Nagising si Marigold dahil sa malakas na tilaok ng mga manok. Mabilis siyang nag-asikaso Bumungad sa kaniya ang Ina na nagliligpit ng mga plato. Hinanap ni Marigold ang kanyang Ama at si Brekker. Pero hindi niya makita.
"Anak, kumain ka na. Nasa labas si Brekker, inutusan ng Papa mo. "
Mabilis na lumabas si Marigold para puntahan si Brekker. Naabutan niya itong naghahakot ng mga kahoy. Napangiwi si Marigold nang makitang lahat ng kapit bahay nakatingin sa Pawis na pawis na Brekker. Umaga pa lang ay naliligo na ito sa sariling pawis.
"Pa, pinapagod niyo naman masyado si Brekker," nakabusangot na reklamo ni Marigold sa Ama
Masamang tinignan si Marigold ng kanyang Ama.
"Wala pa 'yan sa kalingkingan ng pagod ko nang ako'y nanligaw sa Mama mo. Halos lahat ginawa ko para makuha siya."
Napangiwi si Marigold sa sinabi ng Ama dahil muli na namang binabalikan ang nakaraan.
"Ayusin mo diyan! Magpapakain ka pa ng manok!"
Pumasok ang Ama niya sa loob ng bahay para kunin ang pagkain ng mga manok kaya mabilis na lumapit si Brekker kay Marigold.
"Magandang umaga My Photographer," nakangiting bulong ni Brekker
Yayakap sana si Marigold kay Brekker nang marinig ang malakas na sigaw ng Ama.
"Marigold! "
Mabilis na pumasok si Marigold nang marinig ang malakas na sigaw ng Ama niya. Mahinang natawa si Marigold dahil pakiramdam niya ay para siyang bata kung pagbawalan ng Ama.
Umakyat si Marigold sa kwarto niya para kunin ang Camerang bigay ni Brekker. Gusto niya ito kuhaan ng larawan bilang alaala. Bumalik agad si Marigold. Naabutan niya pa rin si Brekker na nagbubuhat ng mga kahoy.
"Brekker!"
Gulat na lumingon si Brekker kaya mabilis na kumilos si Marigold para kuhaan ito ng larawan. Napangiti siya nang makita si Brekker na sobrang gwapo. Sunod-sunod itong kinuhaan ni Marigold ng larawan hanggang sa magpakain ng manok.
Napahalakhak si Marigold nang makitang tinuka ito ng Manok. Malutong namang nagmura si Brekker. Ang sunod nitong ginawa ay nagpakain ng mga baboy. Maraming larawan na nakuha si Marigold kay Brekker.
Napatakip ng bibig si Marigold nang abutin ng baboy ang timbang may laman na pagkain. Malakas na napasigaw si Brekker dahil ang baboy ay pilit na lumalaban.
"Ano ba yan! Ayusin mo 'yang bata ka! " Malakas na sigaw ng Ama ni Marigold
"Mamimingwit pa tayo kaya bilisan mo!
"
Nanatiling nakatitig si Marigold kay Brekker habang may hawak itong Camera. Wala ng narinig na reklamo si Marigold kay Brekkerer. Galing ito sa mayaman kaya alam niyang hindi ito sanay sa gawain ng buhay mahirap.
"Meryenda muna kayo Nestor. May kamote at kalibre dito! " Malakas na sigaw ng kaniyang ina.
"Kumain ka muna dito. Marami ka pang gagawin."
Nakangiting naglakad si Brekker papunta sa kanila.
"Kumain ka ba nito? Baka naman pati ito aayaw ka? "
Pekeng ngumiti si Brekker.
"Naku! Kahit pakainin niyo pa ulit ako ng Ahas. Okay na okay lang. Hindi naman ako mapili."
Mayabang na sigaw ni Brekker
Ngumisi ang Ama ni Marigold
"Sige, mamaya ikaw ang uutusan kong kumuha ng cobra para kainin mo. "
YOU ARE READING
Sweet Obsession Series 2:Brekker Puppert(EDITING)
RomanceSi Brekker Puppert ay isang sikat na Modelo sa murang edad. Siya ay pinagkagulohan dahil sa angking gwapo at talento. Pero siya ay kilala na Babaero. Lahat ng babae ay lumalapit sa kanya. Ang lahat ay nagbago nang makaharap niya ang kanyang Photogra...
