သိင်္ခငြိမ်းချမ်း
Present
**********************************
ဆေးရုံကန်တင်းရှိတဲ့ ပန်းခြံက တဖြေးဖြေးနဲ့ အုံ့မှိုင်းလာတယ်။ ဒီနေ့လည်း မိုးတွေလေတွေ သည်းဦးမယ်ထင်တယ်။ ဒီနှစ်က မနှစ်ကထက် ပိုပြီးတော့ မိုးကြီးတယ်။
နားနေခန်းထဲက ထီးကို မယူမိပဲ ဒီအတိုင်း ထွက်လာခဲ့မိတော့ ချက်ချင်း အခန်းထဲပြေးမှရမယ်လို့တွေးလိုက်မိတယ်။
အဲ့ဒီအချိန် ကျွန်တော်ထိုင်နေတဲ့ ခုံတန်းတွေရှိတဲ့နေရာကို ဧရာက ထီးတစ်ချောင်းကိုင်ရင်း လျှောက်လာတာကို တွေ့လိုက်ရတယ်။
ကျွန်တော့်ကို လက်တွေပြ ပြုံးပြရယ်ပြရင်း လျှောက်လာတာ ။
ဧရာသက်လွင်ဦး ထီးကိုင်ပြီး ကန်တင်းပန်းခြံကို လျှောက်လာတာ ဖြတ်သွားဖြတ်လာ သူနာပြုဆရာမလေးတွေရော တခြားကောင်မလေးတွေပါ ဝိုင်းကြည့်နေကြတယ်။
ဧရာကလည်း သူ့ကို ကြည့်နေကြတဲ့ ကောင်မလေးတွေအကုန်လုံးကို တစ်ယောက်ချင်းဆီ လိုက်ပြုံးပြတယ်။
ပေါ့ပေါ့ပါးပါးနဲ့ နေတတ်တဲ့ ဧရာကို ကျွန်တော် အားကျတယ်။
"ရော့ မင်းအတွက်"
အနားရောက်လာတဲ့ ဧရာ့အသံနဲ့အတူ ကျွန်တော့်လက်ထဲကို Gong Cha Greentea တစ်ဗူးရောက်လာပြန်တယ်။ ကျွန်တော့် မျက်နှာချင်းဆိုင်မှာ လာထိုင်တဲ့ဧရာက ကျွန်တော့်ကို ကြည့်နေတယ်။ အိပ်ချင်နေလို့ ကျွန်တော် Greentea ကို လုံးဝမငြင်းနိုင်ပေမယ့် ဧရာ့ကို အားနာတယ်။
"ဒီတစ်ခါတော့ ပိုက်ဆံယူ"
"မယူပါဘူး ဒီတစ်ဘူးက ဘယ်လောက်မှ ပေးရတာ မဟုတ်ဘူး ..သောက်စမ်းပါ ညနေ အလုပ်ရှုပ်ရင် ညနေစာတောင် စားနိုင်မှာ မဟုတ်ဘူး .. "
ဧရာက ကျွန်တော့်လက်ထဲကို Greentea ဘူးကို အတင်းထည့်ပေးတယ်။
"ငါ မင်းကို တစ်ခုခုဝယ်ကျွေးမယ်လေ အကင်ဖြစ်ဖြစ် ဟော့ပေါ့ဖြစ်ဖြစ် မာလာရှမ်းကောဖြစ်ဖြစ် မင်းစားချင်တာပြော"
ကျွန်တော် ပြောလိုက်တော့ ဧရာ့မျက်နှာ ဝင်းလက်သွားတယ်။
YOU ARE READING
ဒုတိယလူ ( 2nd Person )
Romanceတစ်ချို့သော ငြိတွယ်မှုတွေက စောစောစီးစီးသိရတယ် တစ်ချို့ ခံစားချက်တွေက နောက်ကျမှသိရတယ် တစ်ချို့ အချစ်တွေကိုတော့ အချိန်လွန်မှသိရတယ် 2nd person Cover by - Moh Moh Started - 10.5.2020 Completed - 9.9.2020
