💙💙
ـ شجرالج ليش تبجين؟
واجه كعد يمي ع الجربايه
ـ ماعرف بس خايفه
ـ بويه اهدي ع شني خايفه
ـ مدري ع شنو ابجي احس مخنوگه بس السبب ماعرفه
ـ ذكري الله ولاتقهرين بروحج وولا تخافين لان محد يگدر يگربلج وانه موجوده ثقي بالله
ـ كولش شكرا ع السويته اليوم
ـ اذا مو انه اسوي هيج عجل منو غير واجبي هاذ
حظنته وهاي للمره الاولى احظنه هيج بحنيه وعفويه وكلش فخوره بي لان هيج سوه رفع راسي وماذلني
باسني من راسي بهدوء
ـ ميار
ـ ها
ـ اريد اسمه قصتج يعني سولفيلي حياتج شلون جانت قبل ليش دگولين مظلومه
ـ كنان اني عمري 9 سنوات وماتت امي بمرض سرطان وره موتها بـ سنتين ابوي تزوج
ـ ويعني مرت ابوج جانت تعذبج
ـ مو تعذبني يعني هيه ماتضربني ابد بس تغثني مرات بكلامها وتحجي براس ابوي وهوه يجي يعصب عليه
ـ يعني بدون سبب هيج تحجي براس ابوج
ـ يي ماعرف ليش تكرهني ولواني ما مسويتلها شيء وبالعكس لشتغل وياهه بس اني ادرس فـ مو دائما اشتغل واني احب دراستي كولش وهيه ضايجه من هالشيء ودائما دگلي بطلي وتحجي ويه ابوي وتخلي يتعارك وياي حتى ابطل بس بالاخير اقنعه
بالاخص من صارت حامل بتوأم كلش تعبتني يعني كل البيت صار عليه اجي من المدرسه الگه البيت وصخ ولا منظفته ولا محركه ايدهه والله دگول الدكتوره دگول لا تتحركين
فـ انظف واطبخ الغده ويجي بابا من الشغل اصب الاكل واروح ادرس وكل شوي صايحتني ومصخرتني لان تدري بيه ادرس
ـ ليش هيج هيه متريدج تكملين دراسه
ـ ماعرف بس يجوز ماتريد انجح واتخرج واتقوه بالشهاده
ـ ابوج جان يكتلج
ـ ابوي؟ ههههه ييي هواي هواي يكتلني ع اشياء تافه وكلهن من تأليف فاتن
ـ وينطي گلبه هيج يسوي
ـ لا بابا كولش حنون بس هيه مخربته والله مجان هيج وياي اصلا اني جنت مدلله عنده بس من اتزوجهه وره كم شهر من زواجهم هيج صارت وياي وبابا من يتعارك وياي ويكتلني وره شوي يجي يراضيني لان كلبه ماينطي بس هيج الله لايوفقها كله بسببهه
ـ وهسه انتي مشتاقتله
نزلت دمعتي ضليت صافنه عليه ماعرف شجاوب مشتاقه لو لا؟
ـ مشتاقه لابوي الحنون بس كارهه ابوي القاسي اليمشي وره كلام مرته ماعرف يعني حاليا اريده وماريده
