بهاي القصه حبيت اغير شويه واستخدم خواطر تجسد كل بارت ...
و اشتَهيت ألگاك صِدفة ومامش أحَد
مامِش احد چا گِلتلك
چا نثَرت بحضنك سنيني اعله كيف
وچا بچيت وغَمضيت وفَرفحتلك ..
تناقض بيّه ما يِنگال
ٲكِرهك و ٲلتفِت وٲشتاگ،
ٲشگن صورتَك و اندَم و ارد لطيفك ٲتعذّر .
وردت أگلك :
يَم صور وَجهك فحطنه
ونِمنا فوگ گزازهن نوم الهنا ♥️.
وياما بِچفوفك بچيت
وگتلك مِن الدنّيا
بّس أنتَ الصِدگ كُلّ قوتي رِدته
وچِنت واحِنا بعِز ضحِكنا
أدمع واگلك ،
مالي يَـا حبيب بَعد بّس الله وأنتَ ♥️.
وانتِ كُلهن ذنيچ الحچايات الأحبهن .!
ذَنبي و ما عِرفت أنسى
وگِمت كُلما يلومونك
اگِلهم والله ما قَصر
شبيدَك خاطِر تسوي
حابِسني بسجِن مَفتوح
انا الما اگدَر اتحَرر !
علِّمني
مِنو اليستاهِل أحچيله
مِنو اليندَلك بروحي
خاطِر مِن يزيد الشوگ و اتأذه
يشلَع كُل تَفاصيلك.
عَلمني اذا مَر ليلي مِن دونك
شَسوي وماتِجي ابالي
شَسوي و ماتِفيض عيوني و أبچيلَك ؟
وَ مـنو يَلمنِي
گبل لآ أضِيع يَم وَجهكْ
اعـآيّن عَلىٰ وَجوه آلناس
مَحّد بيهم يشبهكَ 🤍!
حتىٰ لو بـ أطراف أصابيعَك تكضني
وأنچفي
الـ ينچفي يكُلوله فدوا !
الـ فدوا من حلگك
يَـ بعد حلوگ أهلنا هواي تسوا .
يَ المبتِعد عنّي ابتعد مِني
شثگلهِن ذكريآتك تَعبني !
اسم الله لو جاسَك مَرض
ماتشفي گلبي لو گِلت بيه ولابيك
مِد أيدك التسوه وطَن
دَورني بين اليوجعَن
أني المَكان الما يأذيك ♥️.
الوطَن
مِن حُضنك ويبدي ♥️.
تنبيه القصه حزينه ... هاي يمكن اول قصه نهايتهه حزينه ترددت اخذهه وانطي وعد بكتابتهه بس حبيت تفاصيلهه وماردت تروح مني ف ضيفوهه بالمكتبه وربنا يسهل شوكت ابلش بيهه ولو اني راغبتلهه وهاويتهه بحيث گلت اتجاوز ال سرة القصص وأبلش بيهه ...
عبورة حبيبتي شكرا ع التصميم ممنونه قلبي ...
محتاجه ناقله مؤقتا لان ناقلتي عدهه امتحانات الي متفرغه وتگدر تراسلني بلاامر عليكم بنات 😊😊😘😘😘 حبكم ...
