بارت ٣٣
منطقة 13
هوب هوب
وين توصل خالي
انت وين تريد بويه
ليوين ماتوصل ذبني
اني مجاني بعيد خارج العراق
ها لعد لمن اكلك نزلني انزل وبالتآمر بي اني حاضر
مليكه- اشر لسايق كان واكف وحده. عالشارع واني ختلني. وره شجره. لبسي مو مرتب اليشوفني يشك
بقيت انتضر سمعته يحجي وي سايق
التفتت شفت سياره. كيه حمل قديمه. اتفق ويا وكال
بس دقيقه وياي الاهل
السايق التفت مستغرب واجه اخذني
كمت واعدل بهدومي اجر بثوبي
لزم ايدي باوعلي
مامبين شي اوكفي ورايا لتخافين
خاف. خاف يعرف السليق وياخذنه للشرطه
بقه يباوع بعيني بحيره وباوعله
مامبين سبع مبين من اهل الللا
يمشي ريحجي وصلنا للسياره وابو قبضه فتح الباب الوره السايق كال
شني عمي شاردين من اهلكم
جارب ابو قبضه بسلاسه
بلي عمي ثار عشاير وشردنا رادو يقتلونا
السايق اباوعله عيونه من الجامه عليه. عكد حاجبه وابو قبضه ديعوفني ويكعد ليكدام جلبت بايده
واباوع بعينه
الله يخليك ابقى هنا
جر نفس وغمض كال
خالي. بله امر انا حكعد لوره حرمتي. تعبانه. خاف تتخربط انا يمها
اي عمي شكو منها ماالله يخلصنا من سوالف الثار والدكايك.
صعد بصفي واني مجلبه. بزنده وضامه راسي وره كتفه
والسياره مشت
وهو عيونه طايره يباوع عالشارع ويتفحص
دكت بينا هوااي واني كمت اغفي والبرد لازمني دشداشتي خفيفه وبجامه ملابسه
رجفه متركتني
لزم ايدي قوي
التف وراه ويباوعلي غامره راسي وره زنده وكتفه . ضامته
همس
مليكا
هم
ترجفين بردانه
اي
جر نفس وتلفت بالسياره كلسا يريد ينزع قمصلته لو ما البلاوي جواها
وجر مثل الغطا يغطي الكشن
لا هو زوليه ولاهو بطانيه خلاه عليه. ويلفه ويباوعلي
شبيج خاتله
تدفه وجهي
تنامين يحجي ويباوع لملامحي توقع تخربطت من رجفتي
اي شوكت نوصل
صفن عالشارع
هز راسه
بعد شويا
وكعد عدل غفيت حسيت وهوويحجي
ليجاي ليجاي قبل السيطرا
اي عمي صار
سكد تآمر خالي
كعدت باوعتله طلع جيس من جيبه ملفلف بداخله المحفضه طلعها وكلب السايق كله
روح عمي روح الله يفك كربتكم
طلع ورقه مكتوب عليه ٢٠ وخلاها بيد السايق السايق بقه يباوعلها ويباوعله
هز راسه بشك ونزلنا
جان على الصفحتين بساتين خضره بيها نخل وبيها بيوت طينيه وتكو بيوت عاديه بس كلش صغيره
نزلنا والسايق طلع كمت امشي وراه ويسحل بيه ويتلفت منطقه فاارغه وضهريه
هناك لمحنا واحد حان يحرث صاح
