بعد شهر 💤👀 ...
عند امل وندى....
امل : واااك والله ماعندي ليها جهد هالثانويه الحرفه
ندى : ايي نتمنى يجي عليها صاروخ
امل : اختك ابله رياضيات صح ؟
ندى : اي اسكتي بتقرينا السنه هذي ☹️
امل. : وووه عليك يعني معش تحلمي بـ حاجه اسمها هياجه
ندى. بزعل. : لا للافس
امل. : اممم معناها نمشي ندور وحده ثانيه نديروا اني ووياها كوارث وهياجه
ندى حذفت عليها المخده. : مصح وجهك يابيوع وع فكره لتوا مانسيتهاش لقطه طردتك ولما عيطتي في وجهي
امل. : الله كانا مش من خوي سند راه لتوا مارجعناش لبعض
ندى. : ايي قالي اختاري يا تتسامحوا انتي وامل يا معش نجيبلك ميلكا وطبعا فالبدايه رفضت بعدين فكرت قلت الله بنـبحبح كل صبح ميلكا من زيني ع طول وافقت
امل. : وجيتي تهزي زي الحماره تتأسفي 😂
ندى زعلت. : بري ملحي هي "وجت بتنوض"
امل شدتها. : تي والله لما تقعمزي نبصر عليك خيرك حساسه هكي
ندى : شافتلها بربع عين وكملت تقراء وهي ساكته
___________________________
فقت ! نسمع في صوت الاجهزه اللي من حولي قعده مافتحتش عيوني ماشفتش اني وين ولا المكان اللي اني فيه بس تفكرت اللي صارلي وعرفت ان اني فالمستشفى !
حسيت بـ ايد ماسكه يدي فتحت عيوني بصعوبه فالبدايه ماشفت شي كان كل شي عباره عن ضباب بس بعدين وضحت الرؤيه وشفت للسقف وتأكدت اني فعلا فالمستشفى بس علاش ?! قصدي لهالدرجه الضرب كان قوي ‼️
ضغطت ع اليد اللي ماسكه يدي ماقدرتش نحرك رقبتي ونشوف منو الشخص هذا بس اول ماضغطت ع يده ناض ومشي يجري ناده ع الدكتوره وجت تفحص فيا :
الدكتوره: الحمدلله فاقت ونبضها منتظم
اني: "قعدت نحاول نتكلم بعدين الحمدلله قدرت بس بصعوبه" دكتوره علاش مانقدرش نحرك رجليا وظهري
الدكتوره: سكتت...دقيقه بس الناديلك الدكتور يفهمك شن وضعك....ومشت
اني: حركت رقبتي بصعوبه مالقيتش حد قلت اكيد ماما ولا بابا قاعد يستنى برا ماعطيتش للموضوع اهميه لين جي الدكتور
الدكتور بإبتسامه: الحمدلله على سلامتك
اني بنفس الابتسامه: الله يسلمك
الدكتور: آه شن بنقولك توا بنسألك شوي اسئله وجاوبيني عليهم بصدق وماتخافيش
اني بخوف: تمام ان شاء الله خير
الدكتور قعمزت ع الكرسي جنبي: احكيلي منو الشخص اللي وصلك للحاله هذي لان امك قالت ضربتها سياره بس الواضح ان الضرب مش متع سياره ياريت تحكيلي الحقيقه وحـ نساعدك
اني سكتت: "خايفه نقول خوي اللي ضربني يحبسوه وفي نفس الوقت نبي ننتقم منه بس خذيت قرار وعارفه ان هو القرار الصح" أئئء لالا صح زي ماقالت امي اني طالعه نجري للطريق وما انتبهتش للسياره وضربتني وصار اللي صار
الدكتور: يعني بتحاولي تقنعيني ان الجروح والدم والضرب هذا كله من خبطه سياره ؟؟ اسمعي ماتنسيش ان الشخص اللي دار فيك هكي هو اللي كسرلك العمود الفقري يعني بسبب الشخص هذا مش حـ تقدري تمشي مره ثانيه مش حـ تقدري تتحركي.....اسف لاني قلتها ليك بطريقه زي هذي بس قوليلي منو اللي دار فيك هكي وصدقيني حـ نساعدك وناخذ حقك
اني بصدمه: لهالدرجه الضرب كان قوي ‼️
الدكتور بـ شك: ضرب قوي ؟؟
اني: أئئء اي نقصد ضربه السياره لهذي الدرجه كانت قويه وهكي
الدكتور: عموما براحتك مانبيش نغصبك بس نتمنى انك تقوليلي وتوثقي ان مش راح يوصل فيك شي ثاني وحـ نساعدك وناخذ حقك
اني بإبتسامه متصنعه: مشكور دكتور...توا ممكن تقولي شن عندي بالضبط
الدكتور تنهد ومسح ع شعري: ارتاحي توا وبعدين يصير خير....وطلع
قعدت متكيه ونشوف للسقف ونتوجع مره مره لـين فجأه خـش....!
_______________________________
امـل..."
نجري ونتلفت من حولي ونشوف هل الشخص قعد يلاحق فيا ولالا نجري بخوف ان يشدني تعثرت وطحت فجأه تلفتت لقيته واقف بملامحه الصارمه عيونه الحادات اللحيه السوده الكثيفه اللي ع وجها خشمه الواقف فمه المتوسط لون بشرته البيضاء اللي عاكس عليها لون اللحيه عضلات ايديه البارزات شعره الكثيف الاسود جسمه الضخم شبحته المرعبه اتجاهي هذا كله مخليني نخش في عقلي ونطلع منو الشخص هذا عمري ماشفته ولا مر عليا فـ يوم منو يكون زعما يجي يوم ونقابله ؟؟
نضت من النوم واني مضايقه من الحلم وربي تعبني فكرت في كلام ندى لما قالتلي امشي لدكتور نفسي صح مرات تكون مشكلتي نفسيه ‼️ دخلت للحمام حشاكم غسلت وجهي ونضمت اموري وصليت وبدلت ومشي لبابا وماما صبحت عليهم وعطيتهم علم ان اني بنمشي لدكتور نفسي عشان قصه هالحلم لغبر بست ع راسهم وطلعت بعد الحاح منهم ان نفطر بس قنعتهم وقلتلهم نفطر فالطريق ، كلمت ندى وقلتلها تجهز روحها عشان تمشي معاي نسوق ونكلم فيها فجأه....!
يــتـبـع...!
_______________________________
لايــــكك + تــــعــليق ← دعـــم ❤️
ادعـــمونــي راه مــش حــ تخــسـروا شــي بالـعكــس حـ تسـتفـــيدوا ❤️✨.
#𝒃𝒆𝒓𝒐𝒐❣️
أنت تقرأ
روايـه حُلـم ( ليبيه واقعيه )
Romance4 بنات عاشوا الحياه بحلوها ومُرها بأفراحها واحزانها ... الروايه ح ـتكون غامضه شوي وفي نفس الوقت مرحه ومؤثره .. نتمنى دعم 🖤💫 روِآﮯآتُ دُمِوِعَ ـ آلَقَمِر 💕☁️
