#اخر مره وقفنا لما عمار كان عايز يطلع الجزلان وتفاجأ بانو جيبو فاضي وهو م منتبه من انشغالو بالجامعة وبقى بفتش وطلع بره حوش الجامعه وبقى يفتش ويسأل لحدي م واصل الباب وجا راجع وأثناء م هو بعاين ف الارض وبفتش اتكلم معاهو واحد :
..... ::ي شاب انت عمار
عمار: (وهو مخلوع ومستغرب انو ف زول ناداهو باسمو ) ايوه انا عمار
.... : طيب انت عندك شي ضايع منك؟
عمار : اي جزلاني رايح والله ف الايصالات بتاعتي والبطاقه
... : ايوه ايوه روق انا لقيتو وشفته الصوره خقتك فيهو والاسم وياهده جزلانك
عمار : يااخ الله يفتح عليك والله م عارف اقول ليك شنو والله انت انقذتني
....: العفو يااخ بستأذنك عندي محاضره ماشي الحقها وداير اشوف قاعتي وين
عمار: بالتوفيق ي زول انا زاتي ماشي احصل محاضرتي نتلاقه تاني ان حيينا
.... : ان شاء الله بتقرا شنو انت؟
عمار : معمار أولى : واسم الكريم منو ياخ مع اللخبطه م سألتك اعفي لي
.... : عادي ولا يهمك اسمي خالد يااخ معقول بتقرا معمار وأولى؟؟؟
عمار : عظيم الشرف ي كابتن ايوه بقرا معمار ههههه لي مستغرب
خالد : انا زاتي بقرا معمار اولى وبفتش لي القاعه وانا مقسم المجموعه أ
عمار : معقوله بس ياخ محاسن الصدف حتى انا ف المجموعه أ ويلى ارح نلحق
خالد : اي والله ي سلام ياخ شوف بدت بي شنو وانتهت بشنو ارح طيب
#ف_القاعه :
عمار وخالد دخلو القاعه وقعدو ف البنشات قبلي الاخيره وقدامهم مباششرة كان ف بتين قاعدين المهم هم جو قعدو بعدهم وبعد شويه يجي داخل واحد علي القاعه النوع المبتسم ابتسامة خفيفة كده المامطمنه ديك وظاهر عليهو ناقشه داك يجي خاشي لحدي م يصل عمار وخالد اللي هم كانو قاعدين جمب بعض ويسلم عليهم ويقعد
عمار وخالد : (عاينو لبعض ف دهشة كده وردو السلام)
بعدها يجي الدكتور يسلم ويبدا يعرف نفسو....... الخ الحنك بتاع المحاضرات داك المهم الدكتور خلص وبعد م الدكتور طلع.......
..... يتبع.... 🖋️
