لعنة كاميليا -Camellia's curse

الفصل الثالث 🖤

فجأة لقتني بصرخ وبصحي من النوم وحاطة ايدي علي رقبتي وباخد نفسي بالعافية واصرخ واقول : لا اصحاااابي لا مش عاوزة اموت ابعدوااا عني لاااا
لقيت اصوات كتير وناس بتتكلم بدأت اهدي واركز حواليا لقتني في الخيمة بتاعتنا واصحابي حوليا ويعتبر الي في الرحلة كلها حواليا وعلي وشهم استغراب الي هو يعني هي مالها ديه لقيت مريم قربت : قالتلي اهدي يا كاميليا ده كابوس فرجتي علينا الناس كلها اهدي يا حبيبتي وبدأت تكلم الي واقفين وتقولهم انه كابوس وهي كويسة مافيش حاجة والقائد كان موجود برده لقيته بيكلمها وبيقولها انها اول ما تبقي كويسة نجهز علشان نبدأ اليوم وانا كل ده مش مستوعبة حاجة وساكتة كأن حد ضربني علي دماغي لقيت كل الي كانوا واقفين مشيوا ولقيت أصحابي هما الي فضلوا اول ما ركزت انهم لسة عايشين مماتوش قومت بسرعة وحضنت مريم ورؤية وقولت : الحمدلله الحمدلله ماممتوش ياربي بجد شكرا شكرا وبصيت كمان لكريم وجاسم وحسام كلهم بيبصولي بأستغراب ولقيت حسام اتكلم : موتنا أي يا كاميليا انتي مالك من امبارح مش مظبوطة خالص انتي كويسة ؟
بدأت ارجع للواقع شوية بشوية وقولتله : مالي هو ايه حصل ؟
رد عليا : من اول ما دخلنا البيت بتاع امبارح وانتي ساكتة ومش بتتكلمي كلمة واحدة ونسألك مترديش نكلمك مترديش وفي مرة كمان هزرت معاكي بصيتلي بصة مرعبة اوي يابنتي عمري ما انساها وسبتينا وخرجتي ولما مشينا وراكي لقينا انك عمالة تعملي حركات غريبة وتبصي السماء وتقولي كلام غريب والله حسيته عبري بس عارف انك متعرفيش عبري فقولت اكيد لا وبعدين رجعتي الخيم ودخلتي ونمتي حتي منغير ما تقلعي الشوز بتاعك. بصيت وهو بيتكلم عليا لقتني فعلا بالبس الي مفروض كنت لابساه بس انا مش فاهمة حاجة ياربي يعني ايه ناسية الي حصل وكله بيأكد بنظراتهم ان ده الي حصل ويعني ايه الي عيشته واني تاني مرة يعتبر اموت لكن الاقي نفسي صاحية وكأن مافيش حاجة لا وكمان طول ما حسام بيتكلم حاسة بوجع في رقبتي وخنقة وضيق تنفس مع كمان وجع في بطني لسة موجود كل ده بفكر وهما مستنين ردي بصيتلهم لقيتهم كلهم بصينلي اكلمت وقولت : انا مش فاكرة حاجة من الي بتقولوه بجد انا مش عارفة ايه بيحصل من اول ما دخلت الوادي والكهف الغريب ده وانا كل يوم بموت ولا وكمان انتوا اتقتلتوا معايا وبعد كدة اصحي كأن مافيش حاجة بس الوجع مكان القتل بيوجعني وكأنه بينزف بس شايفين مافيش حاجة انا مش فاهمة في ايه ولا اعمل ايه. وفضلت اعيط وبعد الي قولته تخيلت انهم يستغربوا او يسألوا لكن الغريب ان لقيتهم كلهم بيضحكوا بصيتلهم بأستغراب واستنكار وقولتلهم : انتوا بتضحكوا ؟!!
لقيت كريم بعد ما بطل ضحك بصعوبة قال : انتي مش سامعة الي بتقوليه يا كاميليا ههههه بجد مش قادر في حد عاقل يقول الي انتي بتقوليه ده ؟؟
قولتله : والله الي قولت عليه حصل بجد
قالي : طيب لو فعلا اتقتلتي واحنا كلنا متنا زي ما بتقولي فاحنا دلوقتي اشباح كلنا وبقينا فيلم the others بقي ههههه بجد يا كاميليا انتي مسخرة .
سكت وانا عارفة ان خلاص محدش هيصدقني بس بجد لو فعلا ده حصل ازاي مش منطقي خالص ولا ممكن انه يحصل بس انا متأكدة انهم مكنوش كوابيس متأكدة قاطع حوارنا وتفكيرنا القائد وهو بينادي علي الكل فكلهم راحوا لخيمتهم وجهزنا وخرجنا للقائد ومكلمتش مع حد تاني وكنت ساكتة وبدأنا اليوم
- الثلاثاء
بدأنا تسلق مجموعة جبال في طريقنا وكان طول اليوم هيبقي تسلق جبال وهنخيم في الاخر علي جبل من الجبال بدأت انسي شوية الي حصلي بس مقدرتش خالص انسي الوجع الي في رقبتي وبطني مستمر لسة بس مع الوقت كان بيقل شوية واندمجت معاهم والليل بدأ واحنا لسة بنتسلق في الجبال وبعد كدة خيمنا على سطح جبل من الجبال بس هو كان كبير وعرضه كبير وكله بدأ ينشغل الي كان عمال ياكل والي قعدوا يلعبوا والي يغني وكلهم مسمتعين ومش حاسين بحاجة مش حاسين بالغبطة ولا التعب ولا الوجع الي انا فيه دخلت الخيمة بتاعتي علشان اتخنقت وعاوزة اقعد لوحدي وفضلت افكر طب ايه سبب الي حصل ده طب وايه الكائن المرعب ده وعاوز مني ايه وليه انا الي بس بشوفه بعد كدة افتكرت ان اول مرة شوفت الكائن ده كان في الكهف يبقي هو الكهف لازم اروح اشوف فيه اي حاجة تعرفني ايه ده وانا بفكر لقيت رؤية دخلت ولقيتها جات وقعدت قدامي وساكتة بصتلها بأستغراب وقولتلها : رؤية مالك في ايه عاوزاني في حاجة ؟
ساكتة وبصالي اكلمت تاني وقولتلها :رؤية في اي...
مكملتش الجملة لأنها بدأت تعمل صوت غريب صوت كأنه كلب وبيزوم وفتحت بوقها قولت هتتكلم لقيت بينزل من بوقها سائل اسود وبينزل بكمية كبيرة وبدأت تعيط بس دموعها بتتحول لنفس السائل الاسود وبتعمل نفس الصوت رجعت لورا بسرعة وانا بقول في سري اعوذب بالله من همزات الشيطان واعوذب بك ربي ان يحضرون وكل ده وهي بتبصلي ونفس السائل الاسود ده بينزل منها خرجت من الخيمة بسرعة انادي علي مريم ملقتش حد مافيش حد خالص روحت لخيمة اصحابنا ملقتهمش جريت لخيمة القائد اسأله هما فين بس برده ملقتهوش مش فاهمة راحوا فين وسابوني لوحدي وقفت مكاني وعمالة ادور علي اي حد لكن صمت تام بصيت ناحية الخيمة بتاعتي لقيت رؤية بتطلع وعلي نفس شكلها بس وشها اسود كله بسبب السائل الي بينزل ده بدأت أرجع لورا وهي بتتقدم بنفس الصوت ولقيت من كل خيمة حد بيخرج وهو علي نفس شكلها ولقيت مريم وجاسم وحسام وكريم وكلهم نفس الشكل عنيهم بتنزل سائل اسود بوقهم بينزل نفس السائل ونفس الاصوات بتطلع منهم وكلهم جاين حوليا وانا عمالة اجري وكل شوية اتكعبل واقع وابص ورايا الاقيهم بيقربوا اكتر مع انهم بيمشوا ببطء طب ازاي وانا بجري دخلت وادي معلومة ( مافيش وديان كبيرة في منطقة جبال البحر الاحمر بس انا الي بقصده في القصة ممر بسيط بين الجبال ممكن اي حد يقدر يدخله ) لقيته قدامي وفضلت اجري فيه وابص ورايا بس الحمدلله ملقتهمش وقفت ورا صخرا كبيرة اخد نفسي وبصيت اشوف في حد جه ولا لا ملقتش فحمدت ربنا وقولت هربت منهم اخيرا بس وانا واقفة بدأت اسمع صوت كلب بس ده كان جاي من فوقي ؟!! بصيت بسرعة لقيت كلب فعلا بس كان اسود وكبير اوي رجعت لبرا بسرعة وهو نزل من علي الصخرة ووقف وبصلي بهدوء وكأنه مستنيني اتحرك علشان يهجم وبدأت كمان اسمع صوت حركة ناس جاية وشفتهم جاين من بعيد جريت ومهمنيش الكلب وانا سمعه نباحه ورايا جريت بعزم مافيا ولقيت ايادي كتير بتخرج من الأرض وبتحاول تمسكني وبحاول اهرب منهم ده غير ان بطبيعة ان احنا علي سطح جبل فكان عامل زي منحدر وبسهولة ممكن اقع بس حصل فعلا وفي مرة اتكعبلت جامد ووقعت علي رجلي قعدت اعيط واحاول اقوم وازحف ازحف لبعيد لكن وانا بزحف لقيت ايد مسكت رجلي لا مش ايد ايادي كتير وبدأت تجرجر فيا في الارض بسرعة وانا اصرخ واقولهم ابعدوااا عنيييي انتوا مين عاوزين مني اييه
لكن كل مرة والحركة بتبقي اعنف و واسرع وسامعة صوت كلاب وحاسة بعضهم في جسمي وانا بصرخ وبحاول امسك في اي حاجة لغاية ما وقف كل حاجة واترميت علي صخرة ممدة من الجبل بصيت حوليا بسرعة ملقتش حد لقيتني لوحدي حاولت اقف بصعوبة وادور عليهم اشوف راحوا فين ملقتش حاجة ومافيش حد حوليا بصيت لتحت لقيت ان الارتفاع عالي اوي وفي صخور كتير تحت لفيت علشان احاول اتسلق او اخرج اشوف هخرج ازاي من هنا لقيت رؤية قدامي بوشها الاسود ومش عارفة وصلت ازاي ورايا وبمنتهي العنف رمتني من فوق مصرختش حتي ومكنتش حاسة غير بالهواء من حوليا وانا خلاص مافيش غير ثواني فارقة بيني وبين الموت وبعدين صمت تااام ...فتحت عيني لقيت نفسي فجأة في مكان غريب حاجة زي سرداب تحت الارض وفي شعل نار علي كل جانب من جوانب السراب ولقتني ماسكة في ايدي انا كمان شعلة نار طبعا مكنتش فاهمة انا فين وليه وازاي انا لسة عايشة ؟! طب ده حلم ؟؟ مش عارفة اتحركت ومشيت علشان اشوف اخرة السرداب ده ايه فضلت ماشية بس وانا ماشية سامعة صوت همس وناس بتتكلم بس مش قادرة افهم حاجة وصوت خبط من كل مكان بس فضلت ماشية لغاية ماوصلت لباب كان باب خشب كبير ومنقوش عليه رسومات كتيرة وباب تحسه باب عتيق وتاريخي قولت اكيد مش هعرف افتحه هيبقي كبير جربت لقيته فتح فعلا ووبطء كملت فتحه لغاية ماتفتح كله دخلت واول ما دخلت كل النور او الشعل الي ورايا اتطفت وشعلتين جوا الاوضة الي قدامي ولعوا دخلت براحة لقيت في نص الاوضة علي الارض نجمة خماسية وفي شمعة علي كل ضلع من ضلوعها وعلي الجدران نفس الحكاية ونقوش غريبة وكان في جملة خدت بالي منها مكتوبة في النجمة وكمان كانت موجودة علي الباب كانت بلغة العبري بس لوهلة حسيت ان الحروف بتتغير وبتقلب عربي واتكونت جملة
"كن واعي ولا تحرر اللعنة ستظل سجين موتك حتي يحين الموعد "
وكل النور الي موجود اتطفي حتي الشعلة الي معايا وبدأت احس برجلين بتتحرك حواليا ووسمعت فحيح تعبان واصوات همس من كل حتة حواليا !! مستنتش حاولت اجري وانا مش شايفة اساسا وعمالة اخبط في كل حتة وانا بحاول اخرج فضلت اجري وحسيت ان المسافة زادت انا ممشت ده كله وانا جاية لغاية ما خبطت في باب قدامي حاولت افتحه بسرعة وانا سامعة الاصوات والخطوات بتقرب ولقيت في نور من ورايا فبصيت اشوف ايه الي بيقرب ده وانا في نفس الوقت بفتح الباب وفتحته وخرجت وانا باصة ورايا بس فجأة لقيتني في الهوا وبقع من منحدر عالي وعضامي عمالة تتكسر ووجع تالت وبموت تالت واترميت في الاخر علي الارض وسمعت صوت باقي عضمي الي اتكسر ولما بصيت فوق بأخر لحظات واعي واخر انفاسي لقيته واقف فوق وبيبصلي وابتسامة علي وشه وغمضت عيني واستسلمت ومحستش بأي حاجة حواليا ...