سلام حبيباتي هادي أول قصة ليا اللي كتهضر على بنت كانت عايشة بحال كاع لبنات حتى غيتصلط عليها مافيوزي اللي غيقلب حياتها رأسا على عقب نتمنى تعجبكم
قصة بدارجة المغربي تفاعلو كل ليلة نحط بارت
🔥🔥🔥🔥🔥 سلام البنات ان اسمي ريتاج فعمري 23 سنة هاد العام عندي آخر عام فكلية طب أنا بنت يتيمة توفاو عائلتي فاش كان عندي 5 سنين بسبب حادثة سير غامضة و دابا أنا عايشة مع عمي و مرتو فالفيلا الصراحة عمي ضريف بزااف اسمو عمر هو اللي حن عليا و رباني و قراني و لكن مرتو سمية كنحس بيها مكتحملنيش واخا كتبين ليا أنها كتبغيني و كاتنافقني و انا عايقة بيها و عندهم بنت اسمعا سمر كتقرا فالباك الصراحة ماماها مفششاها بلا قياس و ديما كتغير مني حيت زوينة عليها أه نسيت ماوصفتش راسي انة بنت قصيرة و سميمرة و عينيا عسليين و كبار الصراحة تقال زوينة وفورمتي عاطية للعين واخا تقدمو ليا بزاف ديال شباب باش ندير علاقة و لكن انا مكنفكرش بهاد طريقة عندي هدف واحد هو نولي طبيبة هادا كان حلم بابا و ماما الله يرحمهم و بغيت نحققو و زواج و الحب نخليه من بعد و نرجعو لبنت عمي هي ديما كتعمل زبايل و لكن كتنكر و كتلسقهم فيا و عمرها قالت كلمة زوينة فحقي ديما كتحقد عليا على أبسط حاجة و لكن انا عارفتها كتدير علاقات مع دراري كتار و شادة عيني مكنبغيش نفضحها المهم نرجعوا للواقع كالعادة فقت على صوت المنبه كانت 10:30 مشيت لدوش خسلت سناني و دوشت و لبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هبطت لقيت عمي عمر كيفطر هو و سمية انا. صباح الخير عمر و سمية. صباح النور عمر. واش غتمشي لافاك اليوم ابنتي انا. اه خاصني نمشي دروري عندي حصة واش محتاجني فشي حاجة؟ عمر. لا غير سمر بغات تمشي المول و كنت باغيك تمشي معاها راه مكنتيقش فيها سمية. بنتي سمر كنتيق فيها مزيان مكدير حتى شي حاجة خايبة بنتي مربية احسن تربية مكاين لاش تمشي معاها ريتاج انا. صافي اخالتي(هي مرة عمي ولكن كنقول ليها خالتي) غير رتاحي مغانمشيش معاها غير بقاي على خاطرك سمر كانت هابطة فالدروج. بابا انا سمعت كلشي ياك علاش مكتيقش فيا و كتيق فريتاج كتر مني ياك انا بنتك (كانت لابسة)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عمر. اه ابنتي نتي راكي مازالا صغيرة و أي واحد يلعب ليك على عقلك دروري خاصك المراقبة سمر. لا ابابا غير رتاح انا راه مربية متخافش عمر. الله يرضي عليك ردي بالك ابنتي راه دنيا صعابت انا. المهم انا غادية سمر الى حتاجيتيني عيطيليا اوك سمر. لا شكرا مامحتاجاش مساعدة ديالك (وعوجات فمها) انا. اوك اللي عجبك يالاه باي باي عليكم خرجت شديت طاكسي لافاك واخا عمي ديما كيقولي خودي طوموبيل انا مكنبغيش حيت عزيز عليا البساطة و انا ضد الطبقية و الفلوس و بعض الخطرات كنمشي فطوبيس انا ماعنديش صحابات كيعجبني نبقا بوحدي حيت الصحابات كلهم غدارات فهاد الوقت مكنتيقش المهم وصلت للافاك وانا نازلا دازت واحد طوموبيل لامرجيني بسرعة من حدايا حتا طارت فيا الغبرة و توسخت انا. ايييه واش مكتشوفش قدامك زعما باغي تعيق بطوموبيلتك ولا شنو هبط زاج ديال طوموبيل بشوية و طل عليا هبط نضاضرو و بقا يخنزر و طلع نضاضرو و كسيرا ماقالش حتى سمحيلي الصراحة كنكره هاد نوع تعصبت بلا قياس دخلت للكلية دوزت الحصص ديالي بحال كل نهار عادي نفس روتين و فاش ساليت كانت 16:30 خرجت بكري و قررت نرجع للدار على رجلي حيت ما بعيداش بزااف و انا غادية كنحس واحد طوموبيل مراقباني من بعيد انا كنزيد جوج خلفات و هي كتزيد بشوية دخلني شك الصراحة خفت انا غادية و هي تابعاني تابعاني جبدت المراية من صاكي باش نشوف الإنعكاس و بانت ليا نفس طونوبيل ديال قبيلا اللي دازت من حدايا مفهمتش اش باغي مني و انا نطلقها بجرية حتى بعدت درت مالقيتوش قلت الحمدالله تهنيت صافي وصلت لدار دخلت لقيت عمي عمر كيهضر فتيليفون و باينة فيه مخلوع و خالتي كتغوت و دادا مليكة كتصبر فيها انا. مالكم شنو واقع خلعتوني خالتي. هئ هئ هئ موصيبة كحلة وقعات كاريتة هئ هئ
تفاعلو بليز و الى عجباتكم كتبولي فالتعاليق نكمل ولا نحبس كنبغيكم😘😘😘😘
