Let Me Be Your Mistress My Dear First Love

CHAPTER THREE

Maaga ako nagising ngayon dahil gusto ko ako mag luto ng Breakfast ni Mommy. Pumunta muna ko sa palengke para maka bili ng gagamitin kong sangkap para sa lulutuin ko ngayong umaga at para na rin sa tanghalian at gabihan.

Nang makabalik sa bahay ay tulog pa din sila Mommy at Ninang, napuyat siguro kagabi, pano ba naman halos mag mamadaling araw na nung natapos sila sa pag chichikahan nila halatang-halata na namiss nila ang isa't isa.

Ganyan na talaga sila Mommy at Ninang noon pa man. Magkaibigan na kasi sila mula pagkabata pa lang kaya di mo rin mapag hihiwalay ang dalawa na yan kahit madalas na nagtatalo.

Malaki ang utang na loob namin kay Ninang dahil parang sya na ang tumayo kong ama dahil tinulungan nya si Mommy hanggang sa mapanganak na ako, kaya nga kami ang sinisisi nya kung bakit di daw sya nagka jowa dahil mas inuna nya kami kesa sa love life nya, alam ko naman na nagbibiro lang siya na kami ang may dahilan kung bakit wala siyang love life dahil kahit noon pa naman daw ala na talaga siyang love life sabi sakin ni Mommy. Mahal na mahal ko yang Ninang ko na yan dahil mula pagka bata pa lang apaka bait na sa akin ni Ninang kahit na minsan nag mamaldita sya.

"Ayy taray may ano?, bat ang aga mo ata nagising ngayon ha Allison, suko ka na bang palitan si Sleeping Beauty sa patagalan sa pagtulog?" Tanong sa akin ni Ninang habang nakatingin sa akin na animoy naka kita sya ng isang milagro.

"Grabe ka naman Ninang di ba pwedeng gusto ko lang gumising ng maaga para mapag luto kayo ng agahan". Tugon ko kay Ninang habang nilalamas ang kanin na isasangag ko.

Biglang lumapit sa akin si Ninang at sinalat ang noo ko

"Ala ka namang sakit ha, teka ikaw ba talaga yan Allison?........ Kung sino ka man na nasa katawan ni Allison layuan mo ang katawan ng inaanak ko" sabi ni Ninang habang niyuyugyog ang katawan ko. Diko naman naiwasang matawa.

"Ninang Mojo JoJo ako ito ang pinaka maganda mong inaanak sa balat ng lupa" sabi ko habang tinuturo ang sarili.

"Ayy ikaw nga yan, sayang naman kala ko naman may kumuha na sayo edi sana ala nakong mahangin na inaanak" kunwari disappointed na hayag ni Ninang.

" Ninang edi kung nakuha ako ala ka nang inaanak, ako lang naman talaga ang inaanak mo remember? Hahaahah" natatawa ko naman na tugon kay Ninang. Napatawa na rin si Ninang

" Ayy oo nga pala ikaw nga lang pala ang inaanak ko hahahahaha".

Napuno ang kusina ng tawanan namin ni Ninang. Maya maya pa nagising na din si Mommy.

"Wow, mukang masarap ang niluluto ng anak ko ha, ano ba yang niluluto mo?".

" Gising ka na pala Mommy tamang tama luto na tong adobo kaya maupo na kayo ni Ninang at mag hahain nako" masayang sabi ko kay Mommy na ngayon ay umupo na sa upuan katabi si Ninang.

Natapos ang umagahan namin na puno ng tawanan at asaran, pareho naming inaasar ni Mommy si Ninang na makakalimutin na dahil nakalimutan niyang ako lang naman ang inaanak niya. Napag kwentuhan din namin ang tungkol sa raket namin ni Melody mamayang gabi, ala naman na silang masyadong comment at pinag ingat nalang kaming dalawa ni Melody.

Saktong alas-singko nang dumating si Melody sa amin para sunduin ako, alas siete pa talaga ang bukas ng Bar pero maaga kami pupunta dahil mayroon pang orientation na gagawin dahil parang may program pa ata mamaya sa Bar. Okay lang naman na maaga din kami pumunta para ma familiarize ko yung lugar para naman di ako maligaw, medyo may kalakihan daw kasi yung Bar sabi sakin ni Melody at isa pa dapat maaga din kaming umalis dahil medyo may kalayuan din ang Bar mula sa amin.