( بنات نتمنى تجاوبوا على الاسئلة تاع لتحت و تقولولي اذا راهي تعجبكم ولا لالا)بعد يوم كامل 🍃:
وردية: نضت الصباح ليوم نشيطة كيما العادة مي ليوم المورال تاعي راهوا طالع
بدلت حوايجي ،لبست جبة تاع برا باش نقدر نتحرك بيها و كذا و ضفرت شعري بطريقة جميلة كيما العادة شربت كاس تاع لحليب ورفدت السلة تاع البيض و البيدون تاع الجيب و اتجهت للمزرعة ...بون ما تبانلكمش انا لي كي نحلب البقرات معناها اني نقيلهم و ما إلى ذلك
كاين واحد.راجل ينقي و يرتب و يصلح الحاجات المخسرة و المكسرة ...ايه الجو اليوم راهوا شحال شباب يعني ماشي كيما كل يوم😂 هي انا لي راهوا يبانلي ماشي كيما كل يوم بسك راني فرحانة و معلاباليش علاش ،كملت طريقي و انا نغني سرعان ما لحقت للبقرات بديت نمسح عليهم و حطيتلهم ياكلوا و زدتلهم الماء
حلبتهم و غطيت البيدون بالقماش رحت نلقط البيض من الجاجات هيهي حتى هوما و ما زعفوش كي رحت نجيب بيضاتهم
شغل ماشي يزعفوا موالف يهيجوا شوية اما ليوم والوا 😂 قتلكم ليوم نهار شباب و كل شي فيه راه شباب و جاي معايا
رفدت السلة و البيدون و طلعت للدار ،دخلت للكوزينة لقيت نانا ناضت بون هوما هاذ الوقت و يكونوا مازال مناضوش بسك راهي 6 تاع صباح
غريبة هاذي كيفاه نانا راهي نايضة درك هي موالف تحب ترقد 😂 ،لقيتها تدير فالسفنج هههه عائلتي شاطرة من صغير للكبير غير وليد عمي عز دين رؤوف لي ميؤوس منو و يتبع فناس و يحب يدابز ايه حقا تفكرت غدوا ولا يجوا راحوا يزوروا جداتهم زعماوردية: صباح الخير نانا
نانا: صباح الورد و الياسمين
وردية: راكي تقلي فالسفنج؟
نانا: ارواحي عاونيني
وردية: ايه دقيقة برك نبدل هاذوا لحوايج تاع برا و نولي
طلعت بدلت حوايجي و غسلت ..مالقيتش لجبة تاعي لحمرا 😒 باينة روزا لبستها رحت لبست تاعها ...احم ليوم راهي نافحتلي قتلكم
هبطت باللخف باش نعاون نانا
وردية: راني وليت
انا: ايه جيبي فرشيطة و معرفة و ارواحي
جبت واش قاتلي نانا و ديت معايا كرسي صغير و قعدت قدام نانا
نانا: رقدتي مليح بنتي ؟
وردية: ايه
نانا: الحمد لله ...اقلبي هاذيك الحبة راهي طابت مليح
وردية: ايه
نانا: وردية بنتي كاين واحد العفسة لازم تعرفيها
وردية: واشنوا ؟
نانا: كيما علابالك راكي درك مرا و الله يبارك تطيبي و تفتلي و تخبزي
![](https://img.wattpad.com/cover/221584245-288-k201414.jpg)
YOU ARE READING
رْجَعْتْ لْلْدَشْرٓةَ﴿ اللهجة الحزائرية﴾
Paranormal_قد تكون حياتنا مختلفة الا ان قلبنا ققر ان يجتنع ...قرر ان يبقى معكَ انت ...لحسن الحظ اننا التقينا _انا احببتكي ....من يظن انا كل هذا بدا بخدعة ...من يظن ان كل هذا يبدا بمشكلة حقا احببت هذه المرة