اشعار حب وغزل

شعر

ياحضرت عشك ليش هيج وياي
اكلبت كل الفرح احزان سويتة
اجرحتني والاجرح ماضن يطيب
وبحلوك الشماتة اليوم خليتة
خاويت الحزن من انة وصغير
واني مكمط بعدني وبيدي لفيتة
ليش بهالزمن كل من يحب ينداس
واليعشك صدك بالدنية ذليتة
ماريدك بعد راح الله وياك
جرح فوك الدمع وهموم واسيتة
ياحضرت عشك دلينة باب الموت
احسن من عذاب البيك تاليتة

ياعمري بعشرتك لاتظن انساك
ولاكلبي حجر حتى اكدر بدونك
غدار الوكت ماخلة جرحي يطيب
ودوم الروح عنك تسأل شلونك
صح دربي طويل وانته عني بعيد
بس تدري احبك واعشق عيونك
سألت الروح عنك جاوبتني دموع
ماحبك فقط ثاريني مجنونك
سلملي على ياحبيب الروح
واذكرني بحلم لو قمضن عيونك