Kinuha ang papel, bolpen o lapis
Nag-umpisang sumulat gamit ang wikang banyaga
Ako ma'y isang Pinoy na tubong Pilipinas
Di mapagkakailang mas matatas ang dila sa wikang banyaga.
Madalas mang purihin dahil sa tatas ng dila
Sa pagsasalita gamit ang wikang banyaga
Kailan ma'y di ito naging kanais-nais sa aking pandinig
Bagkus ito'y isang napakasakit na insulto.
Tinanong ako ng isang dakilang makata
Kung paano ko daw ginamit ang tinta
P'wes ginamit ko ang papel at pluma
Sa isang pagtataksil.
Isang pagtataksil sa lupang sinilangan
Isang pagtataksil sa sariling bayan
Pagtataksil sa wikang Filipino
At sa lahat ng makatang Pilipino.
Oo nga't napakagaling sa wikang Ingles
Ngunit magaling din ba sa wikang sariling atin?
Isa lamang akong kahihiyan sa bansang Pilipinas
Wala nang ihihigit o ikukulang pa.
Ngunit gaano pa man ako magsisi
Ay tapos na ang lahat ng nangyari
Di na muling maibabalik pa
Ang oras upang itama ang mali.
Kaya naman isinulat ko ang tulang ito
Upang humingi ng inyong tawad
Ngunit hindi rin ibig sabihin nito
Ay titigil na ako sa pagsusulat sa wikang banyaga.
Ako ma'y hiyang-hiya
Bagkus di ko man sinasadya
Ay sadyang di lamang talaga
Ako isang makata.
BINABASA MO ANG
Mga Tula ng Isang Taksil
PoetryIto'y isang mu-munting koleksyon ng aking mga Tagalog na tula. Hindi man kasing galing, sing lalim o sing ganda tulad ng mga obra ng mga iniidolo kong makata dito sa Wattpad ay nawa inyong magustuhan.
