حازم:ينهار اسود اوعي يكون الي في بالي
اوس:ايوا انا جوزها
حازم:ينهار اسود طيب سلميلي علي خالتي استاذن انا بقي
اوس مسكه زي الحراميه مش عيب عليك لما تيجي عند خالتك وتمشي كدا
حازم:اه منا هبقي اجيلها تاني أن شاء الله
اوس:لا ازاي مينفعش طبعا
حازم:اوعي تفهمني غلط ليل ديه اختي وحيات ربنا
اوس:لا بجد
حازم:اه والله حتي اسئلها انا برئ يا باشا
اوس:طب اسمع منك بقي اختك جدتك لو تقربلك ايه لو قولتلها أي لقب تاني غير ليل بس انت حر شغل بقي يعيوني وحياتي والكلام ده كله انت حر متلومش غير نفسك
حازم:حاضر مش هتكلم ممكن تسبني بقي عشان بقي منظري وحش اوي
اوس سابه انا حذرتك بس كدا
حازم حاضر يا باااي عليك انت صعب كدا ليه
اوس:ها بتقول حاجه
حازم :لا ممكن ادخل بقي ولا بلاها
قاطعت ليل كلامهم
ايه يا اوس كل ده واقف عندك مين
ليل بصوت عالي :حزوقه حبيبااااي
حازم بص ل اوس
راح ل ليل سلم عليها وبجديه:ازيك يا مدام ليل
ليل باستغراب:في ايه يولا انت عامل زي التمثال كدا ليه جاتك نيله
اوس باصص ل ليل وساكت مستنيها تخلص
حازم خايف من اوس :تمثال ايه يمدام ليل انا كويس اهو انتي عامله ايه لا أقصد حضرتك
ليل بصت ل اوس وفهمت حازم بيتكلم كدا ليه ولحظت أن لو اتكلمت تاني هينفجر فيها
ليل :ايه اخويا وجاي من السفر
اوس:انا اتكلمت كملي
حازم:اومال خالتي فين يا ليي اقصد يا مدام ليل
ليل:جوا تعالي
حازم دخل وليل داخله وراه
اوس مسكها من ايديها واتحكم في اعصابه
اوس:كلمه كمان هنروح دلوقتي سامعه
ليل:يا اوس مفيش حاجه والله اخويا
اوس:مش عايز كلام كتير انا قولت
ليل: ربنا يسهل
اوس:اما اشوف
ودخلوا وجت سلوي وقعدوا كلامهم وبقوا واخدين حذرهم في الكلام سلوي كانت مستغربه كدا كمان بس سكتت قضوا اليوم سوي واستأذنوا عشان يمشوا
اوس ساكت مبيتلمش وملتزم الصمت
ليل قطعت الصمت احنا هنسافر فعلا بكرا
اوس باقتضاب:ايوه
ليل:هنسافر كلنا
اوس:ايوه
طب يعني
اوس:خلاص
ليل:انت مش طايقني ليه يعني بكلمك والمفروض انا الي ازعل مزعلتش زيك كدا
اوس:مش حكايه زعل حكايه أن كلامي مبيتسمعش
ليل:يا اوس انا مش بعاند في الباطل ده اخويا يعني هتعمل ايه لما اقولك متهزرش مع اختك .
اوس: خلاص يا ليل
ليل'يا اوس انا مش بحب يزعل مني اصلا ومش بعرف انام وحد زعلان مني فبلاش الزعل ومفيش حاجه تضايق
اوس:خلاص مفيش حاجه
انا كنت اوڤر صح 🌚
ليل:جدا بصراحه
اوس:زودتها
ليل:زودتها ايه ده انت خربتها خالص ويعيني علي حازم وافتكروا شكله انفجروا في الضحك
ليل:😂😂😂😂ده عيل فقر
اوس:😂😂😂😂😂
ليل سرحت في ملامح اوس شويه وهو بيضحك
اوس لاحظ ايه مالك
ليل:اول مره اشوفك بتضحك من قلبك اوي كدا
اوس:مش يمكن انتي سبب الضحكه ديه
ليل بصتله كتير واتكسفت وسكتت
اوس : بتتكسفي اوي يا بت الي يشوفك وانتي بتتكلمي وتتخانقي ميشوفكيش دلوقتي
ليل:خلاص بقي الله لا اله الا الله علي البشر يجدع
اوس:اهي قلبت اهو
وضحكوا ووصلوا البيت وبدأوا يجهزوا الشنط
اوس انا هروح مشوار وراجع تاني
ليل:في حاجه ولا ايه
اوس:لا ده مشوار صغير كدا كل حاجه خلصت ارتاحي شويه
ليل:ماشي
وخرج
عند آسر
آسر:بابا عايزك
طه:مش دلوقتي عشان انا مش طايق نفسي
آسر:يا بابا بقولك عايز اتكلم معاك
طه بزعقيق:, وانا بقولك مفيش كلام اطلع برا
آسر بعصبيه :انا كل ما تطلب اكلمك تزعق وانا اصلا مبقعدش معاك ولا بشوفك بسلم عليك بالصدفه مع اننا في بيت واحد وفي الاخر يوم ما اطلب منك حاجه تزعق هو فيه انا مبقتش صغير عشان تعاملني كدا خلاص الي انت كنت بتعمله فيا وانا صغير خلاص ومش هنساه ولا عمري هنساه ولو علي الكلام الي جاي اتكلم معاك فيه مش عايز اتكلم ومن هنا ورايح ملكش دخل في حياتي زي ما انت رافض تقرب مني من زمان طول عمري بقول رضا الاب والام لما تدعي عليا وتفضل تضرب فيا وتقولي غضبان عليك بلف الدنيا كلها عشان اصالحك واشتري سعادتك كنت علي طول تقولي مش راضي عنك لنا افكر انا عملت ايه عشان تقولي كلمه زي ديه مبلقيش رد انت واخد علي طول عشان انت اب يبقي لازم تقولي مش راضي عنك وانا راضي بس اقولك علي حاجه عمرك ما كنت الاب الي تستاهل كلمه حتي اب عشان تقولي حتي مش راضي عنك ومن الساعه ديه انت ملكش دخل في حياتي خالص
رد عليه طه ضربه بالقلم علي وشه قدام الكل
طه:انا ابوك ومن حقي اعمل اي حاجه
آسر ساكت من صدمه أن ابوه اهانه قدام العيله كلها
آسر:كنت انت اب صح
لو شوفتني تاني ميبقاش اسمي آسر الرفاعي ومن هنا ورايح انا مليش اب انت مت زي امي
الله يرحمك وعمري ما هسمحك علي الي انت عملته فيا طول عمري من ساعه ما كنت صغير وتكوي جسمي بالنار وتربطني عشان تتخانق مع امي عمري ما هسمحك
صالح واقف بيتابع الموقف وساكت
آسر سابهم وطلع يلم هدومه
ونازل
صالح:آسر
آسر:لو سمحت يجدي سيبني دلوقتي
صالح:آسر تعالي ورايا علي الاوضه
آسر:يجدي لازم امشي
صالح :بقولك ورايا
احترم جده ودخل معاه اوضه المكتب
آسر:نعم يجدي
صالح:عايزك تفهمني حصل ايه
آسر:بجد يجدي مش عايز اتكلم دلوقتي
صالح:وانا عايز اسمع
آسر قص عليه ما حدث لحد ما جده شاف الباقي
صالح:انت من الاول كنت عايز تتكلم في ايه
آسر:ملهاش لازوم دلوقتي خلاص خلصت وقام وقف
صالح:اقعد وانا بكلمك ليه مخلصتيش كلامي
آسر:اتفضل يجدي
صالح:ايه الموضوع الي عايز تقوله
آسر بحسره:كنت هقوله انا عايز أتقدم واتجوز البنت الي انا حبتها
صالح:طب وفيها ايه
آسر:قوله كدا انا اصلا متكلمتش معاه زي ما انت شوفت كدا حصل ايه
صالح:طب وهو كان هيمانع يعني
آسر:يمانع هو هيرفض اصلا بس انا حبيت اعرفه زي اي ابن بيتكلم مع ابوه
صالح:وهيرفض ليه انت راجل وقد كلمتك ومعاك شغلك وتقدر تفتح بيت من الصبح
آسر بنفاذ صبر:ما هو الي بيقول لا عايزني اتجوز وعد وانا مش بحبها اي اختي بس ومش هتبقي غير اختي وانا بحبها جدا زي عهد ومش عايز يكون الوضع حساس بنا
صالح :طيب لازم ناخد الأمور بعقل مش كدا وعلي العموم عشان متطلعش عيل من الموقف ده هسيبك تسافر البلد وتقعد شويه مع نفسك وترجع ولما ترجع انا هجوزك البت وكمان بموافقه ابوك ذات نفسه
آسر:مخلاص يجدي هي هتتجوز استنتني كتير واستحملتني اكتر هتستني ايه تاني
صالح بثقه:انا معرفهاش بس هي لو بتحبك زي ما انت دموع التعب والحب في عينك عمرها ما هتفكر في غيرك
آسر:يارب يجدي بجد انا بحبها اوي بس اعمل ايه انا عمري ما كنت هسيبها حتي لو هتجوز وابويا مش راضي بس هي الي موافقتش قالت عمري ما هرتاح وفي عداوه بينك وبين ابوك
صالح:اصيله وبنت ناس وتعرف الاصول
آسر؛ما هي مطلعه عيني في كدا 🤦🤦
صالح:خلاص الي في الخير ربنا يقدمه ووعد من جدك هجوزهالك وقريب جدا ها ايه ريك
آسر باس إيد جده
ربنا يخليك لينا يا صلوووحه
صالح:صلوحه طب انسي اي حاجه قولتها
آسر:عيب عليك ده انت البركه
صالح:خلاص يا واد متبقاش ملزق كدا يلا اسبقنا انت واحنا وراك الصبح
آسر:ماشي يجدي
صالح:معاك فلوس
آسر:عيب عليك لما تسأل اسر الرفاعي سوال زي ده
صالح :ايوه كدا راجل
آسر خرج متغير موده اربعه وعشرين درجه وخد الشنطه وبداأ رحلته لرجوع للاقصر
YOU ARE READING
مجنونه ولكن احببتها
Fantasyمجنونه مشاغبه ولكنها في الحقيقه أكثر من ذالك بكثير وحين تضيق الدنيا لم تعرف ما بداخلها ف أنها كتومه جدا ولكنه صعيدي ولكن من سيتحمل الثاني ويبقي الاقوي
