الحلقه الثانيه عشق الآسر
الجزء الثانى (لعنه قسوته)😍
كانت متمدده على الفراش ....تتذكر أيامهما معا...حقاا هى ليست بفتره طويله ولكنها عشقته .....لما القدر دائما يقف بطريق سعادتها ...؟
تشعر دائما انها ليست مثل البشر ....فحياتها دائما شاقه حتى قبل مقابلتها لآسر قلبها ......
وجدت من يدلف للداخل ...لم تحتاج الى ان تلتفت لترى من ؟....
فهى تعلم ......
عشق بحده وهى تعتدل بجلستها : ايه الى جابك ؟
هشام : جاى اشوف دماغك الناشفه دى هتوصلنا لحد فين ....
رمقته بحقد .....
هشام بحده : بوصى بقا انا مش فاضى للدلع ده انتى هتوافقى بمزاجك او غصب عنك ....انا بس الى سايبك
عشق : انت عايز ايه ...؟..اكسر آسر صح
هشام بخبث: بدأتى تفهمينى
عشق بغضب: انسى ...انسى ان هيجى يوم واحط ايدى ف ايدك ....انا لو عايزه اعمل كده كنت وافقت من زمان
هشام بضيق : عشان غبيه لو كنتى وافقتى تبقى معايا كان زمانك حاجه تانيه دلوقتى
عشق بصراخ : مش عايزه حاجه منك هو انت مبتفهمش قولت مش هشتغل معاك حتى لو سيبتنى هنا اموت
هشام وقد نفذ صبره وجذبها من ذراعها بقوه : بوصى بقا ...مش معنى انى هددتك مره انى هقتل حبيب القلب ....انى مش هقدر اعملها انفذ ....اتعدلى كده وفكرى كويس ....
ولو فاكره ان آسر هيقدر يجيلك وينقذك تبقى غلطانه ....
ثم اكمل بضحكه مستفزه : انتى بقيتى ف نظره خاينه دلوقتى ...ولو شافك هيقتلك
ارتعدت هى من كلماته التى اسقطها على مسامعها ....
وكأنه ترك قنبلته ... يترفب انفجارها وها هو بدأ العد التنازلى من الان ......تركها ورحل للخارج......
______________________________
بقصر السيوفى......
بغرفه صافى...
صافى وهى تتحدث بالهاتف : ايوه ي هشام ....عملت ايه؟
هشام :..........
صافى بغضب : يعنى ايه منشفه دماغها
هشام: ............
صافى : اتصرف ي هشام البت دى مش لازم ترجع تانى ....
هشام : .............
صافى بغضب : تكسرلها دماغها..تقتلها مش مشكلتى انا الى عليا عملته .....
هشام : .............
صافى: تمام ...اقابلها فين ؟
هشام: ..........
صافى بغضب : انت عايز تودينى ف داهيه شركه ايه ؟
هشام : ..............
صافى بغضب : هشام ....مش هينفع اظهر ف شركتك خالص
هشام .........
صافى بتوتر: تمام....هشوف كده ....
اغلقت الهاتف وهى تهتف بضيق مناديه على الخادمه ......
دلفت الى الدخل مسرعه .....
صافى: آسر بيه راح الشركه ولا لا ؟
الخادمه : ايوه ي هانم مشى من بدرى
صافى بتوجس : وتالين ؟
الخادمه: ايوه ي هانم نزلت
اومأت بإيجاب .......
صافى لنفسها: دى فرصه بقا ..الحق اروح بسرعه
نهضت متجهه لخزانه الملابس .......
بالنهايه استقرت على تنوره من اللون الاسود وحله من اللون الاحمر وتركت شعرها القصير منسدل على كتفيها .....
وتوجهت للخارج تحت انظاره الذى سارع بمهاتفه آسر .......
_______________________________
كانت تجلس بضيق ...فمنذ ان تركت عشق القصر وتركت شقيقها لسبب غير معلوم ...وهى شعرت بالوحده مجددا ....تغير شقيقها للاسوء ....باتت حياتها وحيده مثلما كانت .....جاسر لا تتحدث معه ...فهذا ليس بالوقت المناسب للاعتراف بحبهم وان تبوح بمشاعرها تجاهه على الرغم من علمها بحبه لها ........
وما زاد الامر سوء ....اختفاء ملك هى الاخرى .....فدائما آسر يأخدها بذنب شقيقتها ....بنظراته الحارقه لكنه لم يطردها ....او يطلب مغادرتها القصر .......
جاءت صديقتها ....
منه: مالك ي تالين فى ايه ؟
تالين بضيق : مفيش ي منه
سحبت كرسيها وجلست مقابلها ....
منه: لا فى حاجه مضيقاكى احكيلى
تالين بضيق أكبر: مفيش ي منه عايزه تقعدى اسكتى
نهضت منه وجاءت لترحل .....
تالين بأسف : منه معلش انا اسفه انا بس مضايقه متزعلش
جلست مره اخرى .....
منه : انا مش زعلانه.....بس عايزه اعرف مالك ....
حكت لها تالين ما حدث .....
منه بحيره : طب ما يمكن فى سبب خلاها تمشى كده من غير ما تودعكو
تالين بضيق : تودعنا ايه هى مسافره ....بقولك هربت من غير ما حد يعرف .....والجواب الى سابته محدش شافه غير آسر وحتى مش عايز يقول فيه ايه
منه : طب جربتى تتصلى بيها او تروحيلها بيتها القديم
تالين : تفتكرى يعنى ما عملتش كده اكيد اتصلت عليها موبايلها مقفول ....
وبيتها القديم اكيد يعنى آسر دور فيه......
منه: طب تعالى معايا نروح نسأل يمكن حد من جيرانها شافها او هى عند حد منهم هتروح فين يعنى اكيد اخوكى ما خبطش على بيت بيت يدور فيها ......
نظرت لها تالين كأنها تفكر تذهب اما لا .....
جذبتها منه من يدها بسرعه ...ثم اردفت : يلا انتى لسه هتفكرى ...ومحاضرتنا خلصت كده هنقعد نعمل ايه ؟
........
YOU ARE READING
(لعنه قسوته) الجزء الثانى من عشق الآسر
Romanceاقتباس....عشق الآسر😍 =قاطعته بصراخ وانهيار :انت ايه ! حراام عليك بقاا .انا زهقت دى مش عيشه انت مش شارينى بفلوسك ولا انا خدامه عندك عشان تعاملنى كده . فأكملت ببكاء يقطع له نياط القلب :قولتلك مليون مره انا مظلومه انت الى مغمض عينك عن الحقيقه ومش عاي...
