#احفاد_فرعون 16
وشاف لي محمد......كلم الرجال يلي عند مخازن السلاح يجو هنايا يطوقو القصر كله واي حد يقرب يمشي على زوز رجلين يطربقوه طووول
وخليها تولع ونشوفو منو حطبه اكتر 🔥
فرعون:خذي نفس عميق....فكنا منها الدوا هيا
الحكايه توا مش بينا وبين المختار بس
توا في حتى ولاد رمزي من غير حسن واشرف يلي روحو من سفرهم وحطو يدهم في يد عبدو
اللعبه هيا كبيره كبيره ومتخشش في شي مش قده!
احمد:قام كمام سوريته ويتفرج على عضلاته ...وخلينا نلعبو معاهم علاش لا!
محمد:اي اي علاش لا
مالك:نوض محمد دير يلي قتلك عليه واحمد وتي السياره عندنا مشوار
احمد:حرك كتفه بألم بسبب العركه يلي صارت وابتسم ع جنب ....واحلا مشاوير لصبح
كان فرعون يراقب في احفاده ال3كيف كل واحد شاد تركينا يشتغل عليها وناويين الشر رسمي
اللحضه هاذي فهم ان هوا ربى وحوش مش بشر🔥هوا كان عارف ومتأكد ان احفاده قدهااا
بس حب يستفزهم بي الكلام عشان يطلعو اقوى ما عندهم
________________________
نهال:نزلت بسرعه من الطابق العلوي ...طلعو ال3ياماما
جميله:ماشيه جايه وسط الصاله....ياااارب متورينيش فيهم سو ياااارب
خيريه:كانت تغلي من داخل لانها تحب احفادها بشكل مش طبيعي
نحكي ع الشباب بس طبعا !
كان تفكيرها قدييييم بكل المجد والحب كله لي احفادها الشباب اما البنات ولا شي !
رجاء:وهاذي ساجده وافتكيت منها بدون لا خطط ولا تعب ولا شي ....شافت لي نجمه
والحل الوحيد باش نتقرب من بوك هوا انتي وبس
نجمه:وين سوجي نهوله
رجاء:خلاص ساجده روحت لي حوش بوها معش بتجي
نجمه:لا هيا تحبنا بتجي
رجاء:خلاص قلت روحت لي حوش بوها بري شوفي رفعت حوايجها كلهم
نجمه:ناضت تجري لغرفة ساجده وقفت على روس اصابعها سحبت الدولاب وكان فاااضي
مفيش غير حوايج مالك بس
نزلت من الدروج تبكي بصوت عالي
نهال:شافت لي رجاء....وقتك توا تخليها تعيط نااااقصين لان
خيريه:بتعابير وجه تخوف....نجممممممه😡اسكتي
نجمه:طاحت على حضن حناها جميله وتبكي
جميله:اششش خلاص اهدي سلم بنتي
خيريه:اسكتي سيورها وتولي مرت بوك
_____________________________
عبدو:راقد في الاستراحه وطلع الدخان من فمه....اما ولاد رمزي طلعو مش سهلين
حسن:لعبوها صح وطيحوه
اشرف:انا مفهمتش كيف مشت عليه ومشالها؟!
حسن:ضحك بجشع ....يتبع في قلبه الحنين
عبدو:غضوا بتمشو ولا؟
اشرف:يصب في المشروب...وين!
عبدو:تنهد غضوا اكيد كلهم بيمشو ورافعين العهد معاهم باش فرعون يوقع رسمي على ممتلكاته بتنازل
وبيلا تشاو معش نشوفو حد يدحنس هنايا
حسن:قعمز....شوية نضرات شماته ممزوجه بي الاستفزاز حاجه بسم الله مشاء الله
اشرف:😂😂
ترن ترن ترن
عبدو:اياه علينا عاد
اشرف:رد رد خلي نسمعو صوت حنين
عبدو:فتح المايك....ها
هبه:ارتاحت لما سمعت صوته...حبيبي وينك
عبدو:قاعد
هبه:خوفتني عليك سمعت في عركه صايره وفيها احفاد فرعون خفت يصيرلك شي
عبدو:تو انتي شن تبي؟
هبه:سلامتك بنطمن عليك بس
عبدو:مليح مفيا شي
هبه:بتبات عندي اليوم؟
عبدو:ع الجو كان فضيت تو نجيك
هبه:به تمام رد بالك ع روحك ونحبك❤️
عبدو:تم....وسكر الخط
هبه:رجعت التالفون لي الشحن وهيا مضايقه من اسلوب عبدو يلي بدي وقح بزياده معاها !
حسن:خيرك جفاف معاها
عبدو:جنس حواء هكي يبي
اشرف:قام راسه..كأنها قتلك بتبات عندي؟
عبدو؛اي عايشه بروحها البنت العبي ديما تبيني معاها
حسن:متحصلش تجيبها هنايا نزردو فيها !
عبدو:لالا مترضاش
اشرف:تي انت غير اسألها خيرك تقطع في الرزق
عبدو:ناض تنرفز...خلااااص عاد قتلك البنت نزبطها في المليح متقبلش
