عائلة شيخ جبل (( الجزء الاول مكتمل))

الجزءالثاني-12

عائلةشيخ جبل
الجزءالثاني البارت-12
هدى حيدر
----

بنات. ختام  راح يتغير اسمه. لا اسباب
ترجع للابطال.
راح يصير اسمه. رنده.

شمس
فزيت على صوت الديجي العالي
فتحت عيوني ضوى قوي بلغرفه...
وهوسه. ورد. طلع بهدومه وتگطف. مبينه دور على شي.
كمت من السرير بهدوء.
عدلت الجرجف.

شمس. صباح الخير
ورد. صباح النور. اكلج. شموسه هم شايفه. بنطروني الچويتي.

شمس . لاوالله. مادري ماشايفته
ورد. هاا تمام. روحي نزلي صاريره ملحمه جوه. بيت عمي وبيت خالتي وخالي وعماتي كله هنا.
انزلي سلمي وبوسيهن اهم شي.
وزودي بلبوسات. يمنه يسرره. شرق غرب

شمس. هههههه. اكثر شي ماحبه بلسلام. البوس وجماله مو مره.

ورد. شافه عمتي. انتصار اذا سلمت. تشكل . مح مح مح مح.  متطي مجال ابد.

شمس. هههه خل انزل والله كريم.

فتحت باب الغرفه وطلعت للصاله.
ومن عده وصلت يم الدرج. نزلت شكم بايه.
اباوع.

خبصه جوه بلصاله. صايره.
الجهال تتراكض. وهوسة النسوان كله سولف.
دكلك طابتلي حمام نسوان.

نزلت. وشتغل السلام.  من وحده لوحده.

كعدت اتريگ
ومنتبه الهن. يسولفن على العرس وامي تحجيلهن على الحنه.
وليش مااجن.
وعماتي. يستعرضن. بشعرهن. مسوياته. عمبه.
اصفر.
وخالتي. دكللهن. يخبل وين مسوياته.

عفتهن. وصعدت للغرفه. طلعت ملابسي.
دشداشه كصيره.ربع ردن. لونه احمر وخاولي
ودخلت للحمام. سبحت وطلعت
لافه شعري بلخاولي.
نزلت. جوه. شفت نورا. بت خالتي جايه سلمت عليه.
وكعدت يمه.

نورا.  اكلج وينه صگر.
شمس. والله مادري.
نورا.  امس كلما اخابره. ميرد.
شمس. غير امس حنة اسد وملتهي وي الولد.
وبليل من خلصت الحنه. صعد نام بسرعه.

نورا. همم.

واحنه نحجي نزلو اخوتي. كلهم.
اسد وصگر ومهاب وعياش
سويه. لابسين دشاديشهم.ولافين الغتر.
بعد گلبي. يخبلون.
وي نزلتهم ضليت اقرا المعوذات. اخاف ينحسدون.
امي والنسوان. گامن يهلهن ويگفلن
عشق بنص. تهوس لاسد.

واخونه خوش اخو يستاهل الهوسه.

اسد يضحك. وياباوعلنه.
من بين هاي الهوسه انتبهت. لصگر. عيونه على نورا.
وهيه تباوع من بعيد ومتبسمه.
كال اسد. كافي اريد اروح للحلاق.

طلعو كلهم.
ضلت امي والنسوان يحضرن بلغدا.
ونورا. صعدت لورد

طلعت اني للحديقه. 
اشتم هوى. لان البيت. صاير هوسه جوه.
ندگ الباب.
كلت منو. محد رد. شويه رجع ندك. كلت منو. ماكو.
بعدين فتحته.