تائهه بين براثن الخديعه

الفصل الاول

تائهه بين براثن الخديعه
الفصل الأول
داخل احدي البيوت الهادئة تجلس بطلتنا الجميله أمام جهاز الحاسوب الخاص بها تتابع عملها بترجمه احدي المقالات الأجنبيه يظهر عليها الارهاق من كثره الجلوس .تدلف صديقتها التي تمكث معها في نفس المنزل وفي يدها كوب من المشروب الدافئ......لسه ماخلصتيش يابيبه
فركت عينيها من التعب.....قربت اخلص بس ايه الكرم ده جايبالي بنفسك النسكافيه
رفعت حاجبها تعجبا....نعم ده بتاعي يا حلوه
ألقت بالوساده التي بجانبها وهي تضحك...انا برده بقول الاشكال الي زيك عمرها ماتعمل خير ابدا
شهقت بصدمه....الاشكال الي زي ياخاينه ساندوتشات الجبنه زي القطط تاكلي وتنكري..انا مش لسه عامله الغدا انت نسيتي
ألقت بجسدها الي الوراء...كان فعل ماضي المهم دلوقت
تركت مابيدها لتهجم عليها مازحه....ماضي يامفتريه مش هسيبك الا مااطلع عليك كل .الاكل الي اكلتيه علشان تقولي حقي برقبتي
ظلت تضحك من هجوم صديقتها وهي تتوسل اليها...خلاص حرمت ياشيف رنا.مش هقول كده تاني....أثناء مزاحهم دلف أحمد محملا بالمشتروات للمنزل ينظر إليهم بتهكم...مش هتبطلوا شغل العيال ده ابدا........
انسدلت سريعا من تحتها..وهي تضحك....ابو حميد الحقني من المجنونه ده
ضمت عينيها غيظا....مجنونه طيب تعالي بقي

وقف أحمد بينهم ليمنع وصول رنا الي حبيبه وهو يضحك علي طفولتهم.....خلاص يا رنا قلبك ابيض.مجنونه وليس على المريض حرج
ضربته علي كتفه من الوراء....مين ده الي مجنونه
نظر لها بنصف عين....مشيها مجنونه احسن ما تكمل ضرب عليك.وبعدين يارينو ياجميل انت الكبيره هتحطي عقلك بعقلها
رفعت حاجبها تهكما....كبيره مين ياعم احنا قد بعض انت هتستعبط
رفع يده...انتم هتجننوني والله لسيبكم تقطعوا بعض
هدأت الفتاتان.ليجلسوا بجانبه....خلاص يا ابو حميد بنهزر معاك جبتلنا ايه معاك
نظر إليهم بابتسامته الهادئه....كل الي انتم عايزينه...انت ياست بيبه الشيبسي والشوكلاته وانت يااستاذه رنا كل طلبات المطبخ وبرده جبت ليك زيها.....خطفت حبيبه منه حلوياتها وهي تبتسم استحسانا لاخيها....ربنا مايحرمني منك يا أبوحميد
اخفضت اهدابها خجلا من معاملته الرقيقه لها....شكرا يااحمد
وزعت حبيبه انظارها بينهم.وهي تحرك يدها كأله موسيقيه....تيررا.الحب ولع في المره
خطفت رنا المشتروات لتتجه مسرعه الي المطبخ والحمره تكسو وجهها.من حديث حبيبه.لينظر لها أحمد نظرات غاضبه....مش هتبطلي رخامه كسفتيها
تناولت احدي الحلوي وهي تتلذذ بمذاقها....هو انا عملت حاجه انت وهي بتحبوا بعض هتفضلوا مخبين لحد امتي
تنهد....مش حكايه مخبي.لازم اكون جاهز ومظبط نفسي قبل مااعترف ليها
حبيبه...طيب انجز قبل ماتطير من ايدك
انتبه لحديثها....ليه في ايه
حبيبه...مافيش بس رنا حلوه والف مين يتمناها فانجز
أحمد....ربنا يسهل
بالخارج....تنادي رنا لتناول العشاء قبل وصله اخري من العمل أمام الحاسوب

..............
داخل احدي القصور العتيقه.يجلس  رفعت الشافعي رجل الأعمال علي مائده الطعام بجانبه  ابن أخيه مراد وعلي الجانب الآخر ابنته هايدي تتابع احدي اخبار الموضه علي هاتفها يرفع رأسه بصرامه الي ابنته....كام مره قلت لما نكون متجمعين تسيبي الي في ايدك وتحترمي الموجودين
تركت مابيدها وهي تشعر بالاستياء من صرامه والدها قائله بخفوت....اسفه يابابي
اهمل حديثها لينظر الي مراد.بصوت أجش...اعمل حسابك على اخر الاسبوع هنعمل حفله لتوليك منصب رئيس مجلس إدارة
نظر له باهتمام.....ان شاء الله يا عمي.استاذنكم اطلع انام لاني مجهد من السفر
أشار له بالذهاب ليكمل عشائه في صمت مع ابنته
.......بعد عده ايام...داخل احدي الفنادق الشهيره تقف حبيبه في قسم الاستقبال تتابع عملها الصباحي ليصدح هاتفها باتصال....الو احمد خير ياحبيبي
أحمد.....كنت عايز منك خدمه
حبيبه...اومر
احمد.....عايز اعزمكم علي علي سهره وفي نفس الوقت اتقدم لينا
شهقت من الفرحه.....بجد اخيرا
أحمد...بصراحه فكرت في كلامك وقلت لازم اخد خطوه قبل ماتضيع مني.بس تساعديني.لانك عارفه انها مابتحبش تسهر بره البيت
حبيبه....ماتقلقش سيبها عليه قول انت علي المكان وهتلاقينا هناك
أحمد.....اوك هظبط كل حاجه واعرفك سلام
حبيبه....سلام
.........بعد عده ايام
داخل امبراطوريه الشافعي..يجلس مراد داخل مكتبه الفخم يتابع بعض أعماله ليدلف اليه صديقه....مساء الورد علي اجمد رئيس مجلس إدارة امبراطوريه الشافعي
ابتسم بتهكم علي مزاح صديقه...اقعد يابكاش عملت ايه في صفقه الاجهزه الطبيه
...