#وفيت وماتوقعت الخيانه
الكاتبه : فاديه فهمي
...................................
جيت كعدت يم بيبي
رنا : ها بيبي شكوو
بيبي : اسمعي رنا انتي كبرتي بعد ولازم تزوجين وتشوفين حياتج وابن اخويه رايدج ومتلكين احسن منه
رنا: لا بيبي يا زواج صدك جذب مااريد فدوه اريد اكمل دراستي وابقى يمكم ميخالف اخدمكم ومااقصر بشي وكلشي تريدون اسويلكم بس ماااازوج
بيبي: اني ماحجيتلج الموضوع حتى اخذ رأيج لأن احنا وافقنا .
رنا: شنوووو واشوووكت واشلوون واني شنوو ماعندي رأي بالموضوع (بصياح)
بيبي: انجبي لترفعين صوتج احسن ماعمامج يسمعوج ويكتلوج وسالفة الدراسة طلعي من بالج بعد ماكو مدرسه .
رنا: بس بيبي ...
بيبي: ماكو بس يله روحي عمج كال كوليلها ترتب غرفتي
عفتها رحت غرفتي ضليت حايره ودموعي تصب شراح اسوي اشلون ياخذون هيج قرار مهم بدون مياخذون رأيي هاي حياتي اني واني اعيشها .. بس ها نسيت اني ما عندي حياة وما فد يوم اني اتحكمت بحياتي ولا عشت مثل مااتمنى بس المكتوب عالجبين لازم نشوفه بالعين مسحت دموعي رحت على غرفة عمي رتبته وفكرت بس يرجع من الشغل افتح الموضوع وياه صح ماعندي ميانه وياه واخاف منه اصلآ اخاف منهم كلهم وبس على كد السؤال اجاوب وطبعي ساكته وكتومه مااحب احد يشوفني ضعيفه ابجي بغرفتي واشكي حالي لربي وامسح دموعي واطلع قويه ..
كملت كلشي انتظرت للمغرب يله رجع عمي فتحتله الباب اخذت منه المسواك فتت للمطبخ جهزت العشا واني بالي كله اشلون راح افتح الموضوع من جهة خوفي منه ومن جهة لازم احجي هالمرة ومااسكت ..
العشا صار جاهز صحتهم الكل كعدو
رنا : عمو حسام
حسام : نعمممم
رنا : ممم مااعرف شنو اكولك عمو بس اني مااريد ازوج اريد اكمل دراستي
بسرعه شمرت الجمله من حلكي وسكتت .. جان منزل راسه وياكل شال راسه اشويه باوعلي بطرف عينه
حسام : لازم طالع لسانج يالفكر لوما خاطر امي يوم واحد مااخليج تبقين بالبيت ازقنبي ولتفتحين حلكج درستي بما فيه الكفايه .
جنت متوقعه هذا الجواب لو ساكته احسنلي لان كلامي لا يقدم ولا يأخر مجرد بس اجيب رزايل على نفسي .. ماكدرت اكل شي حسيت كلش اختنكت وحبست دمعتي مو طبعي ابجي كدامهم ..
عمي الثاني عبدالله اشويه احسن من حسام وحنين نوعآ ما بعد ما كملو الأكل لميت السفره رتبت المطبخ فتت غرفتي اندك الباب فات عليه عمو عبدالله وكعد يمي
عبدالله : رنا سمعيني زين وافهمي طول ما بقيتي اهنا راح تتعبين اكثر احنا اللي نعرفه متعرفيه انتي . الكل بهالبيت ميريدوج انتي كبرتي روحي شوفي حياتج والجماعه اللي يريدوج كرايب واحسن من الغريب والولد طالب كلية العسكريه واكبر منج 4 سنوات يعني مناسب الج فلا تفكرين هوايه هذا نصيبج ..
ضليت ساكته كلشي مااحجي لان واظح الموضوع محسوم ومنتهي وفعلآ كلشي صار بسرعه بدون ماافتهم شي سوولنا خطوبه بسيطه بين عائلتين بس ماحسيت بفترة الخطوبه مثل اي مخطوبين مرات اكول احجي وياه واتعرف عليه من قريب واعرف اسلوبه وطبعه بس دائما يتجنب يلتقي بيه يوم بحجة عنده دراسه يوم مشغول يوم مريض ومرت فترة الخطوبه هيج وصار العرس بتجهيزات بسيطه كلش ولا كأنما ابنيه اللي دتزوج عبالك ارمله او فد وحدة بعمر 60 سنه .. كلشي مر بسرعه مثل الطيف وانتهى جابوني للبيت اول يوم بليلة الدخله الابنيه تسمع غزل وكلمات حلوه وكذا بس اللي كاله مهند (زوجي) اول جملة .
