غباء عن سبق الاصرار بقلم هاجر ابراهيم ___مكتمله___

الجزء العاشر

#غٌبِأّء_عٌنِ_َّسبِقِ_أّلَإصٌرأّر..... ..

#الجزء_العاشر....

مر يومين وريناد عم تحاول تقنع امها انها ترجع تشتغل بالنادي وام ريناد معنده وماعم تئبل تحكي بهالموضوع ابدا
طلت ريناد براسها وشافت امها عم تشتغل متل عادتها .. رجعت لجوا المطبخ وجهزت فنجانين قهوه وحطتهم عالصينيه واخدت نفس وطلعت لعندها

ريناد : لك يسعدلي هالمسا ايلافوووو وهي احلا فنجان قهوه لاحلى ام بالوجود
رفعت ام ريناد عيونها واطلعت ببنتها بنظره تفحصيه… وبعدا نزلت عيونها وتابعت شغلها
ام ريناد : شو بدك هاتي من الاخر ...
ريناد اعدت بحد امها : يعني لازم يكون بدي شي لحتى دلل امي حبيبتي 😚
ام ريناد : رينااد انا خابزتك وعاجنتك بئى فوتي بالموضوع وبلالك هاللفه والدوره
ريناد «حكت راسها وابتسمت ببلاهه» : هلاد انا مكشوفه ومافيي مثل ..طيب رح فوت بالموضوع
ام ريناد : اي كان من الاول 😁
ريناد« اخدت نفس وبعدا حكت بسرعه» : امي انا بدي ارجع اشتغل بالنادي 🏃‍♀🏃‍♀🏃‍♀

حكت كلمتها وهربت لورى الباب بس شحاطة ست الحبايب كانت اسرع منها 😂
ام ريناد : عم تهربي يامقصوفة الرقبه 😠
ريناد «مدت راسها» .:. اي بدي اهرب وبدك تسمحيلي ارجع عالشغل هه…
ورجعت تخبت

نزلت ام ريناد السكين م̷ـــِْن ايدها وحملت الفرده التانيه وقامت عحيلها وتوجهت ناح ريناد
ام ريناد «وهي بتسحب ريناد من ورى الباب من ادنها…»: شو ئلتي يانص نصيص عيدي ماسمعت 😠
ريناد : اااخ داني يا امي تركيني 😭
ام ريناد : لك و •اللّـہ̣̥ لخلي هالشحاطه تعلم عجنابك

ونزلت فيها ضرب وعلى وين بيجعك وريناد تنط من ئرنه لئرنه ..😂

بهاللحظه فات عطا و هو حامل كاسة الشاي واول ماشاف الحديده حاميه لف وجهو ورجع 😂
عطا : ولي هاي شسما خالتي مابتتقارش لانفد بشسموا احسلي 🏃‍

ام ريناد : ولك كني مو عارفه اضربك يائرده
ريناد «وهي بتتفادى الضربات » : لا بالله.. مابدي

ام ريناد «بتلهت وبتحط الشحاطه ع الارض .»:. بسيطه يابنت ابوكي رح امسكك..
ريناد : هديتي 😬
ام ريناد : روحي من وجهي وليه
ريناد : اي طيب رايحه بس بدي زكرك بكلامك امي ...مو نحنا يلي بننهان وبنسكت ولا بنهرب من المواجهه وازا كرمال هي السنكوحه اللي اسمها سردين فـ انا مارح اترك حقي ورح نتفها بالنادي او برا النادي 😌
ام ريناد «بنبرة جدية »: اياكي تحتكي فيها فهمتي
ريناد «باستغراب »: ليش امي !! طول عمري بعمل مشاكل وخناقات شمعنى هالمره متشدده ومتحفظه !! 😕
ام ريناد بلعثمه : اانا..
ريناد : انتي شو ماما !! في شي مابعرفه ؟
ام ريناد وهي بتمسك السكين لتهرب من نظرات بنتها : شي متل شو يعني
ريناد : مابعرف بس حاسه انو في شي
ام ريناد : لا مافي شي وياستي ازا بدك ترجعي عالشغل ارجعي منيح هيك انبسطتي
ريناد : اي هيك هه الله يخليلي ياكي ياروحي 😍