فضة : عمي ، بس انة اشوفن الاخير الي اروحن البيت اهلي ، هنا البيت كله زلم وانة رايدة الزم عدة على غافل وهم ابيت اهلي اريح الي وريحانة وياي هم تشوف خوالها وتتعلم عليهم
شيخ جعفر : والج ردة هنا يفضة لو ناوية تخلينة بتنة تربة عد الغرب
فضة : وشعندي رادة يعمي ؟ المن اردن لمعاير النسوان من چيف ما عندي ولد ، يو اردن العمتي ولومها علية الحد قبل ساعة تگلي انتي الچسحتي غافل ، هاي و انة جرحي اخضر وما صارله غافل اسبوع من مات ، چا من اگضي عمري وياها شلون يعمي ؟
شيخ جعفر : اليحاچيج گليلي بيه وانة اگصن السانه الج
فضة : لا يعمي انة مو حمل مشاكل خليني اگضي عدتي عد بيت اهَلي ومن الله كريم واشوف وين يذبني الدهر
شيخ جعفر : جا ومدرسة البت ؟؟؟
فضة : الاحسن ما مش مدرسة يعمي ، شحصل غافل من المدرسة ، هل عافلي بنية وحيدة ، لا فادتني المدرية ولا الشهادة
شيخ جعفر : حگ والله حگ ، بسس انة جنت اشوفن غافل يريدها تدرس ، وان ما درست ريحانة ، ما ارتاح واحسن غافل ما راضي عني ، اذا رايدة ترحين لهلج ،تروحين وتعوفين البت بالمدرسة
وما عندي غير هذا الحچي يفضة
فضة : بسس عمي
شيخ جعفر : ما مش بس ، ابقي هنا وخلي الله يعاين علينة وخلي بتنة بحظنة واحنة هنا كلنة هلچ
يفضة موتت غافل كسرت ضهري ، اخخخ من رحت وگالولي غافل مات بتفجير الامريكان وهلال ومصوب وهسة بالمستشفى حسيت انطبرت على راسي ، انة صاحب الذنب بموتت غافل وبس ريحانة ظلتلي من ريحته وما ريد انحرم منها
- غورگن عيوني امي بالدمع وگالت : التشوفه يعمي
_ ومن يومها امي طبت الحجرتها وما تطلع غير للحمام اليصير بضهر كل حجرة ، مر اسبوع ، وجدي خذاني للمدرسة
لزم ايدي وخذاني للمدرسة مشي واحنة نمشي بالدرب گال
شيخ جعفر : ريحانة جدي ، انة جدچ وانة ابوج
ريحانة : لا جدي انت بس جدي انة ابوي غافل
شيخ جعفر : ههههههه جا انة مو مثل ابوج ؟
ريحانة : لا ابوي يحبني بس انة ، انت تحب كل الفروخ
شيخ جعفر : لا جدي وعلي انتي احبج اكثر وحدة يملعونة
ريحانة : جا ابوي بعد ما يرد ؟
شيخ جعفر : احنة نروحله بس هو ما يرد
ريحانة : ويمتة نروحله ؟
شيخ جعفر : عن جريب ، وهو يجينة بالطيف ، ويشوفنة بس احنة ما نشوفه ،
ريحانة : سكتت وجدي ذب حسرة وعيونة غورگت ، وصلنة للمدرسة ، جدي طببني للمدرسة وهو لازم ايدي ، ستار شافانة ، وهو صاحح - ريحاااااانة ، واجة يركض علية
جدي بحركة سريعة ضربة بعوجيته على كيف
شيخ جعفر : زويحير ول منا ول ، شني فاك حلگك وتصيح ريحانة
ستار : العفو جدي بسسس
شيخ جعفر : ول منا ول لا بارك الله بيك
ريحانة : انة مچلبة بايد جدي ، وخايفة لا يكتلني
شيخ جعفر : ريحانة هذا الوليد معليج بيه ، وكل الوليدات معليج بيهم ، انة يومية اجي اخذج من المدرسة
ريحانة : بس جدي ستار بس يدافعلي ، الوليدات يعاركوني ويكتلوني وهوة يدافعلي
شيخ جعفر : خوش جا ستار هم طلع زلمة
يلا جدي روحي الصفج ، ومن تحلون تلكيني واكفلج بالباب
-ودنج علية باساني وراح
رحت اريدن اروحن الصفي ، لگيت ستار واگف قريب عل صف
ستار : ولج ريحانة وين رحتي وعفتيني متت من الظيم عليج
ريحانة : بعد ابوي ما يجي ، وجدي يجيبني ويوديني
ستار: انة هسة فرحان ، چيف راح تبقين بالمدرسة ، عدالي جدچ الخبل ما يخليج تجين بعد
ريحانة : انجب جدي موش خبل ،
ستار : خوش لا تزعلين ، اجيب المطي اليوم ؟
ريحانة: لا ما ريدن
ستار: ليش
ريحانة : ما ريدن ما حب
ستار: خوش ، روحي للصف بالفرصة اجيچ خوش يلا روحي
أنت تقرأ
زناجيل الريف
Romanceأمشی والدنیه عصر وشویّه مرشوش الهوة بگذلة المغرب وریحة الدخان والریحان والنهران والتنور توها ترید تطلع رحت أودّي الحنّه وارجع مدری وین ومدری المن حس بنات یغنّن ویه الریح اسمع ویّه کل هلهوله من کل گلبی بايّامچ أضیع وریحتچ نگلت الراسي سوالف الل...