الخاتمة 2❤
في صباح يوم جديداً استيقظ ادم نظر جانبه وجدها نائمه اقترب منها وقبل رأسها ثم نهض من علي السرير ودخل الي الحمام خرج بعد وقت ولم يجدها علي السرير ارتدا ملابسه و وجدها تدلف من الباب : كنتي فين
كارما : كنت بصحي الاولاد عشان المدرسه
اوما لها ادم ثم قال : بلاش تتحركي كتير عشان متتعبيش
كارما : حاضر ياحبيبي
نزل للاسفل وهي معه جلس علي طاولة الطعام بعد فتره كان الكل جالس يتناول طعامه انتها ادم من تناول طعامه وخرج من الفيلا وذهب الي العمل وكل شخص ذهب لوجهته
دخل ادم مكتبه وبعد لحظات دخلت السكرتيره:مستر ادم في واحده بره عاوزه تشوف حضرتك
ادم بستغراب : اسمها ايه
السكرتيره : مقلتش اسمها
ادم : طب خليها تدخل
خرجت السكرتيره وبعد لحظات دلفت امراه في الاربعينات جلست علي المقعد : ازيك يا ادم
تطلع ادم لها جيداً ولكن لم بتعرف عليها ولم يراها من قبل:نعم حضرتك تعرفيني
خرجت منها ضحكه ميعه وقالت:طبعاً اعرفك دا انت ابني
ادم بصرامه : لا شكلك غلطي في العنوان
الامرأة وهي سناء : مش انت برضوا ادم المنصوري والله زعلتني مش عارفني هي للدرجه ديه العمليه غيرت شكلي انت مش فكرني ولا ايه انا ماما سناء اللي خانت ابوك
نهض ادم من مكانه بعصبيه وقال بصوت عالي : انت ياوليه بتخرفي تقولي ايه
سناء:بقول الحقيقه ياحبيبي
ادم:انتي لو مخرجتيش من هنا دلوقتي هخلي الامن يخرجك غصب عنك
سناء بضحكه مستفزه : شوف بقا لما تجيب الامن و اوريهم فيديو لوالدة مديرهم وهي في حضن واحد تخيل منظرك تؤ تؤ او سمعتك وسمعت العيله وقبل ما تسأل مش خايفه علي سمعتك احب اقولك الوش اللي في الفيديو مش بتاعي اه صح مقولتش رايك في شكلي بعد العمليه
ادم : انتي بتهدديني
سناء:لا ياحبيبي وهو في ام تهدد ابنها انا بقولك علي اللي هعمله مش اكتر
ادم : انتي ايه اللي جابك هنا
سناء : الفلوس اللي كنت وخداها من ابوك خلصت وعاوزه فلوس واه كمان عاوزه اعيش في وسط عيالي
ادم:عيالك مين يا امو عيالك دول بيكرهوكي
سناء : بجد وانا اللي بحسبك مقولتش بس عاوزك تعرف حاجه واحده انا لو معشتش معاك في القصر هفضحك في كل حتة
ادم : هديكي فلوس وتبعدي عن اهلي غير كد معنديش و اقسم بالله انا عملك حساب عشان اكبر مني وعشان الدين
سناء : اكبر منك ايه يا ابو اكبر منك دا احنا بينا عشر سنين
ادم : عاوزه كام
سناء بحزن مصطنع : عاوزه اعيش مع حفيديه نوراً اصل حسب معلوماتي ان هدي ماتت وطارق بيعملها وحش وانا ميخلصنيش ان حفيديه يحصل فيها كده
ادم بسخريه : صدقي صدقتك طب بصي بقا انا عاوز اعرف كل اللي حصل زمان
سناء : تعرف ومتعرفش ليه ده حقك برضوا بص ياحبيبي انا متجوزه ابوك وانا عندي 14 سنه يعني كنت قاصره ابوك اشتراني بفلوسه واهلي باعو كان عندي 15 سنه وشيله عيل بس الصراحه ابوك معملتوا كانت حلوه وكان راجل نزيه مكنش بيبخل عليا في ايي حاجه بس كان راجل كبير وانا بنت صغيره عاوزه اللي قريب من سني اللي يحسسني بانوثتي مش ابوك المهم انت كان عندك عشر سنين كان انا عندي خمسه وعشرين سنه المهم حبيت واحد وده فعلاً اللي كان يستحق واحده زي وانا استحق شب زيه وابوك عرف اني بخونه مشاني من البيت بعد ما طلقني ومكنش في غيرك يعرف اني خونته بس الصراحه طلعت بقرشين حلوين من ورا ابوك
انتهت من صرت حكايتها وادم ينظر لها بستحقار : وانتي متخيله اني ادخل بيتي واحده زيك
سناء : متخيله ومتخيلش ليه
ادم : هكتبلك شيك باتنين مليون ومشفش وشك تاني أبداً
سناء : لا طبعاً انا هعيش معاكم يعني هعيش معاكم وصدقني يا ادم لو معشتش معاكم هتشوف العجب مني
ادم : اعلي ما في خيلك اركبيه ويلا برا ومفيش فلوس
لم تخرج تم هدر بصوته العالي : برا
ارتعبت من نبرته خرجت وهي تتواعد له
ــــــــــــــــــــــــــــــــ
انتها ادم من العمل وذهب الي القصر وعندما دخل من باب القصر الصدمه الجمته مكانه وهو يراها امامه تبتسم بستفزاز لم يلحظه احد والجميع يجلس حولها تقدم بهدوء نظر ادم لهم وتحدث بتوتر : في ايه
سناء : ازيك يا ادم
نظر لها ادم بحده وقال : ايه اللي بيحصل هنا
كارما بحزن ودموع تلمع في عينها : دي مامت صحبك يا ادم
نظر ادم لها وكاد يتحدث ولكن قطعته سناء : خالد صحبك مات وانا ملقتش حد غيرك ارحله
ادم : خالد صحبي اممم
سناء : اه خالد صحبك وابني
قالتها بسخريه خافيه ولكن لم تخفا عن ادم
ادم : اه طيب عاوز اتكلم معاها شويه تعالي
نهضت سناء من مكانها وذهبت مع ادم للمكتب فور دخوله المكتب تحدث ادم بعصبيه : ايه اللي جابك هنا
سناء : اظن انت عرفت انا عاوزه ايه وهعيش معاكم هنا وزي ماعرفت ادخل البيت هعرف اقولهم علي كل حاجه وتقول قرارك دلوقتي وهنكمل اللعبه في موضوع ابني خالد وبحكم اني وحيده هعيش معاك
ادم : لو هتعيشي هنا يبقا بحترامك واياكي ثم اياكي تقربي من بنت من بنات العيله لحسن اخلقهم تبوظ علي ايدك
خرج ادم من المكتب وكان مزال الجميع في الصاله
ادم: دي ام صحبي وهو مات من فتره ومكنش ينفع تعيش لوحدها
كارما : متخفش ياحبيبي هنحطها في عنينا
ادم: متحتكوش بيها اووي هي مش بتحب الناس
سناء من خلف ادم:لا والله ياحبيبي انا حبيتهم نتكلم مع بعض عادي
جز ادم علي سنانه بقوه جتي كادت تتحطم
عمر: مين خالد ده يا ادم
ادم: صديق ليا من ايام الجامعه
ذهب كل واحد لوجهته ذهب ادم لغرفته دخل الغرفه ودخلت خلفه كارما
كارما بحزن: صعبت عليا اووي
ادم بهمس: ميصعبش عليكي غالي
كارما: ادم انت بتقول ايه
ادم: مبقولش طلعيلي هدوم عشان انام
كارما: انت هتنام ومش هتاكل
ادم: مليش نفس
كارما: مالك يا ادم
ادم بزعيق: ماليش
بوزت كارما بزعل وجلست علي السرير زفر ادم انفاسه بقوه عندما راها جلس جانبها:طب انتي زعلانه ليه دلوقتي
كارما: عشان انت زعقتلي
ادم: حقك عليا
كارما: طب انت متعصب ليه
ادم: مفيش شايفك حامل وبطنك قدامك ومش مريحه نفسك
كارما: لا والله مريحه نفسي جداً
ادم: فين ده مفيش مره جيت من الشركه ولقيتك نايمه او في اوضك علي طول في الصالون في الحديقه حتي المطبخ مش سايبها
كارما: با ادم انا بزهق من قاعده الاوضه وكمان الاولاد بيبقوا محتجاني
ادم: طيب يا كارما حاولي ترتاحي انا داخل استحمه
دخل ادم الحمام
ـــــــــــــــــــــــــــــــــــــــــــ
في منزل مازن
كان بجلس وتجلس علي رجله فتاة تبلغ من العمر سنه وهي ابنته من مريم
دخلت مريم الغرفه وهي تجده يداعب ابنته اسيل جلست بجانبهم وهي تبتسم:بتعملوا ايه
همس مازن لبنته اسيل:امك بتضحك مش مطمن
ضربته مريم في كتفه وقالت بضيق:انت بتتكلم بصوت واطي ليه
مازن بصوت عالي:انا كده اطمنت عليكي
مريم:مازن انا عاوزه اسافر امريكا
مازن:عشان كده كنتي داخله بتضحكي عشان تسافري ولو مش عاوزه حاجه تنكدي عليا
مريم:قصدك انا نكد
مازن:لا ياقلبي انا اللي نكد
مريم:طيب عاوزه اسافر ليارا
مازن:خلاص ماشي شوفي هتسافري امته ونروح انا عندي شغل هناك
مريم:طب كويس اهو نسافر مع بعض هات بقا اسيل عشان تنام
خدت مريم اسيل ودخلت الاوضه وحاولت انها تنيمها وافتكرت تاني مقابله ليها مع مازن
flash back
جلست علي طاوله امام حمام السباحه في النادي راها هو وذهب لها جلس امامها
مريم:نعم
مازن:عامله ايه
مريم:ملكش دعوه
مازن:كنت عارف انك هتقولي كده وانا الحمدلله تمام
مريم:بقولك انا دماغي وجعاني فكك مني
مازن:في واحده جايه من امريكا تقول فكك
مريم:اه انا ثم انك ملكش دعوه اصلاً
مازن:ماتيجي نتصالح وبلاش الدبش اللي انتي فيه ده
مريم:مين انت عشان اصلحك او اخصمك
مازن:نكون اصدقاء ايه رأيك
مريم:لا ومع السلامه بقا
مازن:بصي انا ابرد خلق الله يانتصاحب يامش هسيبك
مريم:اعلي ما في خيلك اركبه
مازن:كتت عارف انك موافقه انا بقا ياستي اسمي مازن ظابط شرطه
مريم:حيلك حيلك انا مالي ان كنت ظابط شرطه ولا لا
مازن:مش صحاب ولازم نعرف كل حاجه عن بعض
زفرت مريم بقوه ونهضت من علي المقعد وخرجت من النادي نظر له مازن باعجاب من المره الاوله التي راها وهو معجب بها
هكذا مرت الايام ومازن مكنش بيسيب مريم واعترف لنفسه انه حبها واعترفلها بعد فتره وهي في الفتره اللي كان مش بيسبها فيها حست بمشاعر اتجاه مازن اتقدملها مازن وهي وافقت واتجوازه
End flash back
******************
بعد اسبوع وصلت الطياره امريكا خرجت منها مازن ومريم ومعاهم بنتهم مريم مازن وصل مريم منزل اختها وهو راح الشغل اللي جاي علشانه
خبطت مريم علي باب منزل اختها فتح جاسر:خالتوا مريم
مريم:عامل ايه ياحبيبي
جاسر:الحمد لله بخير اتفضلي
دخلت مريم الشقه ورات يارا تخرج من المطبخ وتفاجات بوجود مريم وذهبت لها وبعد ترحيب كتير
جلست مريم و يارا مع بعض وجاسر ونيره اخته بيلعبوا مع بعض بعد فتره رن الجرس ذهبت يارا لتفتح وكانت صدمه كبيره جداً وهي شايفه انجي قدامها:انجي
انجي:ايه مش هتقوليلي اتفضلي
يارا:انتي ايه اللي جابك هنا
انجي:جايه اشوف جوزي
يارا:لا جان جوزي انا وكان جوزك يعني طليقك
انجي:مش هتفرق المهم هو فين
يارا:انتي عاوزه ايه تاني مننا
انجي:مش انا اللي عاوزه بنته اللي عاوزه
يارا:بنته بنت مين
انجي:بنتي انا وجان وسعيلي بقا خليني ادخل
زقت انجي يارا ودخلت المنزل وجلست في الصاله ومريم لم تسمع شيء من اللي حصل فاقت يارا من الصدمه ومسك موبيلها بسرعه ورنت علي جان ومقلتلهوش اي حاجه وطلبت منه يجي بسرعه
***********
كده خلصت ياجماعه ومفيش ايي حاجه عاوزه تتوضح اديكم عرفتوا ايه اللي حصل مع ادم زمان وايه اللي حصل وعرفتو مريم ومازن اتجوزو ازاي رغم اني مكنتش هحط ليهم حاجه بس عشان محدش يزعل وسوري علي تسريع الاحداث وبالنسبه للي حصل مع يارا وان انجي رجعت تاني كل حاجه هتوضح اكتر في الجزء التاني واسفه لو في حاجه معرفتش اوضحها💜✨
رايكم بقا💜
انا من اول الروايه مابدات مطلبتش شروت عشان انزل البارت الجديد زي اي حد بيعمل لاني بضايق من اللي بيعمل كده المهم عاوزه تفاعل علي البارت ده ولو التفاعل حلو هنزل اول بارت في الجزء التاني يوم السبت او الحد
الجزء التاتي هيكون اسمه (نوراً)
I love you all❤
