الحفيدة المفقودة _ باللهجة الجزائرية _

بارت 42

سلام البنات راح نهدرلكم على حكاية الزواج قبل و لا بعد كنت سقسيتكم فالبارت لي فات على رايكم و الاغلبية كانوا حابين الزواج دوكا يعني قبل بارسكو قريب كامل نحبو هذوما الحكايات تاع زواج بالاجبار ؛ مقبيل كنت نقرا فواحد الكرونيك لي عجبتني بزاف و كنت نقرا فيها حتى لحقت وين قال البطل تاع القصة بلي راح يتزوج بالبطلة منبعد صراحة محبيتش نكملها بارسكو كنت حابة يتقربو كثر من بعضهم باش يتزوجو صراحة بزاف حكايات هكذا الزواج قبل على هاذي قررت ندير الزواج مع الاخر البنات لي حبو زواج قبل سمحولي على كل الاحداث تقريبا نفسها اذا كان زواج قبل و لا بعد

فراس : ههه و كيفاش راح نرجعها
راشد : فراس راح تتزوج اريام
فراس : ... وقيلا خرفت جدي راك عارف واش راك تقول
راشد : راني في عقلي وعلبالي واش راني ندير
فراس : مراحش نتزوج وحدة نتوما تخيروهالي كي نحب نتزوج نتزوج مراح يسيف عليا حتى واحد
راشد : واش كاين خير ملي تتزوج ببنت عمك و فوق هذا راح تفرح داركم و ترجعو كيما كان
فراس : الغلطة نتوما غلطتوها و نتوما تخلصوها ماشي فراس

كمل فراس يسوق و هو منارفي ملي قالوا راشد و راشد كان ساكت معلبالوش كيفاش راح يرجع عائلته كيما كانت

فالليل :

رجعو من سبيطار فليل و دخلوا معتز كان مع الاول شاف اشرف و جيلان و يوسف يتعشاو خزر فجيلان بحقد كبير ؛ وصلت رسيل شافت جيلان تتعشا و تضحك

رسيل : نتي تضحكي و انا نتعذب

طلعت جيلان راسها

جيلان : اه جيت.....

مكملتش هدرتها حتى لقات وجها داخل شربة بدات تعيط باش طلع راسها الشربة حرقتها بصح كانت تحس بيد شادتلها راسها

اشرف : وشبيك هبلتي طلقي مرتي ... معتز هدر مع مرتك

معتز خزر فيه بكل برودة ؛ رسيل جبدت جيلان من شعرها و طلعتلها راسها

جيلان : مهبولة نتي حرقتيلي وجهي

جاب اشرف الماء و مسحلها وجهها لي رجع حمر جيلان ناضت لرسيل راح تضربها شدتلها يدها و دورتهالها

سلاف : رسيل ختي حبسي
رسيل : راح ندمك على واش درتي يا جيلان
اشرف : رسيييييل حبسي و احتارمي روحك

رمات رسيل جيلان جات طايحة فوق الكرسي

.....

راشد و فراس كانوا داخلين حتى سمعوا العياط دخلوا

رسيل : نتا لي احتارم روحك اشرف ¤¤¤¤ وقيلا مزال متعرفوش رسيل مليح لوكان جيت راجل لوكان راك علبالك بمرتك واش راهي دايرة اههه هذا اذا مخدمتوهاش مع بعضكم ماشي لي تقولو هيا نتا ديرو
اشرف : واش راكي تقولي هبلتي

....

راشد : واش كاين هنا
اشرف : شوف مرت وليدك واش راهي دايرة ولا وليدك لي ساكتلها
راشد : رسيل معتز واش كاين
رسيل : انا نقولك عمي

خزرت فجيلان لقاتها صفرة و راح تموت فبلاصتها

رسيل : عوام و عوام و انا نحوس نعرف شكون لي قدر يسرق بنتي و يبعدها عليا الوقت هذا كامل بصح جامي خممت بلي راح يجي نهار و لي سرقها يكون عايش معانا فهاذ دار قصدي جيلان ههه راني نكذب قولي
جيلان : انا ... انن..نا .....
رسيل : نتي واش نتي لي حرمتيني من بنتي و جامي غضتك شفتيني و انا نتعذب بصح جامي انبك ضميرك بنتي جات لعندي اريام عاشت وسطنا و انا معلباليش بلي بنتي و محبستيش هنا جبتي طفلة واحد اخرى باش تكون بنتي و بسبتها انا حاوزت بنتي و ظلمتها و ضربتها كل ما نتفكر ..... بسبتك اليوم بنتي مراهيش حابة تشوف ممبا فيا مقدرناش نكونوا معاها كي كانت بين الموت و الحياة نتي متقدريش تكوني يمات متقدريش لوكان جيتي تعرفي واش معنى تكوني ام مكونتيش راح تبعدي ام على بنتها

راشد راح قدام جيلان و قاللها

راشد : لي راهو تقولو صح
جيلان : .........
راشد ( عيط عليها ) : ايه ولا لالا
جيلان : ايه ايه انا لي ديتها و مديتها لخالتي انا كان علبالي بلي اريام بنتكم كنت حابة نبعدها عليكم على هاذي قلت بلي هي بنت حرام و هكذاك محوزتوهاش على هاذي جبت نجلاء

معتز مع كل كلمة يزير على يدو

جيلان : كان لازم ندير هكذا على جال ولادي خافت تدي كلش و يخرجو ولادي هكذاك و نوليو نمشيو تحت يدها
راشد : يا خسارة جيلان يا خسارة ... الطمع و الدراهم عماولك عينيك
معتز : ..... انا مراحش نزيد نقعد دقيقة فهاذ دار و كل يوم نشوف وجهها

جا طالع عيط راشد

راشد : وين ... مكان حتى واحد راح يخرج حابين تخربو الدار وشبيكم معتتز
رسيل : ماشي حنا لي نخرجو هي بلاصتك فالحبس كي نشكي بيك تما وريلي واش راح ديري

جيلان ولات صفرا راحت تجري عند اشرف

جيلان : اشرف اهدر معاهم ياك انا مرتك مراحش تخليني

خزر فيها اشرف لي عينيه كانوا حمورا و ضربها كف

اشرف : تستاهلي كثر من هكذا .... كنت دايمن نحتارمك و لي تقولي عليها نديرهالك و لي تحبيها تلقايها قدامك بصح نتي خربتي دار و دمرتيلي داري وعلاش درتي هكذا وعلاش مخممتيش فولادك
ماليوم منحبش نزيد نشوف وجهك
جيلان : اشرف ....
اشرف : رسيل معتز سمحولي بزاف راني حاشم منكم بزاف علبالي ماشي من حقي نطلب منكم بصح تعيشو متشكيوش بيها مرانيش حاب يوسف يكبر و يماه فالحبس
معتز : واحد مراح يشكي على واحد خويا

تبسمله اشرف منبعد شد يد جيلان و قعد يكركر فيها مخرجها لبرا يوسف قعد يجري موراهم

يوسف : ماما ... ماما

لحق اشرف قدام الباب رماها حتى حست عبد شدها

شكون هو كل وحدة تكتب توقعها

هذا هو البارت ان شاء الله يكون عجبكم خليولي جام و تعليق و البارت الجاي راني نكتب فيه غير نكمله راح نحطه شوية تفاعل برك 💚❤💜💛