الـبـارت 3
رواية...خذلت قلبي
#بقلمي _زمرد الربيعي
.................................
:
منّ رحَل لنْ يعُود , ومنْ ضرّكَ سِيضُرهّ شَخص مَا ذاتَ يوُم ..
ومِنّ أبكَاك سيجِد مِنْ يُبكِيهَ ، الأرْضَ مُستدِيره لا تَظلِمُوا فتُظلِمُوا !
:
.........................
قراءه ممتعه ،
عمتي : و الله شوفت عينك ايدي انكسرت و كالو بعد اسبوعين اوخر الجبس و ضهري صار بي انزلاق
بابا : بـ السلامه يالغاليه
عمتي : الله يسلمك خويه
" طبعا اني كمت العب ويا موده وما حسينا الا لمن اذن "
بابا : باع شلون اخذتنا السوالف و نسينا نفسنا يله بابا كوموا تحضرو خلي نرجع
زوج عمتي : لا والله ابد ما تخطي الباب و اليوم عشاكم يمي
بابا : تسلم خويه بس هم ام آسامه مريضه و نعوفها ترتاح
زوج عمتي : اذا طلعت و الله العظيم ازعل عليك كم مره شايفينك احنا
بابا : تسلم ياخويه
" رجعنا و راح بابا يصلي هو و الولد خلصو صلاة اجوي كعدو يم عمتي راح آسامه يجيب اكل من برى لان عمتي متكدر تطبخ طبعا آسامه من عمر مهند
راحت ماما تحضر العشه و هيثم ومهند وآسامه ينقلون الاكل تعشينا و خلصنا كامت ماما سوت شاي ولمت الاكل وكملت غسل المواعين اخذت الشاي و نطته الهم كعدنا شويه بعدين رحنا للبيت
اول مرجعت غسلت وجهي و صعدت نمت كعدت الصبح تريكت كالت ماما باقي 6 ايام للمدارس فرحت كلش لان راح اطلع من جو
الضوجه والملل طلعت شويه بـ الشارع كمت العب ويا الاطفال بعدين دخلت لكيتهم دايصلون رحت جبت شال و خليته على راسي بدون وضوء و كمت اقلدهم خلصو بابا اندار عليه "
بابا: هههههه بويه شدا تسوين
ريتاج : بابا دا اصلي
بابا : الله يثبتج بنتي هههههه
" طبعا مافمهت شي فـ خلصو غداء وتغدينا وصعدنا نمنا
كعدت العصر بدلت و مشطت لان ماما كالت حنروح للسوك رحنا و يم كل محل نوكف ساعه على ما تقيس وهذا ميعجبها وهذا كبير المهم بعد التعب رجعنا للبيت جابت الي قراريص للمدرسه و قميص ابيض وأشرطه وفررحاانه بيهم و لـ ريهام و باقي اخواني نفس
الشي ، رجعنا للبيت
تمددت بـ الكاع من ورى التعب دخل مهند "
مهند : ها شبيج نايمه هنا
STAI LEGGENDO
خذلت قلبي
Storie d'amoreاحببتك فخذلتني عشقتك فتركتني اين العداله في حبك اين الصدق في وعدك واخيرا اقول : لقد خذلت قلبي فـ هل سوف تمحو اثر الخذلان ام ستتركني كسيرة الجناح دونك #خذلت قلبي #بقلمي_زمرد الربيعي
