أنت ملجئي الوحيد

البارت الخامس

‏أنا هُنا حين تَخونُك الشوارع والطُّرق
حين تفقدُ القُدرةَ على فهم الأشياء من حولِك
وتغدو بلا وجهةٍ وأصدِقاء هاكَ كُلّي، وإتَّكئ.

_ ع.. عماتي.. و.. وابنها. ع. علي دكتور ....امانه الله لا لأ ترجعني

مروان:هاي تمره ..تمرة بن الشيخ حسين هيج حالتها صدك تحجي

_من كل عقلج جايتني بهل حاله وتريديني تريدني ارجعج تخبلتي انتي

مروان:اهداء صوتك هشام

_فهميني تمرة ليش هيج ليش كل ما اتصل متجاوبين ليش الشيخ محسن يكلي بخير ليش جذبتو عليه

تمرة :قبل ..قبل اربع اشهر..عرفو..مامتزوجه منك  وعلي ...علي ابن عمتي فرح رايدني وما..ما ردت الزواج منه بس بس اتهموني بشرفي ..رايد يتزوجني ما قبلت ردت انهزم البارحه وضربني هو وعمتي ومن اجتي ام علي ما كدرت تخليني ودت ابنها يطلعني بدون ما يدرون عماتي وصلني لمحطه القطار اسفه اعرف المفروض ما اجي بس اليوم رادو يزوجوني مستعده اشتغل خدامه والله ما اكول لا بس لا ترجعني

ما كدرت اسيطر على اعصابي ضربت الميز صاح عليه مروان وما اشوفها غير تريد تفتح الباب سديته بسرعه درتها وكامت تبجي وكعت بالكاع وتبجي مثل الطفلة وايدها على وجها وخرني مروان و لزمها ساعدها تكعد ما كدرت اسوي شي لو اساعدها جسمي يرجف اعتذرت منها اكثر من مره ومروان عدل فصخ ايدها وخاصرتها زركه ضغط وتوجعت وكلت اله

_مروان خف ايدك

مروان:تره اعرف بس اريد اتأكد الضربه قويه خايف عدها نزيف داخلي

_منو ضربج على خاصرتج

تمرة:علي

_ليش

تمرة كتله لو تبقه اخر رجال ما تمسني

مروان:لا تخافين تره مابيج شي فتره وترجعين مثل الغزالة بس فدشويه ناخذ اشعه ارتاحي هسه بس كوليلي جوعانه

تمرة:لا ... لا شكرا ماكله

مروان:ميصير تجذبين لان فدشويه راح ناخذ اشعه ولازم اتأكد شوكت ماكله

تمرة:ا..البارحه..الصب..ح

وكفت على حيلي لزمت الغطه وخليته على ضهرها غطيتها عدل وخرت شعرها من وجها جنت قريب كلش عليها بقت صافنه بوجهي وكلت

_راح تبقين يمي واني راح اتكفل بكلشي يخصج بس بيوم الي ترجعين الهم لو فكرتي اني الي راح اكتلج خلاص