية ووصلت للباب وسويتله بوسة بالهوه وطلعت لغرفة البنات جددت الحمرة بعدين اخذنة احمد بالسيارة وصلنة... ستقبلونة احسن ستقبال يربي شگد حبابات ويدخلن الگلب اخذتنة روئ لغرفتة حتى ننزع العبايات... نزعنة وعدلنة شعرنه والمكياج يله اني نازلة انتن مطولات نزلت من الدرج يصير بنص البيت يعني كل الموجودين يشوفون الينزل نزلت والنسوان اكلني بعيونهن اني استحيت ورحت گعدت يم عمتي....
...........
فدوة منو هاي الكيكة ام الماروني اذا اخطبة ل ابني ينطوه
ام دانيال؛ ههههه لا مينطوه
يا وليش ابني شناقصة
ام دانيال؛ لان هاي مرت الشيخ
الشيخ أمير قصدج
ام دانيال؛ اي هوه
يا مشاءالله فدوة لله تخبل.. حرامات عبالي ممزوجة...........
.....................
نور؛ جنت لابسة فستان سمائي جوه الركبة وبي حزام من الخصر وردانة تور وكعب ومكياج خفيف وشعري سحبتة وأخذت خصلات من گدام وسويتة بماشة وره اني شعري بي شگار يعني لونه حلو وطبيعي... خلصنة اني وفطوم ونزلنة ويه روئ طالعة تجنن اليوم گعدنة يم ماما تلاثتنة اني وأيه وفطوم سره 😁والنسوان يباوعن عبالك سينما والله وره شوية اجت مره وتخيلو خطبتني من أمي وفوگاه ماما تگول يصير خير من راحت المره گلت لماما.... ماما ديربالج توصلين هذا الحجي لبابا لو اخواني مااريد ازوج
ام أمير؛ ام لسانين عله كيفج هاده عليه وبعدين احنة شفنة من الولد حتى نرفضة
نور؛ اني مااريد ازوج هسة وديربالج توصلينة والله ازعل عليج.....
إيه؛ كافي شبيج حميتي اعصابج هسه شفتي راح تصير خطية
نور؛ يمعودة بس توصل لبابا يصير بيه جرجره عل الفاضي واني اصلا مموافقة للذلك جاي انبه
إيه بكيفج بعد..... وره شوية دخلت ريم من الصالون مشاءالله طالعة تجنن سلمنه عليه وبعدين شغلو الديجي احنة مگمنه استحيتنة ناس غربة بس شنو عله اعصابي گاعده واني اسمع الديجي جسمي يهز من وحدة😂😂
نور؛خرب مال اگوم اخذ ردحة
إيه؛ اووف والله واني هم بس عيب شيگولون
فاطمة؛ سكتن كافي عود رجعن للبيت وشغلن ورگصن ولاتضل بنفسجن
نور؛ لج مو مثل هسة واهس.. اگولج موبايلي يمج
فاطمة؛ لا مو جان بأايدج
نور؛ ماكو بس لانسيتة فوگ بالغرفة اوووف شلون اصعد
إيه؛ صيحي روئ تجيبة الج
نور؛ متشوفين البنية ملتهية وانوب حتى العباية نسيتة فوگ شهل الثول النزل عليه
إيه؛ هههه دگومي صعدي قبل لايجون اهل الولد وماعندج عباية
نور؛ اي صدگ... صعدت ركض دخلت للغرفة اخذت الموبايل والعباية بأايدي من طلعت نصدمت صار بوجهي وعيونة اكلتني اكل يبوو نتبهت النفسي وأخذت العباية وبسرعة لبستة هوه بعده واگف يباوع گتلة... بتبرير وخجل اسفة والله ماادري انته هنا والله عبالي محد موجود اني راح انزل اجيت افوت من يمة لزم ايدي صارت نتلة بجسمي باوعت بااستغراب لتصرفة اسحب ايدي هوه لازمه قوي... رجاءا عوف ايدي
دانيال؛ انتي شسويتي بيه ماخلتيني اعرف النوم بس افكر بيج وبهاي العيون الماتفارگ راسي يابنت الناس مو من طبعي اباوع لعراض الناس وخاصة عرض اخوي وصديقي بس انتي دخلتي گلبي بدون ستئذان... اني رايدج عله سنة الله ورسوله....
نور؛ نصعقت من السمعتة وخجلت كلش شلون يحجي وياي بجرء اني رأسا سحبت ايدي ونزلت ركض.... والحفلة كلشي ماافتهمت منه تفكيري كله بكلامه وياي وشلون يباوع بعيوني من يحجي يمةة قلبي الصغير لا يتحمل لحضة هوه عرض عليه الزواج مااعرف بس احس شي طاير بگلبي طلع معجب بيه نفس مااني معجبة بي 🙈اووف ربي هذا الشعور اكبر من عقلي.....
.........

للقصة تكملة.... هذا البارت طويل 3160 كلمة للذلك اريد تفاااعل قوووي 👍👍
🌟🌟🌟👇