جحيم الفردوس (مكتمله)

البارت السابع عشر

فردوس : مرت الايام بهدووء بس شلعان كلبب عمر وميض هسه شهر وطفل ويرادله عنايه هووواي وامه ماهتمه بس اكل ونوم ولبس ومكياج عبالك عروس كاعدين اني ونور بالصاله نتفرج على التلفزيون ودخل اشرف لا اراديا حلكي نعوج وضجت شفته باوعلي وحجه ويا نور
اشرف : نور اكويلي ملابسي وغسليهن وكعديني باجر من ال5
نور : شكو من الخمسه مطيرجي شعندك
اشرف : رايح اقدم على الكليه
نور : أهااا بعدها براسك مال تدرس بالخارج
اشرف ؛ اي احسن الي
نور : ووين راح تقدم على ياكليه وبيا دوله وبابا شكال
اشرف : ماكال شي كال براحتك ، بولندا بجامعة لازارسكي برمجيات
نور : الله يسهلك ان شاء الله
اشرف : رحت اقدم بدائره البعثات راجعت اكثر من مره والواسطات والمعارف وهووسه كلشش الا ان تمت الموافقه وتسهيل من الله تقريبا 15 يوم هيج يلافضت اموري واليووم راح اسافر اول سنه تكون كورس لغه و3 سنوات دراسه ، 4 سنين بعيد عن رويحتي
فردوس : اليوم اشرف راح يسافر ساعه 9 تطلع طيارته ب7 واكفين ديودعو سلم على ابو ونوره وبيبي واكو شي بداخلي يكلي امنعي لاتخليي يروح بس ماكدر احجي اكوو شي ديمنعني بس حسسيت بغصه نزلت دموعي ومسحتها اجه يسلم عليه وابتسم وحجه بصوت ناصي علمود محد يسمعه
اشرف : لعد ليش جنتي شالعه كلبي وهسه تبجين عليه لاتشوغين روحي عليج هسه وتخليني ابطل
فردوس : رجعت نزلت دموعي ونصيت راسي ، مووبيدي اشرف اريدك وماريدك ابتسم وجر نفس وزفره مسح على راسي وراح واخذذ روحي وياا دخلنا للبيت وراح ويا خالو وبيبي يوصله للمطار رحت كعدت بالمطبخ وصافنه مدري شفكر حتى عقل ماضل براسي شبيه ماادري
اشرف : مووتتني من دمعت بس شبيدي عليهاا والله لو كايلتلي جان ضليت علمودها بسس لوو سااامع منها حجايه تبررد ناري صعدت الطياره والطريق كله صورتها مرسومه كبالي
فردوس : ورا شويه نفسي لعبت ودوخه قووويه حتى مريم انتبهت عليه بعدين حسيت معدتي انكلبت وعيوني ذبلت وتقيئت شي مثل الددم
نور :عزززا هههااااااي شنووو مررريم لحكييي فردوس
مريم : شكو شبيها ، عززا اووي ههاي شبيها
نور : شيليها ووييايي شيليها للمغسله شلناها للمغسله وهيه منتهيه عبالك ميته لو تتنفس وعيونها مفتحتها شويه جان كلنا ماتت غسلت وجهه وكعدتها شربتها مي وشويه صحت مريم صعدت وعافتنا ورا ماكعدت فردوس مسحت الدم او ماعرف شنو لوونه جوزي غرريب كمت وديتها للغرفه مددت وحسبه تجيبني وحسبه توديني شبيها هاي البنيه ؟
من اجتي بيبي كلتلها وصفنت شويه وجاوبتني
ام وسام : صيحيلي ابوج
نور : صحتلها بابا ونزلت ويا
ام وسام : وسام مريم شمسويه لفردوس
وسام : شمسويتلها يمه يعني ؟
ام وسام : حرمتك ساحرتهه
وسام : ههااي شنو النوب منين طلعتو هالسالفه
ام وسام : شني يعني ماتججوز من هالبت مو كافي من وراهه امها حطت راسها وماتت اختتتك نااامت بالگبور من وراهها وهسه تريد تاخذ البقالي من بنيتي اسمعع يوووساام لاتشوفني ساكته على عماايل مريتك تراني لأن مالي حيل بس توصل السالفه لرريحه الغاليه احرگك انته وياااها سمعتت
وسام : يمه شنوو السالفه شنو ساحرتها ، مرررريم مررريم تتعاااالي
مريم : هااه هااه شكو
وسام : شهالحجي هاذ شنو ساحره فردوس شمسويتلها
نور : شفتها صاارت بيضه ووجهه كام ينطي الوان راسا شهكت وخلت ايدها على صدرها
مريم : ياااخاله حررام شنو السالفه هيه غير بنت اخويه منين جبتي هالحجي
ام وسام : شني يعني اني چذابه لوو شنوو ؟
وسام : لايمه ماكالت هيج لاتفهمينها غلط
نور : ارتاحت من شافت ابويه وكاف وياها جرت القران تريد تحلف ووتبجي كطعت نفسها وابويه سحبنه منها واخذها وصعدو بيبي هزت ايدها وضلت تعيط ورا
وسام : هاااايييمه شفتتتيي بعيينج
ام وسام : غسسسسلت ايددي منكك يووووسااام غسلت اييدي منك

،،،،،،،،
اشرف : وصلت وشعوور غرريب حتى الجوو يختلف روحي هنا بس كلبي ويااها ويا جنتي شيصبررني على فراكهاا حسسيت جيتي لهنا غلط جاان لازم ابقى يم اهلي وناااسي فركت وجهي بتوتر ومشيت جنت حاجر بالفندق اول ماوصلت شمرت روحي عالجرباايه ونمتت نووومه عمميقه من التعب كعدت الصبح جريت تلفوني ردت اخابر عليهم بس جان الوقت ساعه 5 الفجر يمي ضليت اكلب بالفون لل7 الصبح الووقت ميمشي ارريد اخابرها روحي تلووب عليها كمت بدلت ونزلت اتريكت جوه شعور غريب من تبتعد عن بلدك واهلك وناسك تحس بالغربه من اوول يوم خلصت وطلعت برا الجو يجنن ضليت اتمشى صارت بالعشره خابرت على نور
نور : الوو هلاو حبيبي شخبارك
اشرف : هلو عيني شلونكم الحمدالله زين
نور : شلوونها بوولندا
اشرف ؛ مكانكم خالي حبيبي ، يولي فردوس شلوونها كامت تبجي لبارحه كسرت خاطري
نور : هههه اكووول ليش مخابرني له له اثاري مو علمودي
اشرف : نجبي علمودج هم وسولفتلي نور الصار وراسي افتر ، وهسه شنو شعرفتو صدك مسويه سحر الها ؟ زين سحريش ؟
نور : والله ابوك دافعلها وماخلاها تحجي ايييشي بس بيبي كالت ماطول تقيئت مثل الدم معناها بطل السحر