#الارهابي_وذات_النقاب
#بارت٣٤
اله اختل توازني لزمت الحايط لان جان الدرج مابي محجر ونزلت نفسي شويه شويه وكعدت
على باية الدرج
باوعت على الباب وانكسر خاطري على نفسي
الوحده صعبه ...كلش خاصه وانت تنازع وتعرف حياتك راح تنتهي عن قريب .
من وعينه عل دنيا علمنه بابا
ان رب العالمين بأي ساعه ياخذ روحنه ...بدون موعد ...بدون سابق انذار ...رغم هذا الشي منفكر بالموت .....بس من يكلولك راح تموت صح هم بدون موعد بس قريب هالشي هذا الشي يأذي هواي ....
تفكر بالقبر ...ووحشة القبر ...وراح تنترك بمكان مهجور بين القبور وحدك ....تصيح محد يسمعك من اهلك ....
والي يوجع بحالتي ...حتى ماكو احد من اهلي يدفني ...حتى واني تطلع روحي مو يكولون الميت تفتر روحه داير مداير احبابه يحجي وياهم يريدهم يسمعو ا
محد يسمعه وتبقه روحه تصيح عليهم ويأيس من يشوف احبابه يروحون ويعوفوا واني راح اموت وحيده وانزل للقبر وحيده هاي اذا احد عبرني ودفني
بجيت .....بحياتي وحيده وحتى بوفاتي راح اكون وحيده ....هالشعور يدمر هواي ....برطمت مثل الطفل من واحد يصيح بي ...لو من امه تعوفه وتروح
بقيت اباوع عل باب ...وامسح دموعي بيدي الاثنين مااعرف اباوع عل باب ...اكول هسه ينفتح وتطلع خاله جايه ورايه لان شافت وضعي مو زين ....لو كالت ال فلك وفلك كلتلهه دليني بيهه وتجي عليه ...
كومت روحي واني اواسي وحدتي ....بميخالف ....واني استحق ..... فتحت الباب مال شقه
ودخلت جنت مخليه مرايه لايلون وبيهه ماال مشاطه ....صرت كبالهه باوعت على وجهي اصفر بهاللحظه انكسر خاطري على روحي اكثر ....معقوله ملاحظوا مرضي الواضح ....لو الهاي الدرجه صرت ميته بالفعل بعيونهم
حتى خضر .شكد أذاني وشكد جنت احس بروحي اكرهه تأملت يسألني لو يلحكني ....شكد وجعني بس جان مفروض هم يشوف مرضي لان واضح ينشاف بالعيون مو بالاحساس حتى الشخص ميفكر .....محد شافج ياروحي
محد قره بملامحج انكسار واحتياج الهم
رحت لفراشي بقيت بحجابي لان جنت بردانه حيل ....ولفيت روحي بالغطه ونمت .....اول ما غمضت عيوني .... شفت بابا واكف وروجه تاخذني بعيد وروجه تقربني يمه وهو واكف يتفرج عليه ....جانت عيونه تباوعلي بحزن بس صوت واحساس بالحلم يكول هو يتشمت ...بيه لان خذلته وكسرته وخليت اسمه ينحجي بي بالموزين بس من اباوعله ...واتعمق اشوف الحزن والحب بس صوت واضح بالحلم وهو صوت افكاري مو غيري يكول هو مو راضي فزيت من صوت افكاري ابجي
بمكاني مكمت ولا تحركت لا يمنا ولا يسره اباوع عل سكف وابجي ...اصرخ بس بداخلي كاتمه الصرخات ....
واحس جسمي فقد كل طاقته كمت افتح عيني واغمضهه مثل الانحولت
الى ان غفيت او اغمى عليه مااعرف .
