حب اسود

اقتباس

زفرت كل الهواء الذي برئتيها بتوتر وترقب يزامن رغبتها برؤيه تعابير وجهه حينما يستيقظ ويري نفسه بتلك الحاله بعد ان سقط في ثبات حينما وضعت له المنوم بكوب الشاي الخاص به ....! تريد أن يشعر ولو بذره من شعورها  حينما استيقظت ذلك اليوم الذي خدرها به
...! هل سيتقبل الأمر بتلك البساطة ام سيثور بوجهها كالبركان
فتح عمر عيناه يشعر بصداع شديد يفتك براسه فمد يداه تجاه راسه ليتفاجيء بشئ يعيق حركه يده.... جذب يده الاخري ليجدها مقيده.... اتسعت عيناه وسعهمها وهب ليجلس برأسه الغير متزن يحاول أن يقوم ليجد نفسه مقيد الي الفراش
تلفت حوله لظلام الغرفه لحظة قبل ان يغمض عيناه بقوة ماان فتحت همس النور القوي.... نظرت الي تقاسيم وجهه التي جملت مزيج من التعبيرات لتقول بابتسامه بارده :ايه شعورك يادكتور... ؟!
احساسك ايه.....
هتف بانفعال وهو يحرك يداه وساقه يحاول ان يفك قيوده : همس ايه الجنان اللي بتعمليه ده... فكيني
قالت ببرود : لا.... انا هسيبك كدة عشان تحس احساسي بعد اللي عملته فيا
قال من بين أسنانه : اسمعي الكلام ياهمس ومتجننيش
: أمور جنانك المرة دي مش، هتطلع عليا عشان انا ماشيه.... وابقي وريني هتعمل ايه
ارعبها صوته :  همس بلاش تستفزيني اكتر من كدة وتخليني، اعمل حاجة تأذيكي
قالت بلا مبالاه وهي تتجه لباب الغرفه... اعمل اللي تعمله....
همس.... همس
اسرعت تلتقط مفاتيح سيارته وتسرع للخارج بينما ترتعب خوفا من صوته الذي يزأر كالاسد...!

لغايه دوقتي اللي واضح هو مقدار تملك وانانيته شخصيه عمر ودي مش، شخصيه غريبة ولا نشاذ بل ان ٨٠ او ربما اكتر من الرجال كدة... دايما بيشوفوا انهم على حق وبيفكروا بانانيه بحته... ده مش دفاع عن عمر بالعكس دي شخصيه حبيت اتطرق لها وخصوصا ان مغزى الروايه مش انه خطفها او اغتصبها ولكن تطرق لطبع الرجل بعيدا عن الابطال اللي في الروايات... شخصيه عنيده عصبيه انانيه اكيد كلنا قابلنا زيه
اما بخصوص همس فهي عندها عقده من الرجال بسبب سؤ معامله ابوها لأمها وده مخليها متعرفش، تحكم علي الناس ولكنها مش ضعيفه ابدا ولكن هي لسه في حاله صدمه ولما هتفوق و تسترد شخصيتها هنعرفها.... كونه مكملش،اغتصاب مش معناه انها هتسامحه ولا ان الموضوع بسيط
خلينا نشوف الموضوع بنظرة أشمل وواقعيه اكتر..... واحدة واتحطت في ظرف زي ده
مش هنقول تقتله تفضحه او تسيبه لان في الواقع الفعل أصعب بكتير من الكلام
وده اللي عاوزة احاول أعرضه معالجة نوعا ما واقعيه لواقع اتفرض عليها ومش قادره تقبله وفي نفس الوقت مش، عارفه ترفضه
هستني مناقشتكم علي الجروب