دخيله الشيخ سيف

بارت مفأجئ

مساء الخير لجميع متابعيني الحلوين
شكرا ع تفاعلكم وياي وهاي بارت لعيونكم
واستمتعو بلبارت

..........

ريان_وكعت من ع الدرج واحس رجلي لتوت
وضليت ابجي من الالم والوجع وشفته اجه يمي
سيف_ركضت وراها ومن شفتها طاحت رحت
عليها وهيه صرخ من الوجع لزمتها
سيف_اوكفي تعااي
ريان_شفته اجه ليمي ويريد
يشيلني كتله ابتعد لا تلمسني
سيف_شبييج خلي اشوف رجلج
ريان_كتلك وخرررررر اااااخ رجلي
اجت اخته وجدته كالتله
عزيزه_عوفها تولي يطبها مرض
مهئ_كومي حبيبه كومته ورجعت طاحت
ريان_ردت اكوم وطحت تأذيت حيل
مابيه ضليت اصرخ وابجي ورجع اجه
سيف شالني ودخلني للغرفه واني ابجي
سيف_من تقربت منها ورفضت ابتعدت
بس من اجت مهئ وكومتها كامت وياها
بس رجعت طاحت رجعت عليها وكلت
لو مو ترفض تريد تضل بلكاع شلتها
ودخلتها للغرفه وهيه كلبت الدنيا من
الصريخ والبجي كلت المهئ
سيف_مهئ خابري لمحمد ((للعلم محمد
دكتور))
مهئ_اي صاار
ريان_راحت وانا ابجي واشهك رجلي
تأذيني كلش موتتني وهوه كلساع وصاح
حسج علكيفج اصبري انا بروحي الوجع
بيه وهوة خابص الدنيا لأن صوتي عالي
سيف_خابرت مهئ ع محمد كال دقايق
مسافه الطريق اجه محمد سلم عليه
وع حبوبتي وع مهئ ودخل شاف رجلها
ريان_شاف رجلي وكال لسيف
محمد_لا اخاف خويه بس عدها التواء
ويرادلها عصاره وباندج ((لفاف لرجل ))
وانا انشاءلله اجيبهن اله هسه
سيف_تسلم يخوي
محمد_صارر من عيوني
سيف_طلع وانا كلت المهئ سوي
كمادات اله لرجلها
مهئ_صارر
سيف_رحت ورا محمد وانا ايدي
موتتني خرب مو بنيه شنوو
طلعت ويا للصيدليه واحنه
بلطريق كتله
سيف_ولله خويه ناطيني ابنيه
ماماكله لحم
محمد _ههههه شسوتلك
سيف_جاا غير عضتني بيدي
محمد_بعدك ماشايف شي
هوة الزواج هين رحت وزوجت
سيف_خرب حضي
محمد_يلا خلي ننزل
سيف_يلا وصلنا ونزلت ويا
للصيدليه ونطاني عصارة وباندج((لفاف رجل))
وكبسول مسكن الالم ورجعني ماقبل
ارجع بوحدي وصلت نزلت وسلمت علي
ودخلت جوة واسمع صريخها هاي
كالبه الدنيا كلاب وحبوبتي بروحه
ماطيقتها دخلت بسرعه واشوفه تبجي
من الوجع كتله كافي شبيج طفله
ريان _انته ماحاس بلوجع لو حاس
جاان ماكلت هيجي ولله
سيف_حسج وتعااي خلي
ادهن رجلج ولا صرخين ماضل واحد
ماسمع صوتج
ريان _شنو تدهن رجلي ليش
انا ماعندي ايدين
سيف_كتلج تعااي ولاضلين
بس تحجين
ريان_مااا،،،مااجي
سيف_كتلج انا ادهنها(( حجاهة بعصبيه))
ريان_سكتت وهوة اجه وضل يدهن
وانا كلبت الدنيا وابجي من الوجع وكمل ولفه الي
ونطاني علاج كتله
ريان_شنو هاذا حبوب تريد تموتني
سيف_لا يعيني ماريد اموتج اريد
اعذبج ع البطيئ
ريان_ماشرب
سيف_كتلج لزمي خلي
اجيبلج مااي
ريان_ما شرب وضلت تبجي جذاب
تريد تكتلني وتموتني مثل ماجذبت عليه وكتلي
اسمك علي وتحبني وخطفتني وشوهت سمعتي
وخليت هلشي اصير ليش حرمتني من امي ليش
سيف_اباوع عليه تحجي وتبجي وتكلي حرمتني وخطفتني من اهلي وحرمتني منهم كسرت خاطري
عفت العلاج وطلعت صحت ع اختي مهى مهى
مهى _ها خوي شتريد
سيف _هاي العلاج وانطيها خلي تشرب
مهى _صار خويه دخلت عليه واشوفه تبجي ونايمه وفارا وجه مناك صحت عليه ريان ريان
ريان _شفته احجي ويا وباوعلي وعافني وطلع وضليت ابجي ومقهورا وسمعت هاي البنيه تصيح عليه
ريان _نعم
مهى _حبيبتي كعدي شربي هاي العلاج
مسكن علمود اخف الوجع عندج
ريان _ كعدت واخذت منه العلاج وشربت
عافتني وطلعت ورجعت نمت ومافزيت اله المغرب

سيف _من بعد ماطلعت منه وشفت اختي انطتها العلاج اخذته وشربت واسمعها تبجي ونوب حبوبتي زرفت كلبي ادبه ومن هلحجي وانته كلت خدامه الكم لحد ماطكيت وياها وعفتها وطلعت من البيت
افتر بلشارع اجاني اتصال من محمد رجعت
سيف_الو📞
محمد_الحكك خويه 📞
سيف_ياستار استر شكوو📞،،،،،،،يتبع

،،،،،،
توقعاتكم حبايبي وانشاءلله البارت عجبكم
وعذروني ع التقصير

تحياتي الكم احبكم
اختكم ملأگ التميمي