... الحلقة (15) الأخيرة الجزء الأول
من #رواية
#عروس_طرابلس
#كاتبة #أميرة_سليمان
أم ولاء..... ولاء بتجهض يا يحي... 🥺
يحي... 😲😲😲 انتي شن تدوي شن بتجهض...
أم ولاء... ولاء حامل...
شباب.... انسلخ وجههم بعد سماع الخبر...
يحي... سيب العرس و اركب مع خوه ولاء من قدام...
ولاء... اتصرخ بعبارات... لحقوني قبل ما ايموت با الله عليكم..
يحي... بي حالة صدمة في السيارة...
ميلاد.. وجهه ابديه اسود ابديه يرتعش على أخته....
يحي.... حاسس روحه يبي ايقولها و عارف انها مش وقتها..
اخ ولاء.... قريب ايدير حادث بيهم من كثرت سرعة السيارة..
ولاء... ينزلوا دموعها بحرقه....
يحي....يشبح لي ولاء و مصدوم....
رتاج... بصرخات مجنونه كيف امشيه معاها كيف خلاني كيف..
زين.... خش داخل لي أمه...
أم يحي... شن فيه فهمنا....
زين... قالت أمها...
أم يحي... شن قالت...
زين.... قالت البنت حامل أبدت تنزف....
رتاج... شهقت شهقه مجنونه....
أم يحي... منين عرفت بي الموضوع ركبت هي راجلها تتسارع للمستشفى مع خوف شديد على حياة حفيديهم....
ولاء....داخل مع الدكاترة...
اخ ولاء..... ايفنص في يحي....
أم ولاء.... اتلوح في الدوة....
يحي... . انفجر... بي عبارات.... كيف بنتك حامل ما عنديش علم... سؤال ثاني... 💔.....هذا جنين من أو لا؟
اخ ولاء... اهجم على يحي...
ام ولاء.... أبدت اتعيط.....
والد يحي....جاي يجري ايحز....
اخ ولاء.... و انتم شن جابكم توا وجعتكم ولاء جاين على
خاطر البيبي صح....
يحي.... هذا كان لينا....
أم ولاء... محقرك فوق ما لابس بدلة العرس و ماشي متزوج بنتي بين نزفت من الهم و جاي اتقول في كلام وسخ زي هذا...
يحي.... بضحكت استهزاء و انتي عارفه من ولاء و انتي وحده من الناس لي ما عندكش ذرة ثقه فيها....
أم ولاء.... اتفوا عليك...
والد يحي.... اسكتوا يا جماعة الخير خلي نطمنوا بعدين ساهل للدوة.....
_______________________________
بعد مرور ساعة......
الدكتور.ة. طلعت همست بعبارات مافي شي ايخوف يا جماعة الخير كويس وضعها
أم يحي.... و الولد.....
الدكتورة.....حمد الله بخير المرة هاذي حصل خير لاكن لازم ترتاح الفترة هاذي مش يتبث الجنين.....
يحي...... اخديه أمه و بوه روح بيهم....
أم يحي... في السيارة خيرك يحي روحت بينا خليتنا خشينا شوفنها...
يحي... وقف السيارة و دموعه أبدوا ينزلوا و ابديه ايصرخ بعبارات اه ياربي اه....
والد يحي.... فعلا شن المصيبة هاذي عندك الحق اتعيط يا ولدي....
يحي... انا كيف بنستقر منين اطلعلي الهم هذا.....
أم يحي....داسه الموضوع هي و امها مفلحها...
يحي... يمه كيف بنعرف هذا ولدي أو لا....
أم يحي بشهقه مجنونه حته انا لنكرها ما اشكيت فيها كيف انت شكيت مستحيل توصل بيها لي أهنا....
والد يحي..... عيب ولدي الكلام هذا....
ميلاد.... مقعمز في الشارع و يستنى في يحي و يستنى في مصير أخته...
رتاج.... مقعمزة في الخيمة في وسط الناس و دموعها خربوا المكياج....
ولاء.....ماما 🥺💔 وين يحي مش جاي معانا بكري..
أم ولاء... اسمعي لا بحي لا بطيخ العيل كان بيموت يا غبية من حزنك على عقاب فرخ كلب...
ولاء.... وين امشيه يمه نسأل فيك 🥺💔....
اخ ولاء.... روح...
ولاء... معاش يبيني شوره خلاص...
أم ولاء.... يارب صبرني يارب على همي....
يحي.... درس بسرعة مجنونه قدام باب حوشهم انزل و اضرب الباب بي القوة....
ميلاد... جاي يجري لي يحي....
يحي.... يشبح لي ميلاد في نظرات ألم و حزن و حشمه...
ميلاد... شن صار يحي..!!
يحي.... معاش اعرف ايعبر....
وال. يحي...المراة بي خير هي و الجنين...
ميلاد.... ازمط ريقه....و وجهه سود....
يحي.... خش بيطلع رتاج بيروح بيها لحوشهم و الصدمة 😮😮
________________________________
يحي.... كيف خش بيشد أيدى رتاج بيطلعها...
رتاج... فكت ايديها بي القوة 😮
يحي.... لصار معاي يا بنت الناس غصب عليه ما عنديش علم بيه الا اليوم نتمنى تفهميني....
رتاج..... بصرخة مجنونه لا.
يحي... شن لا 😮
رتاج.... بنروح لي أهلي توا معاش نبي نقعد مدامه مرتك الاوله حامل بي ولدك...
أم يحي....وسعي بالك بنتي صلي على النبي...
رتاج... أبدت اتصرخ بي ميلاد تعاله يا ميلاد وينك...
يحي.... بسم الله الرحمن الرحيم ياربي شن هذا قاعد ايصير معاي...
رتاج..... انهارات بي الدموع و تسريح أبدت تتخرب...
ميلاد...شن فيه...
رتاج... توا هي روح بيه لحوشنا..
ميلاد... شن اتقولي انتي اهبلتي تبي بوك يقتلنا اليوم...
رتاج... هي قوتلك...
ميلاد.... صكري فمك شن لعب صغار هو...
رتاج... امشت طلعت للشارع و الفيلو اتمسخ بتراب..
ميلاد... شن اديري يا مجنونه...
رتاج... روح بيه قوتلك فرحتي فسدت و قعددت في الفرحة حلق في رقبتي.
ميلاد.... ركب اخته روح بيها....
يحي... في داخله حمد الله جت منك مش مني حمد الله اتفكيت منك 😢.....
والد يحي.... تي برا الحقهم يا ولد...
يحي... لا
أم ولاء... 😮😮😮😮😮
يحي.... اركب سيارته و اتجهه للبحر....
والد يحي.... ياحليلي شن بنديروا قدام أهلها البنت...
أم يحي....الله يستر علينا....
زين... هذا جريمتك يا بوي تلعن فينا قاعده...
والد يحي.... انصدم بقصفت زين...
بعد مرور اسبوع من الحدث....
رتاج.... قاعده في حوش أهلها لا معلقه لا مطلقه...
أهلها... لايمين عليها كيف روحت حاطين الحق عليها...
يحي... مختفي على الأنظار...
ولاء... واقفه قدام الروشن حاطه ايديها على بطنها و اتراقب في حوش يحي بي انتظار رجعت يحي....
أم ولاء ..... تعرفي غبية رتاج هاذي كيف روحت َ خلاته بساهل هكي...
ولاء.... تتضحك فرحانه...
أم ولاء... شن ايضحك فيك
ولاء.... بهمسات رقيقة... لأنه يمه يحي ليا انا و بس و خلق ليه انا و بس...
أم ولاء... 😮😮 قاعده البنت على ذمته....
ولاء.... و انا مش على ذمته و حامل بولده.....
أم ولاء.... حق ربي مش طبيعة انتي....
________________________________
مع مرور الأيام ولاء كل اليوم بطنها اتزيد كل اليوم جنينها يكبر في بطنها و هي بعيده على يحي بعيده على قربه بعيده
على حضنه حاسه روحها بروحها ما تطلعيش من دارها...
يحي... راقد في المربوعة معاش يطلع منين علاقته انتزعت مع ميلاد بسبب طلاق رتاج من يحي 💔
مع تسارع الايام قلوب انكسرت مش قادرة تتجبر معاش عندها جهد المقاومة.....
في سادس من شهر حمل ولاء لبست جهزت روحها ركبت هي امها و اتجهت للعيادة بتطمن على جنس الجنين بعد ما أخدت القرار 💔
خشت ولاء للعيادة و اتمنت يحي معاها في هاذي لاحظات و ابشرها الدكتور بقدوم ولد روحت هي فرحانه بصدق أحساسها لي مخابش 💔
هي كيف قعمزت في دارها و الصدمة 😮😮😮😮
تابعوا الجزء الثاني من الحلقة الأخيرة في ليل ❤️
YOU ARE READING
عروس طرابلس ( روايات ليبية )
ActionMBC LIBYA 🇱🇾 تقدم هذه الرواية تجمع بين الحب و الشجاعه والتشويق 🔥 للكاتبة :- اميرة سليمان MBC LIBYA 🇱🇾 تتمنى لكم قراءة ممتعة
