بداية جديد

جدول - يوم عرفه..💪 يوم تغييييير مجري حياتك خلينا نتفق علي كام نقطه كده ننفذ

جدول - يوم عرفه..💪 

يوم تغييييير مجري حياتك
خلينا نتفق علي كام نقطه كده ننفذ منهم اللي نقدر عليه

وياريت نعملهم كلهم ده هو يوم مش كتير

يومنا هيبدأ من يوم الاربع بليل.
يعني ليله الخميس

1) هنام الليله دي بدري شويه يعني بعد صلاه العشاء كده ساعتين كده لتتقوي لطاعه الله ❤

2) نقوم من النوم بقي كفايه كده 😂
اتسحر بقي ;-)

3) تصلي القيام بقي لو بتصلي ركعتين بس خليهم 4 😉 قولنا يوم مايتعوضش 😂 ادعي بقي وانت سااااجد دعوات للدنيا والاخرة 😍 وعيط عيط اوووي اشتكي احكي واحمده ان بلغك يوم تنزل الرحمات والمغفرة ❤

4) تعالي قبل الفجر ب ساعه كده واقعد لوحدك واستغفر واتخيل ذنوبك قدامك وعيط انك عملتها واستغفر بجد من قلبك
ف تكتب من المستغفرين بالاسحار

5) اتوضا واقعد استني الفجر واول ماتسمع الاذان ادعي وردد مع الاذان ولما يخلص ادعي تاني

6) صلي الفجر واقعد بقي استني الشروق :-)
اقرا قران وقول اذكار الصباح وهلل وكبر و احمد ربنا واستغفر تاني

7) صلي الشروق عشان تكتب لك حج وعمره مع رسول الله اوعي تضيعها ..حد طايل ;-)

8) بعد كده انت حر ياتنام ياتفضل صاحي اليوم كامل ومتضيعش ثانيه من ذكر وقران ودعاء وكن علي يقين بالاجابه ... يعني تبقي عارف ان يوم عرفه الجاي هتحمد ربنا علي ان كل الدعوات دي استجابت ❤
حبيبك قال ... ( خير الدعاء دعاء يوم عرفة، وخير ما قلت أنا والنبيون من قبلي لا إله إلا الله وحده لا شريك له له الملك وله الحمد وهو على كل شيء قدير ) <3

او تنام كام ساعه تنوي بها التقوي علي الطاعه باقي اليوم
.

9) ف تنام وتقوم تصلي 4 ركعات علي الاقل ضحي
وبعدهم تنوع بين الطاعات
من صلاه علي النبي التسبيح وهكذا... اه وكتر بقي من لا اله الا الله وحده لاشريك له له الملك وله الحمد وهو علي كل شي قدير ..

10) يجي معاد الضهر صلي الضهر واقعد اقرا قران.

11) اسمع خطبه عرفات وادع تبقي معاهم السنه الجايه

12) صل العصر وكبر وقول اذكار المساء
وممكن بقي هنا تساعدي في شغل البيت وتفضلي تكبري وتهليلي وتدعي ;-)

13)  (قبل المغرب بساعه) اقعد بقي عشان ده اهم وقت ;-) ابدا بقي الدعاء بخشوع دعاء غير اي دعاء بقي ده تحديد مصير .. وادعي لكل اللي تعرفهم واللي متعرفهمش

نقول تاني كلام حبيبك ( خير الدعاء دعاء يوم عرفة، وخير ما قلت أنا والنبيون من قبلي لا إله إلا الله وحده لا شريك له له الملك وله الحمد وهو على كل شيء قدير ) <3

14) ادع متغبش شمس عرفه الل وانت من عتقائه. واسال ربك القبول ;-)

15) المغرب بقي افطر و اوعي تنسي للصائم دعوه لاترد  ;-)
..
16) السؤال المهم بقي ;-)
لو عندي ظروف تمنعني من الصيام والصلاه اعمل ايه :-( :-(
اديكي قولتي... تمنع الصيام والصلاه بس :-D يعني متمنعش الباقي اعملي باقي الجدول كله ;-) <3

كده خلصنا ✋
سيبك بقي من فرش الشقه والسجاجيد والحاجات اللي يارب تموت كلها 😂😂
ده يوم لازم نستغله
احفظ الجدول علي موبيلك واعمل منه اللي تقدر عليه..

يقول احد الصالحين... ;-)
والله ما دعوت دعوة يوم عرفة وما دار عليها الحول (العام) إلا رأيتها مثل فلق الصبح "

.اللهم بلغنا يوم عرفة  وغلف دعائنا بـ إستجابتك  ❤

الداعيه.. الصغيره💛👑