شمس : رحت اركض علة السيارة لان ماخلاني مصطفى ابقة يمة صعدت بلسيارة وقفلت البيبان علية خفت لايجون طلعت الموبايل واني ارجف خابرت علة ابوي گال جايكم وصاني مااطلع من السيارة .....
ورة اشوي شفت احد جاي علية ركزت بنضري
طلع مصطفى وهوة غرگان ابدمة ويسحل ابروحة سحل رحت اركض علية هوة من شافني انتجة وذب حيلة كله علية ....
شمس : سوده علية خويه اصار بيك كلة من وراي😭😭
مصصفى : (بلكوة يحجي)عفية شمس اخذيني لسيارة....
شمس : امشي خوي امشي خابرت علة ابوي وهوه مسافت الطريق اشوي ويوصل
دخلته بلسيارة وقفلنة البيبان علينة ....
مصطفى : اشبيج شمس حبيبي مابية شي..
شمس : اشلون مابيك شي وانتة امغطة ابدمك
مصطفى : دكافي بجي اكلج مابية شي...
شمس : كعدت احجي واسولف وياه خاف ينام لويصير بي شي لان جان مضروب ابرساه ودم يصب منة ورة اشوي انگطع هسة اكعد بي ماكول ضليت اصرخ اهزن بي مايتحرك ...
اجيت اطلع من السيارة خفت لا ذولاك بعدهم ضليت انتضر بابة واني ادموعي اصب.
ورةاشوي اجت علينة سيارة مااشوف شي لان ضواهة صار ابوجهي..
طلع رجال من السيارة ويباوع يمنة ويسرة اتكول امضيع شي واني مااشوف وجهه من الضوة ....
بعدين ضل يصيح ابسمي عرفت انو هوه بابة
رحت اركض علية واصرخ بابة الحك مصطفى
مايتحرك..
ابو شمس : علة كيفج بابة هسة اشوفة انتي بس اهدي..
رحت اباوع علية اووف يابة امغطة ابدمة وبلكوة يتنفس وابين طاكينه ابراسة المعلاعين صعدت شمس وصعدت اني وحركنة السيارة واني اسوق كل سرعتي سولفتلي شمس شنو الصار بلطريق ...
واني فار دمي يعني ابني وحيدي هيج يصير بي استغفر الله ربي اللهم لااسالك رد القضاء ولاكن اسالك الطف فيه
وصلنة للمستشفى واخذو علة السدية وشمس اصرخ علية اني گلبي ضل يوجعني علية ماخبرت امه عليه لان ادري بيهة اذا درت صاير اببنهة شي راح تتخربط
شمس : وصلنة للمستشفى واخذو مصطفى ودخلو جوه واحنة ضلينة منتضري
واني بس اصرخ وابجي بعدين مادريت ابروحي اذني كامت اشوش وما حس اباي
شي .....
ابو شمس : من ضلت شمس اصرخ اغمة عليهة واخذنهة السسترات واني احتاريت شنو اسوي گلت لازم اخبر امهم خابرت عليهة وره ساعة اجت اصيح وتبجي دليتهة علة بكان شمس لان مصطفى بعده ما امطلعي
راحت هية يم شمس واني ضليت يم مصطفى
وره اشوي طلع الدكتور....
خير دكتور طمنة
الدكتور : والله ابنك حالتة كلش خطرة لان الضربة ابراسة وصاير عندة نزيف
ابو شمس : كول غيرهة دكتور هذة ابني وحيدي ...
الدكتور : ان شاء الله مايصير بي شي بس يحتاح عملية بس دمة امصفر ....
ابو شمس : اشكد تحتاج دم اني اتبرع بس كون ابني يكوم بلسلامة....
دكتور : ان شاء الله روح وشوف اذا يصير تتبرع لان كلش مستعجلين ....
ابو شمس : رحت اشوف زمرة دمي طلعت متطابقة وكالو يصير تتبرع واخذو مني بطلين بس كالو نحتاج بعد كتلهم اخذو مني ماقبلو يكولون مو زين اضطريت اشتري بعد بطلين
وبدو العملية ......
*********************.
انتضرو البات الجاي وان شاء الله يعجبكم
بس اريد اعرف ليش تقرون ومحد يصوت
علقو صوتو والله تعبانة بلكتابة واذا علة السحكات غلسو😂
YOU ARE READING
عشقت فصليتي
Romanceاليوم ارد اسولفلكم قصتي وشونو الاحداث الي جرت بيهة بس اول شي اعرفكم على نفسي اني اسمي شمس عمري٢٠سنة واني ادرس كولية امنيتي اطلع معدل عالي حتة اصير دكتورة... *********** مرحبه اني اسمي امير عمري ٢٤ سنة اشتغل بشركة للطاقة الكهرباية راتبي زين وحالتة ا...
