ساعه ساعه....إيهف علي قلبي إمرار أوجاعه....ونبدأ قريب إنموت....ساعه ساعه....إيزيد حنيني....وتنزل دموعي سايله من عيني....ولو كان ربي الصبر مش عاطيني....راني إنتحرت ودرتله زعزاعه....ما كنت حاسب يرحل إيخليني....الغالي بدون أسباب صوبي باعه....وفي نار جوا في أطراف كنيني....من يوم مارحل عني وصار وداعه....ومانيش عارف شن إللي مخليني....إنشيله في قلبي لين قلبي لاعه....نحساب روحي بالغلا يرويني....وما كنت متوقع إيصير خداعه....وما حسبت في ماضيه أني يرميني....إللي كان حبي ليه أمر وطاعه....أني كان ودي إيكون بينه وبيني....حب وغلا لكن نزع قناعه....وأني صار صوبه شي ما يعنيني....والقلب صارتله عليه مناعه....ياالله طالب منك إتنسيني....إللي كنت ديما ليه كيف ذراعه....ياعين كافيني غلا يكفيني....وإنسي الغلا راهو طلع إشاعه.💔💔
