ايڤانا: يعني بيت جدي عايشين
شيماء: اَي اَي حبيبتي عايشين
ايڤانا: لعد ليش الناس هناك دايكولون ميتين
شيماء: هاا ااي ما رادو يزعلونج
ايڤانا: مارادو يزعلوني ع مود شنو ليش هوه اكو اسوء من الموت
شيماء: هسه اني مادري زيدون كال هيج
ايڤانا: فهمت انو مدبرلي مصيبه بس شنو هيه يا ترا ؟ لازم اشوف وانقذ نفسي بس لازم الصبر .. شيماء ليش جاي تضبين جنطتج
شيماء: راح نروح سياحه التركيه عيني واحتمال ايران
ايڤانا: ها اوكي ... هههه تردون تذبوها براسي مو والله لاندمكم والله.
مر تقريبا اربع ايّام يالله اخذني من طابو جروحه هههه بس ميدري جرح الضمير الي راح افتحه اله شراح يسبب اول مره اشوف انسان نذل لهذي المرحله ميخاف الي سواه يطلع بمرته وابنه وهسه يريد يذبني بداهيه ....
اسد:
طبعا رجعت لبس دشداشه وحطيت الغتره ولعكال ومشيت بجنازه ابن عمي اخوي وحزام ضهري حلفت اله اخذ ثار الي سواها واخلي الدم يوصل للرجب
عاد حته هاي البت نسيت قصتها ولا فكرت بيها وره ما خلصنه الدفن ضربت على صدري كدامهم وكلتلهم ما نسوي فاتحه لحد مناخذ بتار الي سواها ورحنه دكيناهم كسرنه الشبابيك وضربنه طلق ع البيت وبلتواسيل يالله وخروني منه جنت ناوي اكسر الباب ولي يصير خل يصير.
من رجعنه جان اول مره ابوي يمد ايده علي بيها وجانت جلمات ابوي جمر موش حجي عادي
ابو اسد: موش هيج ربيتك بلكت الوادم ما متقصدين كلشي تريده عذاب وقتل وذبح لا تنسه هو مات متت ربه اندعم واكبر مشكله العرك ولموت ما يحلها اذا مو كعده وعشاير ما تنحل انت لازم أعاود تربيتك من جديد تطلع عن طوري وتروح ادكهم موو يا حيف التربيه بيك يا حيف
اسد: حقدت اكثر دزيت جماعتي راحو سحلو كتلو كتله بعدين جابو شيوخ واجوي للمضيف مالتنه كل ميحجون واني اكمز من يمي أكلهم اذا مو بلدم ما نقبل اعتذاركم
منا لحد ما ختمها السد الوالد فصل 100 مليون وفصليه
زيدون: شيخ الله يخليك فصليه شنو لا عندي بنات لا عندي خوات لا عندي بنات خال خالات ولا عّم وعمات منين اجيب
ابو اسد: فصليه وفصل وخلص الكلام
اسد: زين البنيه شعليها جنه كتلنا وخلصه وهوه كاعد كدامنه قابل نبيع ابن عمي بميت مليون والله دنعل ابو الفلوس لابو بس شنسوي هاي عاداتنه وتقاليدنه العشاير من اجداد اجدادنه واني طالع صفح.
وره اسبوع صارت المصيبه...
زيدون: فرحان بجيتج هواي ميليسا
ايڤانا: شكرًا هواي بس ما كلتلي ليش بيت جدي راحو للجنوب
زيدون: عمج اشتره مزارع هناك وسوه مصانع ونطاني هذا المصنع وكتبه باسمي وكم رزق منا وهوه عاف كلشي وراح عاش هناك.
ايڤانا: ماقنعتني صراحتا بس يالله هههههه ( حجيتها بشقه ) وجها كام ينطي الوان.. صح ذكرت انت شلون عرفت انو اهلي ماتو
أنت تقرأ
انا لا انتمي لكم
Actionجنت كاعده وحدي ع المسطبه الي كدام الشركه قلبي يئذيني حاسه اكو شي مو زين اليوم راح يصير. موجات البحر كدامي خلتني أتوتر اكثر جانت تجي هادئه وتتموج بهدوء وكئنما ترقص فجئا تجيا موجه اكبر منها وتصير فوق الهدوء وتهدمه بكل قوه وكل ما احاول ادخل العالمي ا...
