قاع المرجان

البارت التاسع عشر

#بقلم
#ايزابيل
#البارت التاسع عشر
#قــــاع المرجــــان
..
هسه ارتاح كلبي واندليت دربي 💃💃💃هاي حالتي من شفت صدمتكم بالاحداث حتى تعرفون اني ما اكتب احداث هادئه وفارغه هاي دانطيكم تنبيه للمستقبل 🙅‍♀️ قراءه متروسه كرز (ولو ماحبه بس هاي الخاطر الي يحبون الكرز 😂)
..
ايلول

كالت رهف
_اليوم عرس إلينا بنت خالتي على اخوي زياد

عقدت حواجبي مستغربه

ام ايلول
_هاي شوكت شو حتى ماكلتو النه

رهف
_همه ماراح يسوون حفله جبيره يزفونهه من الصالون للفندق وهاهيه وتدرين انت امي آخر مره اجت لهنا وطلعت زعلانه فـ اكيد ضايجه منكم و..

ام ايلول
_كافي لا تكملين العزمتنه والماعزمتنه مو مهم بس اني تعجبت لان صارت بين يوم ولليله

ودعتنه وطلعت كعدت على القنفه ناي جانت كاعده كدامي هاي مدري شبيهه كايمه بس تتصفن صحت عليهه
_ناي شبيج..؟

فزت من عطت بوجهه
_مابيه شيء بس احس جسمي نحلان كايمه اسبح حتى اتنشط

رفعت حاجبي بأستغراب دخلت للغرفه بوقتهه جانت النتائج بعدهه مطالعه وحيل متوتره..

عرفت لاحقاً انو زواج زياد صاير على السريع وحفله صغيره وماجايه هواي ناس لانو إلينا مقابله تسوي عرس بدون امهه

ماعرف اذا كلامهم صح لو جذب وشبسرعه هيج عقدو وزياد مو ميطيقها
..
بليل جنت نايمه دك الموبايل ناي كالت هذا زيد يريد يحجي وياج نصدمت شيريد هذا ترددت احاجي شكو هسه مخابر وهي عبرت الوحده جنت نايمه على جربايتي ومغطيه نفسي خليت الموبايل على أذني وبصوت هامس
_شكو شتريد..؟

_ماكو السلام عليكم صباح الخير مساء الخير

زفرت بملل : زيد كول العندك خلي أغلق الخط لان نعسانه

زيد
_انت رحتي الاهلج على اساس تدرسين هناك ليش مارجعتي بعد..؟؟!!

ايلول
_تعاملك هو الي خلاني انفر منك..

زيد
_ششفتي مني وماصار النه هواي سوا

قطبت حواجبي وكلت بأستغراب
_على فكره ترا انت حيل متناقض ساعه تكلي تورطت بيج وماريدج وبعدين تخابر تريدني ارجع..؟.

زيد
_ساعه عصبيه

_واني ممجبوره اتحلم خبالااتك الي كل شويه تطك

زيد
_جا ليش تزوجتي عبالج الزواج لعبه مثلاً موتدرين ينراد صبر وتحمل من الطرفين

ضحكت باستهزاء
_فاجئتني الصراحا مجنت متوقعتك متكلم

زيد
_لتستهزين داحاجيج بكل جديه وحاب نفتح صفحه جديده

تنهدت وكتله : ما مستعده ألم نفسي اكثر من مره علمودك