Cease Of Mirage [COMPLETED]

Chapter 11: Marshmello Man

TRIST

"Just a reminder, My Angels. Next week, Monday will be your frog dissection. It is an individual task, so you better be prepared, okay?"

"Yes, Cher Auggie!" sabay-sabay naming sagot. After that, dinismiss na niya kami. Uwian na namin.

Friday na ngayon, pero 'yong utak ko nasa Tuesday pa rin. Binigyan ako ng baliw na 'yon ng iisipin!

"I already know your existence more than three years."

Ano'ng ibig n'yang sabihin d'yan? Sinasabi niya bang kilala na niya 'ko noon pa? O baka naman tinitrip lang ako ng lokong 'yon? Psh.

Hindi ko na natanong sa kan'ya dahil hindi na kami gano'n kadalas magkita. Sobrang busy niya. Pabibo kasi, eh. Mayor siya ng lahat ng strands tapos varsity player pa. Tss. So much legwork!

Pumunta ako sa parking lot at nakita ko ro'n si Xy na bagot na bagot na naghihintay. Gulatin ko nga.

"BOOM!"

"Ay pusang gala!" napatalon siya sa gulat habang nakahawak sa dibdib niya. Tinawanan ko lang siya. Sinamaan niya naman ako nang tingin. "Leche ka! Ako na nga 'tong hinihintay ka tapos gugulatin mo pa 'ko?!" sigaw niya.

"Aww," kunwaring na-touch kong sabi sabay hawak sa didbdib ko. "So sweet," dugtong ko pa.

"Taena mo!" bulalas niya.

"Biro lang, Xy. Ba't mo 'ko hinintay, ha? Miss mo 'ko, 'no?" Pinaningkitan ko siya ng mata habang nakangisi.

Ngumiwi naman siya. "Yuck! Wala lang akong kasamang umuwi, 'no!" pagdadahilan niya sabay irap.

"Bakit? Palagi bang sabay kayo umuwi ni Grave?" panunukso ko.

Lumukot ang mukha niya. "Hindi! Paki ko ro'n."

"Owwkey. Sabi mo, eh," ngisi ko. Tignan lang natin, magkakapaki ka rin do'n. "Siya nga pala, ba't hindi ka sumali sa tennis? Magaling ka kaya ro'n," pag-iiba ko ng topic. Tinaasan niya naman ako ng kilay.

"Ikaw, ba't hindi ka sumali?" balik niyang tanong.

Sumandal ako sa hood ng kotse ko at nagcross arms. "Ayoko lang," tipid kong sagot. Pinaningkitan niya naman ako nang mata na parang sinusuri. "Sumali ka na para may i-chi-cheer ako. Gawan pa kita ng banner," biro ko.

"Sumali ako," tipid n'yang sagot. Lumiwanag naman ang mukha ko.

"Talaga?"

"Oo nga. Kasali rin si Miss President, eh. Sabi ng mga kaklase ko, siya raw ang back-to-back champion sa tennis." Tumango-tango ako para kunwari interesado ako. "Kaya sumali ka na, fren para may katapat 'yong karibal mo."

"Karibal?" ulit ko.

"Hindi mo alam?" Kumunot ang noo niya.

"Ang alin?"

"Hindi mo nga talaga alam," iling niya. Lumapit siya sa 'kin saka bumulong. "Ex girlfriend siya ng lalaki mo," ngiwi niya.

Kung maka-lalaki mo naman 'to. Akala mo kabit ko si Fauze, eh. Tss.

"Alam ko," inosente kong sabi. Nalaman ko ro'n sa dalawang babae no'ng may meeting sa quadrangle.

"Alam mo?!" gulat n'yang sabi. Tumango naman ako. "Bakit parang wala lang sa 'yo?" bulalas niya.

Tinaasan ko naman siya ng kilay. "Kailangan ba pansinin ko?" sarcastic kong sabi.

"Kaloka ka, fren. Dapat bakuran mo si Cohen. Feel ko talagang mahal pa ng girl ang boylet mo."