😍-_-لمة حبابات صحابات-_-😍

افكار الكرونيكات

سلاموووو كيراكم بون ليوم جيتكم بموضوع خدملي فعقلي لبارح قبل لا نرقد و لي هو الكرونيكات بشكل عام ماشي غير الواتباد يعني القصص او روايات او الكرونيكات ما همش غير فالواتباد دونك هذا الموضوع هو فكرة الكرو

نبدو على بركة الله❤

صلو على سيدنا محمد صلى الله عليه و سلم ❤

موضوع اليوم:اختيار افكار الحكايات 😑

كيما علابالنا الواتباد راه يلم فئات مختلفة من الاعمار و كذلك كل مواقع تواصل الاجتماعي ماراهيش فيها فئة عمر وحدة راهي متنوعة

كاين لي يحدو العمر اما شعب ما يحترمش 😔

للكاتبات كي تخيرو فكرة الكرو خيرو فكرة موزونة تتضمن حاجة من المجتمع فكرة من المجتمع ما تكتبيش صوالح و نتي علابالك بلي مكانش منهم فاالمجتمع كتبو رواية تتضمن قضية اجتماعية

غادي تقولولي علاه و هادي حرية اختيارنا لالا هادي ماشي حرية اختياركم بسكو نتي غادي تكتبي و نتي علابالك بلي ماشي حقيقة اما لي غادي يقراو يتأثرو بالكرو و بالأحداث ديالها خاصة فئة المراهقين لي مازال ما شبعوش عقولهم لي مازالهم صغار ماتعرفيش بالاك يسيو يقلدو لي راه فالرواية لكان ما يلقوش لي ينصحهم و يوجههم قادرين يديرو صوالح كبار تحت تاثير الكورنيكات ولا الروايات بشكل عام نتي ككتابة علابالك بلي هادي رواية من محو الخيال تاعك و عقلك غادي تكتبي و ديري نهاية و وتبعدي اما لا لي يقروها غادي يتبعو تفاصيل حبة بحبة و يتأثرو ياخي مكانش لي ما بكاتش فرواية ولا ما ضحكتش كامل تأثرنا ياو لوكان بتبسيمة

خاصة فئة الاغتصاب و موراه زواج و يجي موراها الحب

هادي انا نعتبرها اخطر فئة كرونيكات تعرفو علاه بسكو وحدة صغيرة و تكون متاثرة و مكانش لي يعسها قادرة تمد شرفها و دير فعقلها موراها يتزوجها و يعيشو قصة حب كيما الكرو الله غالب صغيرة ما تعرفش و الزمان هذا مايرحمش و كلاب تع زمان هذا حاشا اسمواتهم و حاشا البعض مايرحموش يحوسو غير على صوالحهم

ختي ولا خويا لي راكم تكتبو رجاءا خيرو موضوع مافيهش صوالح ماشي مالواقع خيرو حاجة تعبر على الواقع حاجة توصل ميساجات للطفلة بلي تحرز روحها ولا كتبي فروايتك باللولة ماشي تالية باللولة كتبي بلي رواية هادي من نسج خيالك و الاحداث ماشي حقيقية و ما تتأثروش ولا ديرو حاجة ملي هنا اما على هادوك لي يكتبو بلي بعض الاحداث من الرواية حقيقية صراتلهم ولا صرات لواحد يعرفوه لا ختي ماتقوليش هاك هوما ماغاديش يعرفو واش من حدث حقيقي بالاك عقلهم يروح لحدث وحداخر كبير يا خوتي حرزو راهم معاكم هنا دراري يا خوتي انا شفتهم بعينيا يتأثرو و يقولك لوكان غير نعيش قصة كيما قصة البطلة

نديرو حملة

#اختر الفكرة الصحيحة

هذا طلبي منكم و طاقو هنا لي تعرفوهم يكتبو خلوهم يحرزو

طشاو😍