الكاتبة :فاطمه العساف
...............................
امنيتي اعيش هواي
والآخر نفس تبقى وياي ♾️
.................................
شهلاء. دخل ضرغام لبيت وأيده كولهه دم من صرخت اجت امي وقمر على صوتي امي عدهه سكر ماتحملت ارتفع عدهه السكر واتخربطت لبست عباتي وطلعت ويه ضرغام لمستشفى قمر ابقي يم امي واتصلي على أبويه خلي يجي و اني اريحه من طلعنه اني وضرغام من باب البيت لكينه ابن جيرانه وصلنا لمستشفى وراح دخل ضرغام لفحص من شافه الدكتور كال لازمه خياط الضربه قويه بنجو ضرغام دخلو بغرفه العمليات واني بقيت رجل تضرب برجل من الخوف على اخويه وعلى امي الي عفتها ب البيت مااعرف شنو صار وياهه حسيت رجلية بعد مايشيلني كعدت باي الغرفه وبقيت ابجي
سيف. اني عندي زيارة بدم متعود بين فتره وفتره اروح اتبرع بدم لمستشفى جنت امشي وسمعت ولد اثنين يحجون واحد منهم يكول تعرف البنيه الي بذاك الممر حلوه بس هي شويه مبهذله لو ترتب تطلع صاكه رد على صديقه لك اي هي مبينه حلوه
اني من سمعت حجيهم صار عندي فضول اشوف شكلهة رحت لممر الي يحجون على باوعت والكالك شهلاء كاعده تبجي والعباية نازله من راسهه صايرة على متونهه والشال مخربط رحت يمهه ركض بس اني شنو مفحم ليش هيج كاعده وشجاي تسوين هنا احجي واني كوه لازم اعصابي
شهلاء. من شفت سيف كدامي حسيت انو الله دزه اليه من السماء كتله اخويه جوه بعمليات
سيف. ليش هو شبي حتى سوله عمليه
شهلاء. مابي شي بس اليوم اجه مضروب سجينه بشارع والدكتور كال الضربه قويه ويحتاج اخياط
سيف. لتخافين على هسة شويه ويطلع وعدلي عباتج ولفي شالج عدل وروحي غسلي وجهج بين مااطلع شويه واجيج
شهلاء. كتلة لا اراديا لاتروح خليك يمي مااعرف اشلون فلتت هاي الكلمه من ال لساني يمكن من الخوف حجيت هيج بعدين سكتت ونزلت راسي
سيف. ابتسمت من عرفتها ماتريدني اروح واعوفها عرفت بيها خجلت من حجت كتلها لا مارايح بس دقايق واجيج روحي غسلي ومن تجين تلكيني موجود
شهلاء. من راح سيف بقيت اضرب على حلكه اشلون حجيت هيج عضيت الساني عضه حسيت الدم طلع منه حتى مره ثانيه مايجي هيج بعدين رحت للحمامات غسلت وجهي وايديه وعدلت شالي ورجعت ثواني واجه سيف جايب بطلين مي وعصير انطاني بطل مي وكلي
سيف. اشربي مي ريكج يبس مي البجي
شهلاء. اني على العطش الي بيه مستعدة اشرب عشر بطاله بس كتله لاتسلم ماعطشانه
سيف. هسة مو وقت تبيعين ثكل براسي وتطبقين الاتكيت امين من وجهج ضاربج جفاف مال مي تشربي اشربي
شهلاء. استحيت منه بعد شحجي كلت بكلبي اشرب بس اشويه بس مااعرف اشلون البطل خلص بقيت مغلسه مااعرف شكول
STAI LEGGENDO
لعبه القدر
Storie d'amoreمن شده حبك لي ... حسدوني الناس فخسرتك ف هل استطيع ان اتلاحق نفسي.... واسترجعك ام فعلا خسرتك الا الابد.
