عشقي انت : زكريا و مريم

26

اليوم نهار جديد

تفاهمنا نتلاقاو في الكافي اللي تلاقينا فيه اول مرة... كي لحقت شفت منظر... ركايبي فشلو.... حكمتني الصدمة.... قاعد مع وحدة و حاطة يدها فوق يدو و يضحك معاها... يا ربي واش هاذا... ثبتت معاها مليح بلاك تكون إلهام مي طلعت ماشي هي.... السيد كل يوم مع وحدة و انا ماشي فايقة.... خرجت من تما نجري... رجعت للدار و طفيت تيليفوني

بعد اسبوع :

زاكي يحكي :

سمانة كاملة ريحتها مكاش.... من آخر مرة كي تفاهمنا نتلاقاو في الكافي ماجاتش... بصح تلاقيت مع وحدة كانت تقرا معايا و عزيزة عليا بزاااف

Flash back :

كنت قاعد نستنا في مريم حتان نسمع صوت يعيط باسمي

ماريا : زاكي؟؟؟!

زاكي : ماتقوليليش ماريا

ماريا : ياااي هههه واش راك دير هنااا

و قعدنا نحكووو هدرة تجيب هدرة... حتان سألتني واش جابني هناا

زاكي : في الصراحة جيت توغيست..... بصح بالصدفة لقيت حب حياتي هناا

ماريا : أوووو أرواح تسمعو.... شكون اللي قال زاكي يديها تركية 😂😂😂

زاكي : 😂 😂 😂 😂 والو ماتتبدليش نتي؟؟؟

ماريا : ياس انا لا اتغير.. العادة هي العادة.... هيا هيا ابدا تحكي

ماريا ثيقة و نعرفها من وقت طويل.... حكيتلها كلشي


ماريا : أوووو لازم نشوفها هاذي اللي طيحت صذيقي على راسو 😂😂

المهم... فاتت سمانة و انا نعيطلها تيليفونها مغلق... حتى دارها مانعرفهاش... كل يوم نخرج البرا نقول بلاك نتلاقا بيها و والووو... ريحتها مكاش... على كل حال عرس آية و هشام مابقالوش و انا لازم غدوة نهبط ل دزاير.... وهي بلاك نشوفها في العرس ساعتها راح نفهم منها علاش دارت هكاا

يوم جديد :

نضت اليوم على 4:00 نتاع الصباح... باسكو طيارتي مع 6:00 وجدت روحي لبست و كلش هبطت لتحت تقهويت... و قلعت للمطار.... قعدت نستنا في الطيارة... بعد مدة عيطولنا باش نركبو.... حكمت بلاصتي... هكا جاية شغل فيها مقعدين... اللي بحذايا جاية قدام التاقة و انا لا..... المهم درت الكيت في وذنيا و قعدت نسمع في غنى... حتان نشم في ريحة بنيينة و انا نعشقها... اومبعد استغفرت و عاودت غمضت عينيا... حسيت بواحد قعد بحذايا... مي ماهتميتش ل هاذ الشي... كملت نسمع... حتان كانت الطيارة مقلعة. نحس في ضفار تغرسو ف يدي... حليت عينيا و نلقا حبيبة روحي خايفة و مكبشة في يدي ب ضفارها... مالقيت نضحك و لا نفرح اللي راهي بحذايا

محكيتش معاها ديراكت ديتها في حضني... عنقتها... حسيتها هدات شوية و نفسها انتظم.... عرفتها رقدت... عدلتها في بلاصتها... و قعدت طوول الطريق و انا نغزرلها... يا عمري 😍... راقدة كي الملاك... شحال نعشق فيها يا ناس... كلشي فيها مميز... ضحتها.... لعبها كي الولاد الصغار.... شنوفتها اللي تقتلني بالضحك... حتى في الرقاد و مميزة... نحبها ❤️❤️❤️❤️🌏