جنون شاب وعناد فتاة [ قيد التعديل ]

الفصل الثانى ✓

جنون شاب وعناد فتاة

الفصل الثاني| قطة شرسة

جاهزين ؟

3
2
1

استمتعوا ♡

•

-ممكن أفهم إيه إللى حصل معاكي هناك مخليكي مش على بعضك وكمان إيه اللى عمل فى فستانك كده؟

تحدثت هنا متساءلة عن ما حدث فمنذ مغادرتهما للفندق وسلمى ليست على طبيعتها إلي جانب حركة أصابع يديها اليسرى المرتعشة اللارادية التى تعلمها جيداً وأنها تعبر عن كم هى خائفة أو متوترة من شئ ما

غادرت تهنيدة عميقة صدر الأخرى قبل أن تسرد ماحدث معها ولم يغيب العبوس وعقد الحاجبين تلك على وجهها وهى تتذكر ذلك الوقح، ما أن إنتهت حتى قالت هنا معاتبة إياها على مافعلته بذلك الرجل

-يخرب عقلك يا سلمى ضربتي الراجل بقلم عشان حاجة زي كده انتى اتبهلتي افردي بقا لو مد ايده وضربك كنتى هتعملى اي ساعتها.

- ماكنش هيستجري يعملها أصلا.

- ليه هيخاف منك مثلا ! إيه مفكرة نفسك الشحات مبروك ولا جون سينا ؟ متهدي كده بطلي التهور ده وحبتين الجرأة اللى واخدهم دول بدل ماتلبسي مصيبة.

- يعنى كنتى عايزني اعمله إيه مثلا أقوله اتفضل خد ايدى التانية اهي، انتي هبلة يا هنا صح واحد حيوان شدني من يدي ولا كأني بهيمة اشتراها لدرجة......أشارت سلمى على معصم يديها اليمنى التى تقود بها لتكمل وهى تقول :بصي صوابعه عملت عليها ازاى المفروض أعمل إيه ف موقف زي ده غير كده وأساسا ده يعتبر ابسط رد على اللى هو عمله معايا.

-ماشي انا معاكي أنه غلط، بس انتي رد فعلك كان اوفر مش لدرجة تمدي إيدك عليه وده غير انك انتي اللى كنت ماسكة الفون ومركزة فيه يعنى الغلط من عندك انتي مش من عنده.

زفرت سلمى بزهق متضايقة من انها تتدفع عن ذلك المغرور بدلا من تقف معها هي

- يوووه بقا مش هنخلص النهاردة جرا إيه يا هنا انتي معاه ولا معايا؟

-انا مع الحق وشايفة انك اتهورتي وزويتها أوي المرة دى، سلمى ماينفعش أى موقف تتعرضي ليه تتعاملي بأسلوب ده،استخدمي عقلك شوية وحاولي تتحكمي فى عصبيتك الزيادة دى وايديك اللى سابقة لسانك، إذا كانت المرة دى عدت اللى بعدها ماظنش اهدي كده ماتصعبيش كل حاجة على نفسك وعلى حواليكي.

- برافو خلصتي بقا محاضرتك السيكولوجية العظيمة فى تحليل اسلوبي مش كده، اسمعي آخرت الحوار ده انا هفضل كده ومش هتغير يا هنا وانا مرتاحة ومبسوطة بحال ده ومش بس كده شايفة أن سلمى الدبش والقفل والعصيبة واللى ايديها سابقة لسانها زى ما بتقولي أحسن مليون مرة من سلمى الهبلة اللى كانت على نعيتها وساذجة اوي وبكلمتين يضحك عليها اللى مع الاسف طيبتها اللى كانت زيادة ماتنفعش فى الزمن المقرف اللى احنا عايشين فيه.