يقين : هههههه انته ونصيبك بعد
ماجد : بس لحضه انتي معجبه بيه مثل مااني معجب بيك لحضه شنو معجب بيك اني هايم بيج وعاشكج
يقين : شوف ماجد اني طبعي كولش صعب مو بسهوله انعجب بشخص يعني اكولك حاول تكسر هل شي الصعب
ماجد : تتحديني
يقين : كول هيج شي
ماجد : شنو المقابل
يقين : ماكو مقابل
ماجد : تحبيني قلبا وقابلا وروحا وجسدنا
يقين : تمام بس اخاف تتعب
ماجد : هههه صدوك ضحكتيني صارلي سنه افتر وراج بدون امل هسه من انطيتيني امل اتعب
يقين : والله بهاي حقك يلا نرجع كملت
ماجد : يلا يا مرتي المستقبليه
يقين : ماااجد
ماجد : اروح فدوه الاسمي الطالع من شفافج
يقين : رجعنه للبيت وماجد ضل كول شويه يذبله كلمه ويباوع بلماريه أنا اني مكيفه علا كلامه الحلو بس منطيته الاذن الطرشه
يقين : ماجد نزل المسواك ودخلنه للمطبخ واني ورا شايلين العلاليك من دخلت شفت دانه بت عمي ابو منصور شلون فكت اعيونه علا ماجد
ماجد : ها يقين هاهيه بعد ممحتاجه شي
يقين : لا تسلم تعبناك
ماجد : تعبج راحه اعيوني يلا اني طالع
يقين : الله وياك طلع ماجد جان تطفر عليه دانه
دانه : لج هذا الصاك منو
يقين : وزقنبوت شبيج شنو هلهمجيه
دانه : يلثوله مو جاي اسئلج بس لا ماجد صديق علاوي
يقين : اي هو شبيج مشايفه
دانه : لا حبيبتي شايفه وعايفه جوز انتي الماشايفه ومتردين تحجين بي
يقين : احد كالج اني مثل حضرتج حتئ اعوف وأشوف اني يقين تربات علي مو دانه
دانه : اووي عمه شبيج
يقين : شبت بيج
علي : ها يقين حبيبي يلا اشوف المسواك
يقين ؛ اي حبيبي هذا كبالك
علي : كلبت المسواك اي عاشت ايدج خوش مسوكه
يقين : ههههههه تربات ايدك
علي : اروح فدوه اي صدوك سماره ادك عليج متحصلج ليش تكول مغلق
يقين : اي معرفت شتريد تليفوني مكسور وطافي
علي : تسئل علا قياسج للفستان شكد
يقين : هاا اي صحيح اتذكرت اني احجي وياهه بعد شويه من تليفونك
علي : تمام يلا اني طالع خفي ايدج بتنضيف البتيته والبصل الطباخ راح يوصل