عشك الشيعي للسنية ( عشك وغرام رغم لاختلاف)

بارت 6

عمارة سيف ـ غرفة رافد

كعدت الصبح ملكيت فطومتي بحضني بعدني ساد عيني تلمست الجهة الي بصفي ماكو فتحت تك عين هاي صدك كايمة شفت الساعة 6:15 كمت طلعت شفتهة جاي تحضر ريوگ حضنتهة من ورة وكلت واني ابوس خدهة: صباح العسل يا ادماني
فاطمة: صباح النور و الياسمين يا احلا شي بدنيتي
رافد شديت حضني على خضرهة وطببت راسي بركبتهة: هاي ليش عايفتني وحدي اني مو كلت وجهج اول شي اريد افتح عيوني عليه ها. وعضيت خفيف
فاطمة: اخ حبيبي والله فزيت من النوم عبالي راح يطب اخوي دة يبدل شي وكمت فتحت تلفوني لكيتة داز انو اخذ السيارة وطلع لحد ينتضرة وبس وكعدت اسوي ريوگ ل خطيبي وبعدين اكعدة بطريقتي بس رافد خرب كلشي
رافد: ها اذا هيج خطيبج يسامحج بس رافد لا لان مشتاقلج. وبديت ابوس بركبتهة شو هاي دفعتني قوي وهية تكول
فاطمة: لا رافد تعرف اذا زوركتني يعلكنة سيف ليش هيج حبيبي يعني قبل جنت البس شال لان كلنة بيت واحد وية ولد عمي هسة وية اخوي بس
رافد: هم لبسي هنا اني اغار
فاطمة: لا ولله هم انت بطل تحضن بخواتك والبس تيشيرت من تنام لان هم اغار. وطلعت لساني
رافد: لج لتخليني اطلع خبالي اني رجلج ميكدر يحجي شي
فاطمة: لا يحجي لان هو المسأول عني وحزام ضهري
رافد: واني وين طرت
فاطمة حسيتة زعل حضنتة وحطيت راسي على صدرة ويدي تمسح على صدرة حسيتة رخة وبادلني الحضن كتلة: حبيبي تعرف انت شنو من معزة وحب وعشق حاملتهة الك بگلبي بس قبل لا نخطب ونحب سيف سوة اشياء تخليني اخدمة واني الممنونة يعني هسة لو مو سيف جان اني واختي بطلنة من الثالث لو ما هو جان ما زوجنة لو ما هو جان موصلت لهنا عمري كلة هو عزوتي وحزام ضهري وانت شمعت حياتي و ابو بيتي وعزوتي بعد الله وسيف لا تزعل قسم بلله حسبتك حسبت ابوي واخوي اموت ولا يصرلك شي انتم رحمة من الله لولاكم جان صرت فصلية لو نهوة لو مبطلة وجاهلة ونضلمت
رافد:  اسم الله عليج حبيبتي ربي يحفضج عذريني والله اغار من هدومج من الهوة الي يدخل لريتج وحسبي وين وصلت بحبج لج اذا طلبيني اجيج خدام جو رجليج
فاطمه:  حشاك حبيبي والله اني هم احبك اذا روحي تطلب فدوة الك... يلا ترة جعت روح غسل وتعال ناكل
رافد:  هههههه ام بطن.... يلا جايج حبي
فاطمة:  يا وزني 55 هههههه....  يلا بسرعة

ــــــــــــــــــــــ
سيارة امير

وسن: حبيبي عندك حباية
امير: شبيج يا عمري... ليش تضوجين نفسج عوفيهة
وسن: امير انت اكثر واحد يعرف شصار وشتحملت مريم من ضغط وسوالف ما تصدك وتجي لاخت انتم تحبون مريم حب غير شي استغفرالله ليش متكولون الشي الحقيقي
امير: ما نكدر نخاف على امي يا حبيبي قابل غريبة انتي عن هذا الشي
وسن بجي: لا مو غريبة ب..س ته...اه

وطكتهة بجية خلت امير يوقف وندار عليه وهداها بس راسهة يجعهة مشة وقف يم صيدلية وجاب دوة و ماي شربتها وسن ومشو وطول الطريق واحد يباوع للثاني لعل عيونهم تشكي الي بداخلهم الى ان حجت وسن وكالت
وسن: حبيبي والله اسفة بس مريم روحي من الدنية هي ويوسف وبنين تقبل انت هيج يصير لواحد من اخوتك  اني ما لمت اخوك لان الي خلا هيج حنين ترة المرة اذا صيطرت على الرجال تخلي حتة اهلة يتبرة منهم
امير: اعرف حبي ترة مريم اختي و ما اقبل بس ترة مو بس حنين امهات السحورة هم الله ينعلهم
وسن: اي صدك ذكرتني خلي نجيب احد يفهم بامور الدين والسحر يشوف بيتنه وبيتكم خاف مسوين شي اني خايفة ميت فكرة براسي من عرفت هم هيج
امير:  صح لازم بس حبيبي اهلج اخاف يخافون ويبطلون تجونة اذا عرفو
وسن:  لا هو انتم ماعليكم مو صوجكم صوج امهاتهم وبعدين اهلي لازم يعرفون حتى اخاف نجيب احد يكون بعلمهم
امير:  بكيفج... بس غير اذا اكو شي كون جتالهم اني
وسن:  لا عوفهم الله يحاسب...