ملاكي العنيد (مكتمله)

ملاكي العنيد ❤

وبعد ما قضو أول ليله في حياتهم الجديده وكانت

ليله كلها سعاده وحب وكملو حياتهم في موده

ورحمه كان ليها ملك فكانت ليه ملكه وعيشها في

جنه فكانت له حور عين وحتي لما كانو يشدو مع

بعض ويتخانقو كانو بيرجعو يتصالحو بعدها بدقايق

لانهم أصلا من قبل ما يتخانقو عارفين انهم لازم

يتصالحو لان أللي بيتعب علشان حاجه ويفضل

متمسك بيها لأخر لحظه مستحيل يسيبها تروح

منو بعد كل التعب ده علشان يحصل عليها وضحا

وأدم عاشو حياه كلها حب وموده لكن بعد الجواز

أدم مكنش بيحاول يبقا زي عبدالله علشان يكون

ليها الحبيب المثالي لاء ابدا ده كان ليها احسن منو

كمان قدملها السعاده والحب ومشي معاها في كل

خطوه في حياتها لحد ما بقت مهندسه معماريه قد

الدنيا وهو بقا مهندس بردو لكن في مجال

التكنولوچيا وحتي عبدالله كمان كان مع حبيبتو في

كل نجاحات حياتها لحد ما خدت بطوله الجمهوريه

في الملاكمه وبقت دكتوره جراحه قد الدنيا وهو

كان بيتطور في شغلو بسرعه لحد ما بعد سنتين كان

بيقول القسم قدام رؤساء وجنود الجيش بعد تعب

وشغل وكانت دي أجمل لحظه في حياتو لما كان

بياخد شاره جديده وبقا حضرت اللواء عبدالله

طلعت الزهدي وهي بقت بطله ملاكمه والاستشاريه

في حراجة القلب الدكتوره كنزي.

~~❤❤❤~~

♕♕♕♕♕♕

بعد مرور سنتين علي جوازهم رجع عبدالله البيت

بعد مأموريه جديده لقا كتير من أقاربهم عندهم في

البيت والبيت كلو زغاريط وهو يا عيني زي الاطرش

في الزفه مش فاهم أي حاجه وبعدها لقا أمو جايه

عليه وبتحضنو وبعدها شدت ودانو وتقولو بقا كده

تخبي عني يا عبدالله ماشي حسابي معاك بعدين

وكل أللي في البيت عمالين يضحكو وبعدها بيسأل

هنا أختو في أيه فضحكت وقالتلو أطلع لمراتك يا

عبدالله فطلع لقاها قاعده علي المرجيحه أللي

متعلقه في السقف وراحلها وباسها وقالها شوكلاتي

بتعمل أيه فمردتش ولا عملت أي ريأكشن بوشها