حرب الحب «قيد التعديل»

الفصل الثالث و الثلاثون..

نكمل روايتنا(حرب الحب)بقلم سلسبيل كوبك..
الفصل ال33..
اخر حاجة وقفنا عندها في الفصل ال32..
_جنون فتحت عينيها علي اخرهم لما لقت شخص راكب في طيارة و موجه مسدسه ناحيتهم و ضرب رصاصة...
جنون(بصريخ):شهد..
جنون جريت علي شهد اللي خدت الرصاصة بدلا منها و من كنان و وقعت علي الارض..
جنون:شهد سمعاني؟!
كنان اتصدم لما لقاها وقعت علي الارض و حواليها دم..الطيارة مشيت ل بعيد..
جنون:اتصل بالاسعاف يا كنان..
اياد(بخضة):انتوا كويسين؟!
اياد(بصدمة):شهد!!!
كنان:اتصلت جاي..
جنون كتمت الجرح بأيديها و كان في دم علي ايديها..
كنان:ابعدي انتي يا جنون..
الكل بدأ يطلع و عملوا ليها اسعافات اولية و عربية الاسعاف جت و خدتها و نقلوها المستشفي..
كنان حط رأسه علي كتف جنون..
كنان:دلوقتي بقيت مديون ليها يا جنون..
جنون:لا يا روحي م..
كنان(بانفعال):قولتي ايه؟!
جنون(بخضة):في ايه يا ابني؟!
كنان:قولتي ايه قولي تاني..
جنون:انت حتي سبتني اكمل الجملة..
كنان:مش همامني يا ستي كفاية عندي يا روحي دي..
جنون:اوف يا كنان بتركز في تفاصيل تافهة..
جنون:هروح اغسل ايدي..
كنان:جاي معاكي مش واثق فيكي..
جنون:يا ك..
كنان:قدامي..
اياد:نفسي المصايب تخلص نفسي بس كدة امنية حياتي..
عطر:في حياتنا احنا بالذات مفيش مصايب بتخلص..
اياد:عندك حق و الله يا بنتي..
عطر:احنا هنفشل..
اياد:ليه بس؟!
عطر:المهمة نسيتها ده الكل نسيها..
اياد:لا ان شاء الله هنخلص منها...
...................................................................
-في مكان تاني....
_في بيت جنون...
ادهم:انتي كويسة؟!
شجن:اه الحمد لله..
داليا:حبيبتي..
شجن:يا امي انتي حضناني من ساعة و مش عايزة تسيبيني..
داليا:كنت خايفة عليكي اوي يا روحي...
ادهم:خلاص اهي زي القردة..
ادهم:شكرا ليك يا اوبي..
اوبي:لا ده واجبي انا همشي و هاجي اطمن عليها بليل..
ادهم:تمام اشوفك بخير..
اوبي:عن اذنك..
ادهم:خشوا ارتاحوا...هروح الشغل..
شجن:اه محتاجة انام اوي..
ادهم:طيب..
ادهم دخل غير هدومه و خرج ركب عربيته و مشي..
داليا:يلا يا روحي غيري هدومك و نامي..
شجن:حاضر يا ماما..
داليا:ربنا يحميكي و يحفظك يا روحي..
شجن:بحبك باي..
شجن قامت دخلت غيرت هدومها و نامت..
الباب خبط..
داليا راحت فتحت لقت سيف..
داليا:خير؟!
سيف:شجن رجعت الحمد لله؟!
داليا:ايوه رجعت عن اذنك..
داليا كانت هتقفل الباب بس سيف حط ايده علي الباب...
سيف:انا عايز اتكلم معاكي شوية يا داليا..
داليا:معنديش كلام اقوله و سيبني انا و بناتي في حالنا بقي زهقنا منك..
سيف:داليا انا..
داليا:انت احقر و ازبل شخص شوفته في حياتي يا سيف تمام غور من وشي بقي..
داليا قفلت الباب في وش سيف و دخلت اوضتها..
....................................................................
-في مكان تاني.....
_عند ندي..
ندي كانت قاعدة علي السرير في المستشفي مش بتتكلم و قاعدة ساكتة لقت الباب بيتفتح عليها فجأة..
...:اه انتي بقي العسل بتاعتنا صح..
...:ايه ده ايه ده انتي قمر خالص ظلموكي في الوصف..
...:عيني عينك كدة عايزة اتجوز واحدة عيونها ملونة..
...:في مجال للغزال بقي و لا مفيش؟!
...:طب حد قالك قبل كدة انك قمراية كيوت بسكوتاية بونبوناية مهلباية..
...:و الله انا احسن من الليثي صح..
....:ما تحن بقي يا عم..
...:طيب الدخلة مجبتش نتيجة معاكي..نبدأ من الاول..
ندي كانت باصة للشخص اللي قدامها باستغراب و صدمة...
...:انا ادهم قوليلي يا عسل عادي مش بتكسف علفكرة..
ادهم:انا صديق ليكي هنا...بحب اللي عيونهم زرق دول بيبقوا كدة اللي هو بحر الواحد يسرح فيه..
ادهم(بغمزة):يا عسل..
ندي(بحدة):احترم نفسك..
ادهم:كدة اول خطوة نجحت فيها اقابلك بعديني يا مزتي...
ادهم خرج و ندي اتصدمت اكتر و ادهم فتح الباب فجأة و ندي اتخضت..
ادهم:وحشتك صح قولي قولي متتكسفيش وحشتك انا عارف انا لا اقاوم اساسا..
ادهم:باي يا مزتي..
ندي:يا ابن المجنونة..
ادهم خرج و راح علي مكتبه و سرح في عيون ندي و غمض عيونه و افتكر شكلها..
ادهم:استغفر الله العظيم...
..................................................................
-في مكان تاني....
_عند سندس..
سندس(بحزن):يعني هو مش بيسأل عليا؟!
ممرضة:لا يا سندس..
سندس(بحزن):طيب امشي..
سندس:علي اساس يعني كنت فاكراه هيحبني هيحب بنت الشوارع..
سندس:و انا اللي كنت فاكرة هتجوزه زي ما في الروايات..
سندس لقت اللي بيفتح باب الاوضة و بيدخل..
بعد فترة..
سندس(باستغراب):في ايه؟؟
فارس:مش عايز اتكلم اخرسي و بس..
سندس:افندم علفكرة دي اوضتي و انت دخلت من غير استأذان لا و كمان قعدت و مش بتتكلم..
فارس:خلاص انا غلطان اني جيت..
سندس:لا خلاص خليك اقعد و متتكلمش..
فارس:طيب..
فارس قعد و فضل ساكت و سندس بصاله باستغراب..
بعد فترة فارس قام و خرج من غير و لا كلمة..
سندس:يا اهبل يا ابن الهبلة..
..................................................................
-في مكان تاني.....
_عند عادل..
نور:اخيرا يا دكتور افتكرناك موت جوا..
دكتور:العملية مكنتش سهلة و احتمال تسبب اضرار كتيرة للمريض..
تامر:اه يعني؟؟
دكتور:يعني لو عاش تبقي معجزة..
علي:يستاهل اساسا...
تامر(بحدة):علي عيب..
دكتور:ادعوا ليه..
نور:شكرا يا دكتور..
خرجوا عادل علي نقالة و حطوه في العناية المركزة..
نور:ربنا يغفر ليه و يشفيه..
تامر:يا رب...
علي:بتحبوه اوي كدة نسيتوا عمل ايه..
نور:برضو يا علي برضو...
علي:طيب..
...................................................................
-في مكان تاني....
_عند شهد..
الدكتور:الحمد لله هي بخير دلوقتي..
الكل:الحمد لله..
الدكتور:محتاجة راحة و رعاية...
جنون:تمام يا دكتور..
والد شهد(بغضب):و الله ما انا سايبك يا كنان..
والد شهد(بغضب):هقتلك لو حصلها حاجة..
كنان:حد قالها تقف ورايا انا كنت بحمي مراتي...
والد شهد(بغضب):دي دي...بدل ما تأخد بنت الاكابر و سيبك من الزبالة دي..
كنان قرب من والد شهد و مسكه من قميصه بغضب..
كنان:الزبالة اللي انت بتتكلم عليها دي انضف منك و من الزبالة بنتك مليون مرة..
كنان:يلا يا جنون علشان دول ناس زبالة..
اياد:يلا يا عطر نروح..
كنان مسك ايد جنون و مشي راحوا للمبني..
و الكل بدأ يشتغل و يهتم بالمهمة...شذي جت اياد اينعم زعق بس في الاخر هدي و وافق و بدأوا يشتغلوا...
جنون:اوف كدة تمام خلصنا...
شهاب:بفضلكوا..
جنون:لا طبعا كلنا ايد واحدة..
كنان:كدة كل حاجة جاهزة فاضل التنفيذ..
شذي:بس متنسوش لازم خطة بديلة..
كنان:في خطتين متقلقوش..
اياد:اه يا واد يا جامد..
شذي:بيئة..
اياد:انا برضو..
شذي(بعصبية):قصدك ايه قصدك ان انا بيئة..
عطر:بس بس بس اخرسوا شوية...
علي:اتخانقوا في بيتكوا..
اياد:بس ياض يا غيران..غيران مني علشان اتجوزت..
علي:ظريف..
جنون(بضحك):بس بقي بطلوا..
تامر:مش هنأخد اجازة؟!
جنون:بعد المهمة ان شاء الله و بالمرة نفرح بيكوا..
تامر:يااااااا رب..
نور:مستعجل علي موتك يا حبيبي اوي كدة..
تامر:لو هموت فيكي معنديش مانع..
سجي:اوووووووووووووڤر اوووووووووڤر..
شهاب:في ناس مبتعرفش تحب علشان كدة بتشوف كل حاجة رومانسية اوڤر..
كنان:و مين سمعك يا ابني؟؟ناس معندهاش ذوق كمان..
فارس:طب مش يلا نروح و لا ايه؟!القعدة هتولع مش ناقصين..
الكل بدأ يخرج و اتبقي كنان و جنون..
كنان مسك جنون الاتنين و باسهم..
كنان:ممكن اطلب طلب؟!.
جنون:قول..
كنان:ممكن تنامي في حضني النهاردة..
جنون:طلب صعب..
كنان:في بيتي..
جنون:كمان!!!!
جنون:انا متعودتش انام بره بيتي ابدا..
كنان:اعتبري نفسك في مهمة...
جنون:يا كنان بلاش يعني..
كنان:طيب مش هضغط عليكي..
جنون:طب حتي لو وافقت ا..
كنان:يعني موافقة تعالي يلا..
جنون:مكملتش كلامي..
كنان مسك ايد جنون و خرج ركبوا العربية و راحوا علي الڤيلا..
كنان و جنون دخلوا الڤيلا..
اوبي:مساء الخير..
جنون(باحراج):مساء النور..
كنان:امشي يا ابني روح لحبيبتك..
كنان طلع السلالم و قابل جهاد..
كنان:مش قولتي انك هتسافري؟!.
جهاد:جايب دي بتعمل ايه هنا؟؟
كنان(ببرود):دي مراتي و جايبها بيتي اللي هو بيتها...
جهاد:ده بيتي انا..
جنون:كنان انا ممكن امشي و..
جهاد:لو عندك دم ابعدي عنه خالص..
كنان:خلاص بقي يا امي متقفيش قدام سعادتي ايه حرام عليكي بتموتي في الخراب..
كنان:يلا يا جنون...
كنان راح علي اوضته و قفل الباب بالمفتاح..
جهاد:انا يا كنان؟!.
حهاد راحت قعدت تخبط علي باب اوضة كنان..
جهاد:افتح يا كنان افتح و الله ما هسيبك..
جهاد:دي هتأخدك مني يا كنان ده غرضها هي يا ابني صدقني..انا امك اللي بتحبك يا روحي...
جنون:يا كنان اطلع ليها و انا همشي بقي..
اوبي قال ل فريد علي اللي حصل و فريد طلع شد جهاد معاه..
حهاد:سيبني لازم يفتح الباب..
فريد(بحدة):اخرسي بقي ايه يا شيخة استحملتك كتير..حرام عليكي سيبيهم..
فريد:بتحبي الخراب بس...مش بتحبي ولادك ابدا ايه حرام عليكي يا شيخة سيبيهم يفرحوا خليكي و لو لمرة واحدة ام مثالية..
فريد:مش ام مهتمة بشكلها و مهتمة بالطبقات و الكلام التافه ده..
فريد:انضجي اكبري شوية اوف..
_عند جنون..
جنون:اوف هلبس ايه بقي؟؟بص يا كنان هقعد معاك شوية و امشي بليل..
كنان:لا علفكرة في لبس كتير ليكي هنا..
جنون:ايه؟!
كنان دخل اوضة و بعدها خرج بكذا شماعة..
جنون:ايه دول يا غبي قمصانك..هلبس قمصانك انا..
جنون:مبحبش البس قمصان كدة لا.
كنان:خلاص نامي بهدومك..
جنون:بالدم ده و قرف شهد و بقالي يومين مطبقة اساسا..
كنان:انا بستغربك مش بتتعبي..
جنون:خمسة في عينك..
كنان:لا و النبي...طيب..
كنان:اختاري واحد منهم و خشي خدوي شاور و اخرجي اغيرلك علي الجرح هنزل اشوف عشاء بسيط...
جنون:طيب..
كنان نزل و قفل الباب و جنون قامت خدت قميص من بتوع كنان و خدت دوش و لبسته..
"جنون كانت لابسة قميص اسود طويل لغاية الركبة بكم و واسع علي جنون و جففت شعرها و سيبته"..
كنان:حلو عليكي..
جنون:اخرس ده واسع اوي..
جنون راحت اترمت علي السرير..
جنون(بوجع):آآه..
كنان:كويسة؟!
جنون:بقالي يومين منمتش و دلوقتي برمي نفسي علي السرير و ضهري واجعني هنام بقي..
كنان:استني..
كنان قوم جنون و غير ليها علي الجرح اللي في رأسها و ربط ايديها بشاش تاني..
كنان:تمام..
جنون:اخبار رجلك ايه؟؟
كنان:كويسة و بتسلم عليكي...
جنون:فايق..
جنون نامت علي جمبها و غمضت عينيها..
كنان:استني..
جنون:ايه؟!
كنان:هخش اغير هدومي و اجي نأكل..
كنان دخل خد شاور و خرج لبس هدومه و لقي جنون شبه نايمة..
كنان:جنون جنون..
جنون(بنوم):ها؟!
كنان:قومي كلي..
جنون:طيب طيب...
كنان:لا قومي يلا..
جنون:مش لازم يا كنان هنام بقي بكرة..
كنان:علفكرة جايبك تنامي في حضني مش في حضن المخدة و توديني ضهرك..
جنون لفت و حضنت كنان اللي كان قاعد نص قعدة..
كنان:طب كلي طيب..
جنون(بتعب):حقيقي مش قادرة..
كنان:طيب استني...
كنان بدأ يأكل جنون و هي نايمة لغاية ما خلصت الاكل و جنون كملت نوم..
كنان شال الصينية بعيد عنه و حضن جنون جامد و نام...
بعد فترة..
كنان:جنون جنون..
جنون(بخضة):ايه ايه؟!
كنان:مامتك بتتصل..
جنون:اوف يا كنان رد انت انا عايزة انام..
كنان:معلش هي قلقانة عليكي قومي ردي..
جنون دفنت وشها اكتر في المخدة و كملت نوم..
كنان:يا جنون انتي يا بت قومي..
جنون:ايه بقي؟!
كنان:مامتك علي التليفون..
جنون:و ايه اللي جابها؟!
كنان:الصبر...قومي ردي و خلاص..
داليا:كنان..
كنان:الو يا طنط..
داليا:خلاص سيبها تنام شكلها تعبانة اوي..
كنان:تمام يا طنط..
داليا:ربنا معاكوا يلا باي..خلي بالك منها..
كنان:دي في عيوني حاضر..
كنان قفل مع داليا و فضل صاحي باصص ل جنون شوية لغاية ما تعب و نام...
_في الصباح الباكر...
جنون(بخضة):ايه ده مين؟!
جهاد:افتح بقي يا كنان..
جنون:اوف يا مهدمة اللذات حرام عليكي كنت نايمة..
جهاد:افتح الباب بقي..
جنون لاحظت انزعاج كنان و هو نايم...قامت و فتحت الباب..
جهاد:انتي؟!
جنون:ايوه..
جهاد:وسعي من وشي..
جنون:مبدأيا كنان نايم ثانيا لما تزعجيه حرام عليكي لان كلنا سهرنا ل بليل كان علينا مهمة خلصناها نوعا ما..
جهاد:و انتوا بقي جيتوا تكملوها هنا صح..
جنون:بصي حضرتك انا محترمة ان انا في بيتك لكن قسما بربي لو زيدتي فيها هنسي انتي مين اصلا..
جهاد(بعصبية):هتندمي ندم عمرك كله يا بنت سيف..
جنون:اه جينا ل سيف...
جنون(بصوت واطي):حافظي علي سرك اللي معايا لان انا لو لساني فلت هتخسري حاجات كتير اوي..
جنون قفلت الباب في وش جهاد و راحت اترمت علي السرير..
جنون:آه من ضهري آه..
جنون قربت من كنان و بدأت تشوف ملامحه و هو نايم و تملس علي شعره و وشه...
كنان(بوجع):آه..
جنون:اوف اسفة مليش في الرومانسية انا اسااسا...
كنان:حد يعمل كدة انفي يا شيخة كسرتيها..
جنون:قولت اسفة الله..
جنون كانت هتقوم بس كنان شدها تاني و قعدت ضهرها ليه و كنان حاوطها بايده..
كنان:مهما حصل مستحيل ازعل منك..
جنون:طيب وسع كدة..اتأخرت و همشي..
كنان:تمشي فين انتي هتفطري معانا..
جنون:مع امك دي..
كنان:اه معاها يا جنون..
كنان قام ساب جنون و دخل الحمام..
جنون:اومال لو كنت قولتله علي حقيقتها كان هيعمل ايه...
جنون بدأت تعمل تمارين تفك نفسها شوية..
جنون:خرجت؟!
كنان:لا لسة جوا..
جنون:طيب ابقي سلملي عليك لما تخرج يا ظريف..
كنان:في هدوم ليكي هنا..
جنون:شوفتها شكرا..
جنون مشيت من جمب كنان و باسته في خده بسرعة و جريت علي الحمام...كنان ابتسم علي تصرفها..
جنون خرجت بدأت تلبس و لبست..
"جنون لبست زي فستان ابيض ب ¾ كم و واسع و قصير لغاية الركبة و فوقه جاكت باللون البترولي طويل لغاية الركبة كدة بشوية و سيبت شعرها علي ضهرها و لبست صندل اسود بكعب"..
_تحت..
جهاد(بعصبية):هنفضل مستنينهم كتير..
اوبي:في ايه يا امي اهدي اه هنستناها كدة كدة بعد الفرح جنون هتبقي واحدة مننا..
فريد:عندك حق يا اوبي..
فريد:انا بقول يا جهاد اعصابك مش مظبوطة لاما تطلعي ترتاحي لاما تهدي لاما تسافري..
جهاد(بعصبية):قول انك مش عايزني اقعد معاكوا هنا...طلقني يا فريد..
كنان(بحدة):قولتي ايه؟!
فريد:استني انت يا كنان..
فريد:قدامك اربعة و عشرين ساعة يا جهاد هتتراجعي عن كلمتك ماشي مش هتتراجعي المأذون يبقي جاهز علطول..
فريد قام مشي علطول..
كنان:تعالي يا جنون نفطر في اي مكان بره..
جنون:بس..
كنان(بنظرة تحذير):يلا قدامي..
جنون و كنان نزلوا و ركبوا عربية كنان و مشيوا..
اوبي:الكل هيبدأ يكرهك غيري بقي ايه انتي ازاي كدة...
اوبي قام و ساب جهاد قاعدة لوحدها..جهاد قامت بدأت تكسر في كل حاجة قدامها بعصبية...
_عند كنان و جنون..
جنون و كنان كل شوية يبصوا ل بعض..
جنون:اوف خلاص عرفت اني فاشلة في الرومانسية مش لازم تثبت الله...
كنان(بضحك):كويس انك عارفة..
جنون:عيل رزل و رخم..
كنان:متخافيش هعلمك متخافيش..
جنون:طيب...
جنون:انت جيت بيتنا ليه؟!
كنان:نأكل فيه و كمان امك نفسها تشوفك و اتصلت بيكي امبارح..
جنون:اتصلت بيا انا؟!!!!!!
كنان:لا انا..
جنون:مش فاكرة...
كنان:جنابك كنتي نايمة..
جنون:مش فاكرة حقيقي..
كنان:شبشبها هيفكرك...
جنون:يا رزل..
كنان و جنون نزلوا و دخلوا البيت..
ادهم:ما لسة بدري يا هانم..
جنون:الله شغل بقي..
ادهم:يا حرام صعبتي عليا..
جنون:كنت مطبقة يومين..
اوبي:صباح الخير..
كنان:انت ايه اللي جابك ياض؟!
اوبي:اتخنقت قولت اجي اقعد ما دكتور ادهم شوية...
جنون:ادهم برضو..
جنون:انا داخلة لامي..
كنان:طيب و جهزي فطار حلو كدة..
جنون:مبعرفش..
جنون دخلت ل مامتها لقتها في المطبخ هي و شجن..
جنون:صباحو عسل..
داليا:كنتي فين امبارح ياللي مش فاكرة حاجة؟!
جنون:كنت مع كنان في بيته...
داليا:و حياة امك يا جنون..
جنون:في ايه يا امي يعني عادي..
داليا:طب اسمعي يا حلوة تعملوا فرح و تتجوزوا احسن عندي من انك كل شوية تنطي تقعدي معاه ده..
كنان:انا بقول كدة برضو..
جنون:لا طبعا لسة مش جاهزة..
كنان:طيب بعد ما نخلص مهمتنا هيكون في فرح..
جنون:استني ايه ده لا طبعا ده وقت قصير..
كنان:قولت كلمتي..حد عنده رأي تاني؟!
اوبي:انا...بقول نزيد الفرحة فرحتين و اتجوز بشجن انا كمان..
كنان:تمام..
ادهم:و انا طيشة واقف..
جنون:احلي طيشة يا روحي...
ادهم:اقعدي بعيد عني يا بت..
داليا:ماشي يا كنان بس لو جهاد عملتلهم حاجة انت عارف ممكن اعمل ايه..
كنان:مفيش حاجة هتحصل اوعدك..
ادهم(بهمس):مين جهاد؟!
شجن(بهمس):ام كنان و اوبي..
جنون(بهمس):مش هنروح ل ندي؟!
كنان:طيب يا حبيبتي هنفطر و نروح ليها...
جنون:تمام..
.....................................................................
-في مكان تاني.....
_في بيت اياد..
اياد(بصوت عالي):يا ناس يا نايمة الفطار جهز..
اياد راح لاوضة شذي لقاها لسة نايمة..
اياد:الصبر..
اياد شال شذي,شذي حست نفسها في الهواء فتحت عينيها..
شذي:اوف يا اياد سيبني يا ابني انام...
اياد:عايزة اشتغل عايزة اشتغل و انتي اهو مش قادرة تتحركي..
شذي:اوف طب انا جعانة..
اياد:الاكل جاهز..
اياد حط شذي علي كرسي السفرة و بدأوا يأكلوا..
اياد:براحة يا بنتي..
شذي:جعانة نوم و اكل..
اياد:الصبر يا رب..
شذي:خلاص الله هقوم البس بقي..
شذي دخلت خدت دوش سريع و خرجت بدأت تلبس..
"شذي لبست بنطلون اسود واسع و فوقه تي شيرت قصير لغاية الخصر باللون الابيض و سيبت شعرها و لبست كوتشي ابيض"..
اياد:يلا هنتأخر..
اياد و شذي راحول للمبني و بدأوا يشتغلوا..

_عند ندي في المستشفي..
جنون و كنان كانوا ماشين في ممر المستشفي و جنون خبطت في حد..
جنون:اسفة..
جنون بصت للشخص ده لقت ايده فيها جرح و هو بيحاول يخفيه و بيبص بارتباك..
كنان:خلاص يلا يا حبيبتي..
جنون مشيت شوية و بعدها وقفت..
جنون:كنان الراجل ده فيه حاجة او وراه حاجة شكله مش طبيعي خالص..
كنان:ليه بس يا جنون يلا..
و بعديها سمعوا صوت صريخ و صوت رصاص..
كنان خبي جسم جنون فيه و دخل اوضة من الاوض..
كنان:خليكي هنا متتحركيش..
جنون:انا مش طفلة يا كنان و كمان اقدر ادافع عن نفسي و معايا مسدسي في الشنطة..
كنان:خلي بالك من نفسك و لو عرفتي تروحي ل ندي روحي..
كنان خرج و بدأ يروح مكان الصوت لقي شرطي مرمي علي الارض و ميت..
كنان:حصل ايه؟!
ممرضة(بعياط):شخص كدة معاه مسدس و بيضرب نار علي اي حد بيعارضه..
كنان:مشي ازاي؟!
للممرضة شاورت ليه علي المكان..كنان مشي منه و فضل يمشي بس ملقاش حاجة..
-كنان طلع السطح فعلا لقي الشخص اللي جنون قالتله عليه فوق و معاه سلاح كبير و مسدس صغير..
كنان:انت مين؟!.
الشخص ارتبك بس بعدها مسك مسدسه و وجهه علي كنان..
_تحت..
عربيات شرطة جت و ناس كتير و اعلام و صحافة...جنون خرجت بدأت تدور علي كنان ملقتهوش..
جنون:اوف روحت فين؟!.
ظابط:اتفضلي معايا...
جنون:علي فين؟!
جنون خرجت و بدأوا معظم الناس تخرج من المستشفي الكل خرج من المستشفي..
جنون:في ايه؟!
ظابط:في شخص مسلح فوقه و شخص تاني..
جنون:ده كنان..
ظابط:ايا كان مين حياته في خطر..
جنون(بقلق):ازاي يعني؟!
ظابط:يعني حضرتك ممكن الشخص المسلح يقتله زي ما قتل 13 شخص قبله في المستشفي دي..
جنون كانت هتقع علي الارض بس ادهم مسكها قبل ما تقع..
جنون(بتوهان):كنان يا ادهم..
ادهم:اهدي اهدي...هو اكيد هيقدر ينفذ نفسه..
-جنون بصت ل فوق و فتحت عينيها علي اخرهم..كان كنان شبه مرمي بحيث انه ماسك في السور اللي في السطح بس طلع بسرعة و خفة..
ادهم:اهدي طيب اهدي..
و بعدها سمعوا صوت طلقة دوت في المكان كله..و الكل بدأ يسأل مين اللي مات..
جنون وقعت في الارض...

_السؤال:يا تري حصل ايه؟!خمنوا🌚💜..
...................................................................
يتبع:::::💜🦋..
بحبكوا💜🦋..
يا رب الرواية تنال اعجابكم💜🦋..
رأيكوا يهمني💜🦋..