في ديوان الشيخ

البارت الرابع

من شفت ساره بهلمنظر اتربطت ايديه ورجليه اتصلت بالاسعاف وكالو اذا مضروبه براسها لتحركوها اله نجي اجوي الإسعاف اخذتها اني واختي ندى للمستشفى والدكتور كال للأسف المريضه نزفت هوايه ودخلت غيبوبه ومنعرف شوكت ممكن تصحى منها رجعت للبيت وعفت ندى عندها
جاسم:اول ماشفت بتول بالمطبخ سحلتها سحل وصعدت بيها الدرج سحل من شعرها على الي صار وهي تحلف وتبجي وتكول والله مو اني والله ما دفعتها وتيجي بس اني ما سمعتها فوتتها بغرفتها وكتلتها كتله من عمرها وكتلها انتي هسه بحكم القاتل واني ما الفي قاتل لبيتي انتي طالق
لمي ملابسج ارجع ما الكاج
غيرت ملابسي وأخذت غراض لساره وندى وطلعت

بالطريق اجاني اتصال من ندى تكول ساره حالتها ساءت واكتشف عندها نزف بالدماغ

اني هنا فقدت عقلي كمت ما اعرف شلون اسوق مضيت بأقصى سرعتي بالسياره وردت اسوي حادث ما اعرف شلون وصلت المستشفى وشفت الاطباء والممرضين ملتمين وهوسه وبعد فتره طلع الطبيب وكال احنه سوينه كل الفحوصات والنزيف متوقف الحمد لله بس مسببلها اضرار ببعض خلايا الدماغ ممكن تكون اضرار دائمه او مؤقته وهذا الشي منكدر نحدده اله هي تصحى من الغيبوبه
مرت ع هالحال ايام اسابيع وبعد شهرين اتبين بالفحص انه اعظائها كامت متقوم بوظائفها يعني اعلنو بدايه الموت الجسدي هنا ما اعرف شاسوي اني

صح ماكو بيني وبينها شي بس بسبب بتول طليقتي البنيه راح تموت اني بسببي وصلت ساره لهيج مرحله بقيت افكر هذا التفكير بحدود شهر ونص خلال الشهر ونص بدت ساره بمحاولات ايجابيه اعظائها رجعت تقوم بوظيفتها لحد ما وصلنه لهذا اليوم

جنت عطشان حيل نزلت اشرب ماء من الكافتيريا ومن صعدت شفت الممرضه طلعت تركض وتصيح للدكتور هنا جمدت بمكاني وتذكرت على اخويه كلت ساره ماتت رجليه اتجمدت وعقلي وكف عن التفكير لحد ما سمعت بقيت جامد بمكاني نص ساعه وبعدها حسيت ع الدكتور يكلمني

الدكتور:الحمدلله ع سلامه مريضكم والله طلعت منهابمعجزه

جاسم ::ها بقيت ممستوعب يعني ساره صحت دكتور

الدكتور:اي نعم صحت بس عدها ثقل بالنطق بسبب النزف الي صار بدماغها بس الحمدلله هذا الشي ممكن يروح بالتمارين ع الكلام

راح تبقى المريضه عدنه يومين وبعدها تطلع للبيت ترتاح

جاسم ردت ادخل اشوفها قبل الدكتور اشوفها

دخلت عليها كتله شلونج ساره

ساره:سلم عليه ما رديت اعرف ما اله ذنب بالموضوع
بس الي وصلني لهاي المرحله هو أقرب انسان اله وفقدت صوتي بسبب هذا الشي

عدت يومين واني ما احاول حتى اتكلم وبعدها نقلوني للبيت
فوتوني لغرفه الحجيه ولحكتني ندى كالت اني اساعدها بلتبديل فاتت وسدت الباب طلعتلي ملابسي